سندھ بلڈنگ ، مافیا کے ساتھ ملی بھگت سے غیر قانونی تعمیرات بے لگام
اشاعت کی تاریخ: 7th, January 2026 GMT
فیڈرل بی ایریاسی 56 ، ڈی 157 پر تعمیراتی لاقانونیت ،بیٹر مافیا کی دہشت قائم
ڈائریکٹر جعفر امام صدیقی پر مافیا کو تحفظ فراہمی ، قواعد میں نرمی برتنے کے گمبھیر الزامات
ضلع وسطی کے معروف رہائشی علاقے فیڈرل بی ایریا کے رہائشی بلاک نمبر 4میں غیر قانونی تعمیرات نے ایک بار پھر شہریوں اور قانون پسند شہریوں کو بے چین کر دیا ہے ۔ مقامی رہائشیوں اور سرگرم کارکنوں کا کہنا ہے کہ یہاں بغیر کسی منظور شدہ نقشے ، تعمیراتی اجازت نامے یا ضروری دستاویزات کے کئی منزلہ عمارات، دکانیں اور رہائشی یونٹس تیزی سے بنائے جا رہے ہیں۔ ان غیر قانونی سرگرمیوں کے پیچھے طاقتور "تعمیراتی بیٹر مافیا”کو قرار دیا جا رہا ہے جو انتظامیہ کے بعض افسران کے ساتھ ملی بھگت سے شہری قوانین کو بالائے طاق رکھتے ہوئے دھڑلے سے کام کر رہا ہے ۔پلاٹ سی 56اور ڈی 157پر تعمیراتی لاقانونیت کا راج برقرار ہے ،علاقہ مکینوں نے بتایا کہ ان تعمیراتی سرگرمیوں کی وجہ سے نہ صرف علاقے کا بنیادی ڈھانچہ متاثر ہو رہا ہے ، بلکہ پانی، گیس، بجلی کی لائنیں بھی غیر محفوظ ہو گئی ہیں، جبکہ پارکنگ اور سڑکوں کی گنجائش بھی شدید متاثر ہوئی ہے ۔ انہوں نے سندھ بلڈنگ کنٹرول اتھارٹی کے خلاف بھی سخت احتجاج کا اظہار کیا، جو ان غیر قانونی تعمیرات کو روکنے میں ناکام دکھائی دے رہی ہے ۔جرأت سروے ٹیم کو حاصل ہونے والی معلومات کے مطابق، اس سلسلے میں خاص طور پر سندھ بلڈنگ کنٹرول اتھارٹی کے ڈائریکٹر جعفر امام صدیقی پر سنگین الزامات عائد کیے جا رہے ہیں۔ ذرائع کا کہنا ہے کہ جعفر امام مافیائی عناصر کو تحفظ فراہم کر رہے ہیں اور غیر قانونی تعمیرات کے خلاف کارروائی میں جان بوجھ کر تاخیر یا نرمی برت رہے ہیں۔ ان پر یہ بھی الزام ہے کہ وہ بلاک 4میں جاری غیر قانونی تعمیرات کے معاملے میں متعلقہ حکام کو مؤثر طور پر کارروائی کرنے سے روک رہے ہیں۔شہری حقوقی تنظیموں کا مطالبہ ہے کہ صوبائی حکومت فوری طور پر اس معاملے کی جامع انکوائری کروائے اور سندھ بلڈنگ کنٹرول اتھارٹی کے ڈائریکٹر سمیت تمام مشکوک افسران کے خلاف کارروائی کرے ۔ ان کا کہنا ہے کہ اگر یہ سلسلہ یونہی جاری رہا تو فیڈرل بی ایریا جیسا منظم علاقہ بھی رہائشیوں کے لیے غیر محفوظ ہو جائے گا۔اتھارٹی کے ترجمان نے اس بارے میں ابتدائی رد عمل دیتے ہوئے کہا ہے کہ ”ہر قسم کے غیر قانونی تعمیراتی کام کی تحقیقات کی جا رہی ہیں اور ضروری قانونی اقدامات اٹھائے جائیں گے ”۔ تاہم، ڈائریکٹر جعفر امام صدیقی کی جانب سے ابھی تک ان الزامات کا کوئی باقاعدہ جواب سامنے نہیں آیا ہے ۔صورت حال کے پیش نظر مقامی لوگ احتجاجی مہم تیار کر رہے ہیں اور وہ صوبائی وزیر بلدیات، اینٹی کرپشن اتھارٹی اور عدلیہ سے فوری مداخلت کی اپیل کر رہے ہیں۔
.
ذریعہ
ذریعہ: Juraat
کلیدی لفظ: سندھ بلڈنگ اتھارٹی کے رہے ہیں
پڑھیں:
سعودی عرب کے ساتھ دفاعی معاہدے کے پابند ہیں اور اس کی پاسداری کریں گے: پاکستان
پاکستان نے یمن کے حوثی گروپ کی جانب سے سعودی آئل ٹینکر پر حملے اور بحیرہ احمر میں تجارتی جہاز رانی کو درپیش خطرات کی پرزور الفاظ میں مذمت کی ہے اور سعودی عرب کی سلامتی و خودمختاری کے لیے اپنی مکمل حمایت کا اعادہ کیا ہے۔وزیراعظم شہباز شریف نے جمعرات کو سعودی عرب کے ولی عہد شہزادہ محمد بن سلمان سے ٹیلی فونک رابطہ کر کے بحرِ احمر میں سعودی آئل ٹینکرز پر حوثی ملیشیا کے حملے کی شدید الفاظ میں مذمت کی۔وزیراعظم نے حملے کو بزدلانہ اقدام قرار دیتے ہوئے کہا کہ ”ایسے اقدامات قطعی ناقابلِ قبول ہیں. یہ بین الاقوامی قانون کی صریح خلاف ورزی ہیں، جہاز رانی اور تجارتی نقل و حمل کی آزادی کے لیے خطرہ ہیں اور علاقائی امن، سلامتی اور استحکام کو نقصان پہنچاتے ہیں“۔وزیراعظم نے سعودی عرب کے ساتھ پاکستان کی مکمل یکجہتی کا اظہار کرتے ہوئے کہا کہ میں خود، فیلڈ مارشل سید عاصم منیر اور پوری پاکستانی قوم اس نازک وقت میں سعودی قیادت اور مملکت کے برادر عوام کے ساتھ مضبوطی اور عزم کے ساتھ کھڑے ہیں۔انہوں نے مزید یقین دہانی کرائی کہ پاکستان مملکت سعودی عرب کی سلامتی، خودمختاری اور علاقائی سالمیت کی مکمل حمایت کرتا ہے اور بحرِ احمر، آبنائے ہرمز اور خطے میں سمندری تجارت کی روانی کو یقینی بنانے کے لیے عالمی برادری اور سعودی عرب کے ساتھ مل کر کام کرتا رہے گا۔گفتگو کے دوران سعودی ولی عہد شہزادہ محمد بن سلمان نے پاکستان کی اس مستقل حمایت اور دونوں ممالک کے درمیان قائم قریبی برادرانہ تعلقات کی تعریف کی۔ اس موقع پر وزیراعظم پاکستان نے خادمِ حرمین شریفین، شاہ سلمان بن عبدالعزیز آل سعود کے لیے بھی نیک خواہشات اور خیر سگالی کے جذبات کا اظہار کیا۔
دوسری جانب، دفترِ خارجہ کے ترجمان طاہر حسین اندرابی نے ہفتہ وار میڈیا بریفنگ کے دوران گفتگو کرتے ہوئے کہا کہ ”گزشتہ ہفتے بھی حوثیوں کی جانب سے حملہ کیا گیا تھا. جس کی وزیراعظم پاکستان نے فوری مذمت کرتے ہوئے سعودی عرب کے ساتھ مکمل یکجہتی کا اظہار کیا تھا“۔طاہر اندرابی نے کہا کہ ہمارے بحری جہازوں پر حملہ ریڈلائن ہوگی. ہم سعودی عرب کے ساتھ باہمی دفاعی معاہدے کے پابند ہیں اور سعودی عرب کے ساتھ تمام معاہدوں کی پاسداری کریں گے۔انہوں نے خبردار کیا کہ یمن کے مسلح گروہوں کی جانب سے سعودی عرب پر ایسے حملے خطے میں پہلے سے موجود کشیدگی کو مزید بڑھا سکتے ہیں، اس لیے پاکستان تمام فریقین سے تحمل کا مظاہرہ کرنے اور مسائل کا پرامن حل سفارتی راستے سے نکالنے کی اپیل کرتا ہے۔خطے میں امن قائم کرنے اور کشیدگی کم کرنے کے لیے پاکستان نے اپنی سفارتی رفت و آمد میں بھی اضافہ کر دیا ہے۔ترجمان کے مطابق حال ہی میں ایران کے وزیر داخلہ اسکندر مومنی نے پاکستان کا دورہ کیا، جہاں انہوں نے وزیراعظم، فیلڈ مارشل اور وفاقی وزیر داخلہ سمیت اعلیٰ قیادت سے ملاقاتیں کیں تاکہ علاقائی سیکیورٹی کی صورتحال پر تبادلہ خیال کیا جا سکے۔اس کے علاوہ پاکستان اور کویت کے وزرائے خارجہ کے درمیان رابطہ ہوا، جبکہ منیلا میں آسیان ریجنل فورم کے موقع پر نائب وزیراعظم اور وزیر خارجہ اسحاق ڈار نے مصر، عمان، فلپائن، روس اور بنگلہ دیش کے وزرائے خارجہ سے الگ الگ اہم ملاقاتیں کیں۔ان ملاقاتوں کی تفصیل بتاتے ہوئے ترجمان نے کہا کہ ”مصر کے وزیر خارجہ سے ملاقات میں دونوں رہنماؤں نے تمام ممالک کی علاقائی سالمیت اور خودمختاری کے احترام پر زور دیا، جبکہ عمان کے وزیر خارجہ نے خطے میں کشیدگی کے خاتمے اور امن و استحکام کے لیے پاکستان کے سفارتی کردار کو سراہا“۔اس کے ساتھ ساتھ روس کے وزیر خارجہ سرگئی لاوروف اور بنگلہ دیش کے وزیر خارجہ خلیل الرحمان سے بھی باہمی تعلقات اور تعاون کو آگے بڑھانے پر بات چیت کی گئی۔ترجمان دفترِ خارجہ نے مزید بتایا کہ پاکستان کے نائب وزیراعظم و وزیر خارجہ اسحاق ڈار اب شنگھائی تعاون تنظیم (ایس سی او) کے وزرائے خارجہ کونسل اجلاس میں شرکت کے لیے بشکیک پہنچیں گے. جہاں ان کی کرغزستان کے صدر اور دیگر رکن ممالک کے وزرائے خارجہ سے ملاقاتیں متوقع ہیں۔ترجمان نے یہ بھی بتایا کہ کینیڈا کی وزیر خارجہ انیتا آنند نے بھی حال ہی میں پاکستان کا دورہ کیا ہے، جو گزشتہ بیس سالوں میں کسی کینیڈین وزیر خارجہ کا پہلا دورہ تھا اور اس دوران دونوں ممالک کے درمیان دوطرفہ تعلقات کی مضبوطی کے لیے اعلیٰ سطح پر بات چیت کی گئی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی