سینیٹر علامہ راجہ ناصر عباس جعفری کی علامہ شہنشاہ حسین نقوی سے ملاقات
اشاعت کی تاریخ: 7th, January 2026 GMT
ملاقات میں باہمی دلچسپی کے اہم امور، ملی وحدت، شیعہ برادری کو درپیش مسائل اور موجودہ حالات میں مشترکہ لائحہ عمل پر بھی گفتگو ہوئی۔ دونوں شخصیات نے اس بات پر اتفاق کیا کہ قومی مفاد، اتحادِ امت اور مظلوم اقوام کی حمایت کے لیے باہمی روابط اور مشاورت کو مزید مضبوط بنایا جائے گا۔ متعلقہ فائیلیںاسلام ٹائمز۔ مجلس وحدت مسلمین پاکستان کے سربراہ سینیٹر علامہ راجہ ناصر عباس جعفری نے وفد کے ہمراہ جعفریہ الائنس پاکستان کے صدر علامہ سید شہنشاہ حسین نقوی سے ان کی رہائش گاہ پر ملاقات کی۔ ملاقات کے دوران دونوں رہنماؤں کے درمیان ملک کی موجودہ سیاسی صورتحال، قومی سلامتی، امتِ مسلمہ کو درپیش چیلنجز اور بین الاقوامی حالات پر تفصیلی تبادلۂ خیال کیا گیا۔ ملاقات میں باہمی دلچسپی کے اہم امور، ملی وحدت، شیعہ برادری کو درپیش مسائل اور موجودہ حالات میں مشترکہ لائحہ عمل پر بھی گفتگو ہوئی۔ دونوں شخصیات نے اس بات پر اتفاق کیا کہ قومی مفاد، اتحادِ امت اور مظلوم اقوام کی حمایت کے لیے باہمی روابط اور مشاورت کو مزید مضبوط بنایا جائے گا۔
اس موقع پر مجلس وحدت مسلمین کے رہنما علامہ سید باقر عباس زیدی، مولانا حیات عباس نجفی، مولانا صادق جعفری، مولانا مختار احمد امامی، علامہ مبشر حسن اور رضی حیدر رضوی جبکہ جعفریہ الائنس پاکستان کی جانب سے علامہ سید باقر حسین زیدی، علامہ نثار احمد قلندری، غیور عباس سمیت دیگر شخصیات بھی موجود تھیں۔ ملاقات خوشگوار ماحول میں اختتام پذیر ہوئی اور شرکاء نے قومی یکجہتی اور باہمی تعاون کے فروغ کے عزم کا اظہار کیا۔
ذریعہ
ذریعہ: Islam Times
پڑھیں:
کراچی، محسن نقوی کا صفورا میں واقع نادرا میگا سینٹر کا اچانک دورہ
وفاقی وزیر داخلہ محسن نقوی نے شہریوں سے سینٹر میں فراہم کردہ سہولتوں کے بارے میں دریافت کیا، شہریوں سے شناختی کارڈز اور دیگر دستاویزات بنوانے کے عمل بارے پوچھا۔ نادرا میگا سینٹر میں موجود شہریوں نے مہیا کردہ سہولیات پر اطمینان کا اظہار کیا۔ متعلقہ فائیلیںاسلام ٹائمز۔ وفاقی وزیر داخلہ محسن نقوی نے یونیورسٹی روڈ صفورا میں واقع نادرا میگا سینٹرکا اچانک دورہ کیا۔ وزیر داخلہ نے شہر قائد کے نادرا میگا سینٹر میں شہریوں کے لئے سہولتوں کا جائزہ لیا، محسن نقوی شناختی کارڈز اور دیگر دستاویزات بنانے کے لیے آئے شہریوں سے ملے۔ وفاقی وزیر داخلہ محسن نقوی نے شہریوں سے سینٹر میں فراہم کردہ سہولتوں کے بارے میں دریافت کیا، شہریوں سے شناختی کارڈز اور دیگر دستاویزات بنوانے کے عمل بارے پوچھا۔ نادرا میگا سینٹر میں موجود شہریوں نے مہیا کردہ سہولیات پر اطمینان کا اظہار کیا۔ شہریوں کا کہنا تھا کہ شناختی کارڈز اور دیگر دستاویزات بنوانے میں انتظار نہیں کرنا پڑتا، وقت پر باری آ جاتی ہے اور عملہ بھی مکمل تعاون کرتا ہے۔ محسن نقوی مختلف کاؤنٹرز پر گئے اور خصوصا بزرگ شہریوں سے گفتگو کی اور ان کے ایشوز پوچھے، بزرگ شہریوں اور خواتین کے کام ترجیحی بنیادوں پر کرنے کے احکامات جاری کئے۔ وزیر داخلہ محسن نقوی نے نادرا سینٹر کے انچارج اور عملے کی کارکردگی کی تعریف کی۔
وزارت آئی ٹی نے 1.67 ارب روپے سے زاید کے فنڈز طلب کرلیے