امریکی فوج نے وینزویلا سے منسلک روسی آئل ٹینکر قبضے میں لے لیا
اشاعت کی تاریخ: 7th, January 2026 GMT
data-id="863a0a8" data-element_type="widget" data-widget_type="theme-post-content.default">
امریکی فوج نے ایک ہفتے کے طویل تعاقب کے بعد شمالی بحر اوقیانوس میں وینزویلا سے روابط رکھنے والے روسی پرچم والے آئل ٹینکر کو قبضے میں لے لیا ہے۔
عالمی میڈیا رپورٹ کے مطابق امریکی فوج کی یورپی کمان نے بدھ کے روز کہا کہ میرینیرا آئل ٹینکر، جو اصل میں بیلا-1 کے نام سے جانا جاتا ہے، کو “امریکی پابندیوں کی خلاف ورزی کرنے پر” قبضے میں لیا گیا ہے۔
اس سے قبل دو نامعلوم امریکی اہلکاروں نے خبر رساں ادارے روئٹرز کو بتایا تھا کہ بدھ کی کارروائی کوسٹ گارڈ اور امریکی فوج نے کی تھی۔
روس کے سرکاری نشریاتی ادارے RT نے اطلاع دی ہے کہ امریکی افواج ایک ہیلی کاپٹر سے میرینیرا پر سوار ہوئیں، اور جہاز کے قریب منڈلاتے ہوئے طیارے کی تصویر شائع کی۔
امریکی حکام نے سی بی ایس نیوز کو بتایا واشنگٹن اس جہاز کو نقصان پہنچانے یا ڈبونے کے بجائے اسے قبضے میں لینا چاہتا ہے، یہ بحری جہاز جو اس وقت خالی ہے ماضی میں وینزویلا سے خام تیل کی رسد میں اہم کرداد ادا کرتا رہا ہے۔
وال اسٹریٹ جرنل کا کہنا ہے روس نے آبدوز بھی روانہ کردی ہیں، منگل کو امریکی فوج کی سدرن کمانڈ نے سوشل میڈیا پر لکھا تھا وہ پابندی شدہ جہازوں اور عناصر کیخلاف کارروائی کیلئے تیار ہیں۔
امریکی فوج کا کہنا ہے کہ ہماری بحریہ متحرک ہے، جب بھی حکم آئے گا ہم اس پر عملدرآمد کیلئے پہنچ جائیں گے، نکولس مادورو کی گرفتاری سے قبل صدر ٹرمپ نے بارہا الزام لگایا کہ وینزویلا کی حکومت جہازوں کے ذریعے امریکا میں منشیات اسمگل کررہی ہے۔
ذریعہ
ذریعہ: Jasarat News
کلیدی لفظ: امریکی فوج
پڑھیں:
کے ڈی اے کو مرحوم افسر کے واجبات لواحقین کو ادا کرنے کا حکم
— فائل فوٹوسندھ ہائی کورٹ نے کے ڈی اے کو مرحوم افسر کے لواحقین کے واجبات کی ادائیگی کا حکم دے دیا۔
عدالت کے آئینی بینچ نے کے ڈی اے کے مرحوم افسر کے واجبات کی لواحقین کو عدم ادائیگی کے کیس کی سماعت کی۔
درخواست گزار کے وکیل نے عدالت کو بتایا کہ کے ڈی اے نے واجبات تسلیم کرنے کے باوجود ادائیگی نہیں کی۔
عدالت کے استفسار پر کے ڈی اے کے وکیل نے بتایا کہ کے ڈی اے اب تک 3 لاکھ 50 ہزار روپے ادا کرچکا ہے، ادائیگی میں تاخیر مالی مشکلات کے باعث ہوئی۔
کے ڈی اے کے وکیل نے بتایا کہ سندھ حکومت سے 5 ارب روپے کی گرانٹ طلب کی گئی ہے۔
کراچی سندھ ہائی کورٹ نے ایکسائز افسر کے خلاف 4 من سے...
جس پر عدالت نے اپنے ریمارکس دیتے ہوئے کہا کہ ریکارڈ کے مطابق مرحوم افسر کے واجبات ان کی زندگی میں ادا نہیں کیے گئے، درخواست گزار قانونی وارث ہونے کے باعث واجبات کی حق دار ہیں، پینشن اور ریٹائرمنٹ فوائد کسی ادارے کی صوابدید نہیں بلکہ قانونی حق ہے۔
عدالت نے اپنے حکم میں کہا کہ واجبات کی بر وقت ادائیگی ریاستی اداروں کی آئینی ذمے داری ہے، ادارے کی مالی مشکلات ملازمین کو تسلیم شدہ حقوق سے محروم رکھنے کا جواز نہیں بن سکتیں، سرکاری ادارے مالی اور انتظامی امور بہتر انداز میں چلانے کے پابند ہیں، کے ڈی اے درخواست گزار کو واجبات کی مد میں 1 کروڑ 10 لاکھ روپے ادا کرے اور عمل درآمد رپورٹ رجسٹرار سندھ ہائی کورٹ کو پیش کی جائے۔
پاکستان نے ورلڈ کپ 2028 کیلیے براہ راست کوالیفائی کر لیا