نس بندی میں وقت لگتا ہے، آوارہ کتوں کو مارنا ناگزیر ہوچکا ہے، مرتضیٰ وہاب
اشاعت کی تاریخ: 7th, January 2026 GMT
کراچی کے میئر بیرسٹر مرتضیٰ وہاب نے آوارہ کتوں کے کاٹنے کے بڑھتے ہوئے واقعات پر تشویش کا اظہار کرتے ہوئے کتوں کو مارنے کی حمایت کی ہے اور نس بندی یعنی نیوٹرنگ کے عمل کو سست اور غیر مؤثر قرار دیا ہے۔
میئر کراچی کے مطابق شہر میں صرف سال 2026 کے ابتدائی 5 دنوں میں آوارہ کتوں کے کاٹنے کے 800 سے زائد واقعات رپورٹ ہو چکے ہیں، جو ایک تشویشناک صورتحال کی عکاسی کرتے ہیں۔
یہ بھی پڑھیے: اسلام آباد میں آوارہ کتوں کے خلاف سی ڈی اے اور ایم سی آئی کی کارروائیاں تیز
صحافیوں سے گفتگو کرتے ہوئے بیرسٹر مرتضیٰ وہاب نے کہا کہ فوری اور مؤثر اقدامات کے لیے آوارہ کتوں کو مارنا ناگزیر ہو چکا ہے۔ انہوں نے کہا کہ نیوٹرنگ میں وقت لگتا ہے جبکہ شہر میں ڈاگ بائٹ کے کیسز تیزی سے بڑھ رہے ہیں۔
انہوں نے مزید کہا کہ ایک چھوٹا سا گروہ آوارہ کتوں کو مارنے کی مخالفت کرتا ہے اور بار بار عدالتوں سے حکمِ امتناع حاصل کر لیتا ہے، جس کے باعث مسئلہ حل نہیں ہو پا رہا۔ میئر کراچی کے مطابق عوام کی اکثریت فوری کارروائی کی حامی ہے اور اس مسئلے کا حتمی حل چاہتی ہے۔
سرکاری اعداد و شمار کے مطابق، سال کے ابتدائی 5 دنوں میں کراچی میں تقریباً کتوں کے کاٹنے کے 850 کیسز رپورٹ ہوئے، جن میں انڈس اسپتال اور سول اسپتال میں 300، 300 جبکہ جناح اسپتال میں 250 سے زائد کیسز سامنے آئے۔
انڈس اسپتال کے ڈاگ بائٹ کلینک کے انچارج ڈاکٹر آفتاب گوہر نے بتایا کہ ایک 41 سالہ شخص کو آوارہ کتے کے کاٹنے سے شدید انفیکشن اور خون کی روانی متاثر ہونے کے باعث انگلی کاٹنی پڑی۔ انہوں نے کہا کہ زیادہ تر کیسز کورنگی، حب چوکی، بلدیہ ٹاؤن، لانڈھی اور گڈاپ ٹاؤن سے رپورٹ ہوئے ہیں۔
دوسری جانب اس معاملے پر سیاسی تنقید بھی سامنے آئی ہے۔ جماعتِ اسلامی کراچی کے امیر منعم ظفر نے میئر کراچی کو آوارہ کتوں کے کاٹنے کے واقعات، کھلے مین ہولز اور سیوریج سے ہونے والی اموات پر شدید تنقید کا نشانہ بنایا۔
انہوں نے الزام عائد کیا کہ ماضی میں متحدہ قومی موومنٹ (ایم کیو ایم) نے بھی دہائیوں تک کراچی کو نقصان پہنچایا اور دونوں طرف سے کھیلنے کی سیاست کی۔
واضح رہے کہ میڈیا رپورٹس کے مطابق گزشتہ ماہ جیکب آباد سے تعلق رکھنے والا ایک لڑکا آوارہ کتے کے کاٹنے کے 2 ماہ بعد انڈس اسپتال میں ریبیز کے باعث جاں بحق ہو گیا تھا۔ 24 دسمبر 2025 کو رپورٹ ہونے والی اس ہلاکت کے بعد سندھ میں گزشتہ سال ریبیز سے جاں بحق افراد کی تعداد 21 سے تجاوز کر گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آوارہ کتے کراچی مرتضیٰ وہاب.
ذریعہ
ذریعہ: WE News
کلیدی لفظ: آوارہ کتے کراچی مرتضی وہاب کتوں کے کاٹنے کے آوارہ کتوں کے کے مطابق رپورٹ ہو کراچی کے انہوں نے کتوں کو کہا کہ
پڑھیں:
وسیم اکرم، مصباح اور فخر عالم نے اپنی حج کی پوسٹس پر ہونے والی تنقید کا جواب دے دیا
پاکستانی کرکٹ کے لیجنڈ وسیم اکرم، سابق کپتان مصباح الحق، میزبان و اداکار فخر عالم، سابق کرکٹر سعید انور اور دیگر معروف شخصیات نے اس سال مشترکہ طور پر فریضۂ حج ادا کیا۔ تاہم دورانِ حج سوشل میڈیا پر ان کی بعض ویڈیوز اور تصاویر وائرل ہونے کے بعد انہیں تنقید کا سامنا بھی کرنا پڑا۔
وسیم اکرم کی رمی الجمرات کے دوران شیئر کی گئی ایک ویڈیو، جس میں انہوں نے اپنے مخصوص سوئنگ اسٹائل میں شیطان کو کنکریاں مارنے کا انداز اپنایا، خاصی وائرل ہوئی۔ بعد ازاں ایک اور ویڈیو میں وہ مصباح الحق کے لیے کیلے اٹھائے ہوئے دکھائی دیے، جس پر بھی صارفین نے مختلف تبصرے کیے۔
دوسری جانب فخرِ عالم نے اپنے حج سفر کی متعدد جھلکیاں سوشل میڈیا پر شیئر کیں جن میں اداکار بلال عباس خان اور کامیڈین تابش ہاشمی سمیت دیگر شخصیات بھی نظر آئیں۔ ان سرگرمیوں کے باعث بعض سوشل میڈیا صارفین نے اس سفر کو ’’حج کے بجائے پکنک‘‘ قرار دیا۔
@timesofkarachiWhy didn’t Wasim Akram, Fakhar-e-Alam, and Misbah-ul-Haq shave their heads as part of the Hajj ritual? #TOKReports #Hajj #WasimAkram #FakhareAlam #MisbahulHaq
♬ original sound - Times of Karachiحالیہ گفتگو میں وسیم اکرم، فخرِ عالم اور مصباح الحق نے ان تنقیدی تبصروں کا جواب دیتے ہوئے کہا کہ بہت سے لوگوں نے سوال اٹھایا کہ انہوں نے حج کے بعد سر منڈوانے کے بجائے صرف بال کیوں کٹوائے۔ ان کے مطابق حج پر روانگی سے قبل انہوں نے علماء کرام سے رہنمائی حاصل کی تھی جنہوں نے دو شرعی آپشنز بتائے تھے، یا تو مکمل سر منڈوایا جائے یا پھر قصر کروائی جائے، جس میں بالوں کا ایک حصہ کٹوایا جاتا ہے۔ انہوں نے دوسرا طریقہ اختیار کیا جو شرعی طور پر جائز ہے۔
انہوں نے ’’حج یا پکنک‘‘ سے متعلق تنقید پر بھی ردعمل دیتے ہوئے کہا کہ حج ایک عظیم عبادت ہے، لیکن اس دوران انسان چوبیس گھنٹے صرف ایک ہی عمل میں مصروف نہیں رہتا۔ عبادت کے ساتھ دوستوں سے ملاقات، گفتگو، دعائیں، مسکراہٹیں اور خوشی کے لمحات بھی اس سفر کا حصہ ہوتے ہیں۔ ان کا کہنا تھا کہ تنقید کرنے سے پہلے لوگوں کو ان معاملات کی مکمل معلومات حاصل کرنی چاہئیں۔
وسیم اکرم اور ان کے ساتھیوں نے بتایا کہ انہوں نے نوجوان نسل کے لیے بھی مختلف ویڈیوز بنائیں تاکہ حج کی ادائیگی سے متعلق رہنمائی فراہم کی جا سکے اور نوجوانوں میں اس مقدس سفر کا شوق پیدا ہو۔ ان کے مطابق ان ویڈیوز کا مقصد صرف معلومات دینا اور لوگوں کو حج کے لیے آمادہ کرنا تھا۔
مدینہ منورہ سے گفتگو کرتے ہوئے فخر عالم نے کہا کہ حج مکمل کرنے کے بعد سب سے زیادہ یہی سوال پوچھا جا رہا ہے کہ آخر انہیں حج پر جانے کی ترغیب کیسے ملی۔ اس سوال کے جواب میں وسیم اکرم نے کہا کہ انہوں نے پہلے سے کوئی خاص منصوبہ بندی نہیں کی تھی، بلکہ وہ ہمیشہ یہی سوچتے تھے کہ جب دل سے تیاری محسوس ہوگی تو حج کریں گے۔ ان کے بقول جب انہیں معلوم ہوا کہ فخر عالم اور مصباح الحق بھی حج پر جا رہے ہیں تو انہوں نے بھی اس قافلے میں شامل ہونے کا فیصلہ کر لیا۔
View this post on Instagramوسیم اکرم نے مزید کہا کہ وہ جلد 60 برس کے ہونے والے ہیں اور انہیں محسوس ہوا کہ اب اس مقدس فریضے کی ادائیگی کا بہترین وقت آ گیا ہے۔ انہوں نے حج کے سفر کو جسمانی طور پر مشکل لیکن یادگار اور قابلِ برداشت قرار دیا۔
مصباح الحق نے بھی اپنے جذبات کا اظہار کرتے ہوئے کہا کہ حج کا یہ سفر ان کی زندگی کے خاص ترین تجربات میں سے ایک ہے۔ ان کے مطابق دوستوں کے ساتھ اس روحانی سفر کو طے کرنے سے اس کی خوبصورتی اور یادیں مزید بڑھ گئیں، اور یہ تجربہ ہمیشہ ان کے دل میں محفوظ رہے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ