پنجاب حکومت کی ترجیحات کا مرکز عام آدمی کی فلاح و بہبود ہے، اٹارنی جنرل پاکستان
اشاعت کی تاریخ: 8th, January 2026 GMT
لاہور: (نیوزڈیسک) اٹارنی جنرل آف پاکستان ملک منصور عثمان اعوان نے پنجاب حکومت کی کارکردگی اور عوامی فلاحی پالیسیوں کو سراہتے ہوئے کہا ہے کہ صوبائی حکومت میرٹ اور قانون کی بالادستی کے لیے مؤثر اور بہترین اقدامات کر رہی ہے۔
ان کا کہنا تھا کہ پنجاب میں جاری تعمیر و ترقی کے منصوبے عوام کی زندگیوں میں خوشحالی لا رہے ہیں اور حکومت کی تمام ترجیحات کا مرکز عام آدمی کی فلاح و بہبود ہے۔
وادی سون کے دورے کے موقع پر عوام کی جانب سے اٹارنی جنرل کا مختلف مقامات پر بھرپور اور والہانہ استقبال کیا گیا۔ شرکاء نے ان پر پھولوں کی پتیاں نچھاور کیں اور علاقے کی ترقی کے لیے ان کی کاوشوں کو سراہا۔
اس موقع پر انہوں نے کوآرڈینیٹر حلقہ پی پی 81 ملک امیر حیدر سنگھا اور ملک عثمان الحق اعوان کے ہمراہ وادی سون کے پانچ لنک روڈز کا باقاعدہ افتتاح کیا۔
اٹارنی جنرل ملک منصور عثمان اعوان نے کہا کہ حکومت پنجاب کا وژن ہے کہ دور دراز علاقوں کو پختہ سڑکوں کے ذریعے شہروں سے منسلک کیا جائے۔ ان لنک روڈز کی تعمیر سے نہ صرف آمدورفت میں آسانی ہوگی بلکہ کسانوں کو اپنی زرعی اجناس بروقت منڈیوں تک پہنچانے میں بھی مدد ملے گی۔
انہوں نے اس عزم کا اعادہ کیا کہ وہ علاقے کی تعمیر و ترقی اور عوامی مسائل کے حل کے لیے ہر ممکن تعاون جاری رکھیں گے۔
.
ذریعہ
ذریعہ: Daily Mumtaz
کلیدی لفظ: اٹارنی جنرل
پڑھیں:
سرینڈر کا امریکی مطالبہ مسترد، ایران کا حملے کی صورت میں نئے محاذ کھولنے کا اعلان
خاتم الانبیا سینٹرل ہیڈ کوارٹرز کے ڈپٹی انسپکٹر بریگیڈیئر جنرل جعفر اسدی کا کہنا ہے کہ امریکا مکمل سرینڈر کا مطالبہ کر رہا ہے، لیکن ایرانی قوم کبھی نہیں جھکے گی، امریکا کے ساتھ دوبارہ جنگ ناگزیر ہے۔ اسلام ٹائمز۔ اسلامی جمہوریہ ایران نے سرینڈر کا امریکی مطالبہ ناقابل قبول قرار دیتے ہوئے حملے کی صورت میں نئے محاذ کھولنے کا اعلان کر دیا۔ پاسداران انقلاب کے ترجمان بریگیڈیئر جنرل حسین محبی کہتے ہیں کہ ایرانی فوج کسی بھی ممکنہ صورتحال سے نمٹنے کیلئے پہلے سے زیادہ تیار ہے، دشمن کو جارحیت پر مختلف نوعیت کی فوجی کارروائیوں کا سامنا کرنا پڑے گا، میدان جنگ اور ہتھیاروں کی اقسام بھی مختلف ہوں گی، جنگ بندی کے دوران ہماری عسکری صلاحیتوں میں اضافہ ہوا۔
خاتم الانبیا سینٹرل ہیڈ کوارٹرز کے ڈپٹی انسپکٹر بریگیڈیئر جنرل جعفر اسدی کا کہنا ہے کہ امریکا مکمل سرینڈر کا مطالبہ کر رہا ہے، لیکن ایرانی قوم کبھی نہیں جھکے گی، امریکا کے ساتھ دوبارہ جنگ ناگزیر ہے۔ انہوں نے مزید کہا کہ ہم نے ابھی مکمل صلاحیتیں ظاہر نہیں کیں، جنگ میں نیٹو بھی شامل ہوتی ہے تو بھی ہمیں پریشانی نہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ