معاشی اصلاحات سے مالیاتی نظام میں بہتری آ رہی ہے، سینیٹر اورنگزیب
اشاعت کی تاریخ: 8th, January 2026 GMT
اسلام آباد:(نیوزڈیسک)وفاقی وزیرِ خزانہ و محصولات، سینیٹر محمد اورنگزیب نےکہا ہے کہ پاکستان کے مالیاتی شعبے میں ویزا کے مسلسل تعاون کو قدر کی نگاہ سے دیکھتے ہیں۔وزارتِ خزانہ میں ویزا (VISA) کے اعلیٰ سطح وفد سے ملاقات کے دوران وزیر خزانہ نے کہا کہ حکومتی اصلاحات سے پاکستان کی معیشت میں مسلسل بہتری آ رہی ہے ۔انہوں نے کہا کہ آئی ایم ایف کے تعاون سے جاری پروگرام اورحکومت کے اصلاحاتی ایجنڈےکی بدولت نقصان میں چلنے والے سرکاری اداروں کی نجکاری پر کام ہو رہا ہے ۔
وزیر خزانہ نے وفد کو بتایا کہ توانائی کے شعبے میں اصلاحات کے ساتھ ساتھ ٹیکس نظام میں بہتری کےلیے ڈیجیٹائزیشن پر کافی پیشرفت ہوئی ہے۔انہوں نے وفد کو پاکستان ڈیجیٹل اتھارٹی کے قیام، اسٹیٹ بینک کے تحت ادائیگی کے نظام میں اصلاحات، اور سرکاری وصولیوں و اخراجات کو ڈیجیٹل بنانے کے اقدامات سے آگاہ کیا۔
وفدنے ادائیگیوں کی ڈیجیٹلائزیشن اور مالی شمولیت کے منصوبوں میں مکمل تعاون فراہم کرنے کی یقین دہانی کرائی۔
.
ذریعہ
ذریعہ: Daily Mumtaz
پڑھیں:
وفاقی کابینہ کا جعلی دواؤں کے خاتمے کیلئے ٹریک اینڈ ٹریس سسٹم کے نفاذ کی منظوری
اسلام آباد (ڈیلی پاکستان آن لائن) ملک بھر میں جعلی دواؤں کا خاتمہ یقینی بنانےکے لیے وفاقی کابینہ نے دواؤں کے ٹریک اینڈ ٹریس سسٹم کے نفاذ کی باضابطہ منظوری دیدی۔
نجی ٹی وی چینل جیو نیوز کے مطابق وفاقی وزیر صحت مصطفیٰ کمال نے اس حوالے سے کہا کہ ڈرگ لیبلنگ اینڈ پیکنگ رولز 1978 میں ضروری ترامیم کی منظوری دے دی گئی ہے، یہ فیصلہ پاکستان میں جعلی دواؤں کے خاتمے کی جانب ایک بڑا اور تاریخی قدم ہے۔
انہوں نے کہا کہ پہلی بار ہر دوا کو ڈیجیٹل طریقے سے ٹریک اور ویریفائی کیا جا سکے گا، اس نظام کے تحت جعلی، غیرمعیاری اور نقلی دواؤں کی نشاندہی اور ان کا خاتمہ ممکن ہوگا، نظام کے نفاذ سے عام صارف بآسانی دوا کی میعاد اور قیمت کی مستند معلومات لے سکےگا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وفاقی وزیر نے کہا کہ ڈرگ ریگولیٹری اتھارٹی آف پاکستان اس جدید نظام کو ملک بھر میں نافذ کرے گی، نئے قواعد کے تحت تمام دوا ساز کمپنیوں اور درآمد کنندگان کے لیے لازم ہوگا کہ وہ ہر دوا کے پیک پر معیاری ٹو ڈی بارکوڈ اور سیریلائزیشن ڈیٹا درج کریں، یہ اہم فیصلہ دواوں کی سپلائی چین کو محفوظ اور معیاری بنانے کیلئے کیا ہے۔
مصطفیٰ کمال کا کہنا تھا پاکستان میں دواؤں کے نظام کو جدید خطوط پر استوار کیا جا رہا ہے، ٹریک اینڈ ٹریس سسٹم کے نفاذ سے جعلی دواؤں کے خلاف مضبوط اور مؤثر دیوار قائم ہوگی، پاکستان خطے میں جدید ٹیکنالوجی اپنانے والا نمایاں ملک بن کر سامنے آئے گا، اس نظام کے ذریعے نگرانی کے روایتی طریقوں کی جگہ جدید ڈیجیٹل نظام لے گا۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ