پاکستان اور ایران کی بندرگاہ چابہار کے درمیان فیری سروس کا آغاز
اشاعت کی تاریخ: 8th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر)پاکستان اور ایران کے درمیان پہلی فیری سروس کا آغاز جنوری کے تیسرے ہفتے سے کردیا جائے گا، تفصیلات کے مطابق ملکی تاریخ میں پہلی بار نجی شعبے کے ذریعے پاکستان اور ایران کی بندرگاہ چابہار کے درمیان فیری سروس کا باقاعدہ ’’سافٹ لانچ‘‘ کر دیا گیا ہے۔ یہ اقدام نہ صرف زائرین بلکہ سیاحت کے شوقین افراد کے لیے بھی ایک سستا اور آرام دہ سفری متبادل ثابت ہو گا۔ فیری سروس سے پاکستان میں بحری سیاحت کی صنعت میں بھی اضافہ ہو گا،فاقی وزیربحری امور جنید انوار چوہدری نے فیری ٹرمینل کا افتتاح کر دیاہے اور کہا کہ فیری سروس کا آغاز پاکستان کی بلیو اکانومی میں اہم سنگ میل ہے، وزیراعظم اور فیلڈ مارشل کی خواہش ہے کہ بلیو اکانومی کومضبوط کریں۔افتتاحی تقریب سے خطاب کرتے ہوئے وفاقی وزیر بحری امور جنید انوار چوہدری نے کہا کہ فیری ٹرمینل کا افتتاح میرے لیے بہت بڑا اعزاز ہے، لوگ انیشیٹو لیتے ہوئے ڈرتے تھے، فیری سروس میرے ذہن میں تھی، اس پر کام کا آغاز کیا گیا تھا مگر آج تک لائسنس نہیں دیا گیا۔جنیدانوارچوہدری کا کہنا تھا کہ پاکستان کی تاریخ کا پہلا لائسنس ہم نے 7 دن میں جاری کیا، سی کیپرز کمپنی کے سی ای او محمد عمر نے سافٹ لانچنگ کے موقع پر بتایا کہ فیری سروس کا باقاعدہ آغاز جنوری کے تیسرے ہفتے میں ہوگا۔ پہلی فیری کراچی سے 240 مسافروں کو لے کر چابہار روانہ ہوگی، کراچی سے ایران تک کے راؤنڈ ٹرپ (آنا اور جانا) کا کرایہ صرف 50 ہزار روپے مقرر کیا گیا ہے جبکہ کراچی پورٹ سے چابہار تک سفر کا وقت 12 سے 14 گھنٹے ہوگا۔کمپنی کا کہنا ہے کہ ابتدائی طور پر فیری سروس چابہار کے لیے ہفتے میں 3 راؤنڈ ٹرپس کرے گی۔ محمد عمر نے مزید انکشاف کیا کہ جلد ہی دو مزید بڑی فیریز پاکستان لائی جا رہی ہیں جن میں 600 سے 800 مسافروں کے بیٹھنے کی گنجائش ہوگی۔عوامی دلچسپی کا یہ عالم ہے کہ پہلی تین فیریز کی بکنگ ابھی سے مکمل ہو چکی ہے، اگلے مرحلے میں اس سروس کا دائرہ کار مسقط (عمان) اور بصرہ (عراق) تک بڑھایا جائے گا۔یہ ملکی تاریخ میں پہلا موقع ہے کہ نجی شعبے کے ذریعے سمندری راستے سے مسافروں کو بین الاقوامی سفری سہولیات فراہم کی جا رہی ہیں۔ اس سروس سے سڑک کے ذریعے طویل اور پرخطر سفر کرنے والے زائرین کو بڑی سہولت ملے گی۔
ذریعہ
ذریعہ: Jasarat News
کلیدی لفظ: فیری سروس کا کا ا غاز
پڑھیں:
خطے میں تنازعات کے پُرامن حل کیلئے کوششیں جاری رکھیں گے: اسحاق ڈار
اسحاق ڈار---فائل فوٹونائب وزیرِ اعظم اسحاق ڈار نے کہا ہے کہ امریکا ایران تنازع میں پاکستان کی ثالثی کوششوں کو یورپی یونین کی جانب سے سراہا گیا ہے، پاکستان خطے میں امن، سفارت کاری اور تنازعات کے پُرامن حل کے لیے اپنی کوششیں جاری رکھے گا۔
یورپی یونین کی رہنما کایا کالاس کے ساتھ مشترکہ پریس کانفرنس میں انہوں نے کہا کہ آخری یورپی یونین وزٹ 7 سال پہلے ہوا تھا، ہم پچھلے سال بھارت پاکستان جنگ اور ایران امریکا تنازع کے دوران قریبی رابطے میں رہے، آج ہم نے مشترکہ طور پر اسٹریٹیجیک مذاکرات کی صدارت کی، ہم نے پچھلے سال نومبر میں مشترکہ اسٹریٹیجیک مذاکرات کیے تھے، امریکا ایران تنازع کے دوران یورپی یونین کے تعاون کا مشکور ہوں۔
اسحاق ڈار نے کہا کہ ہم نے سیکیورٹی ایشوز اور دہشت گردی کے امور پر بھی بات کی، فتنہ الخوارج اور فتنہ الہندوستان کی افغانستان میں موجودگی پر بھی بات کی، پاکستان اور یورپی یونین کے تعلقات میں مثبت پیشرفت جاری ہے، کایا کالاس کا دورہ اس کا واضح ثبوت ہے۔
یورپی یونین کی خارجہ امور اور سیکیورٹی پالیسی کی سربراہ نے امریکا ایران تنازع کے حل کے لیے پاکستان کےثالثی اقدامات کی تعریف کر دی۔
ان کا کہنا ہے کہ پاکستان اور یورپی یونین کے درمیان آٹھواں اسٹریٹجک ڈائیلاگ اعلیٰ ترین ادارہ جاتی مکالمہ ہے، پاکستان اور یورپی یونین کے درمیان تجارت، سرمایہ کاری اور ترقیاتی تعاون کے فروغ پر اتفاق ہوا، جی ایس پی پلس فریم ورک کے تحت پاکستان اور یورپی یونین کا تجارتی تعاون دونوں فریقوں کے لیے فائدہ مند ہے، اسلام آباد میں پاکستان یورپی یونین بزنس فورم کا انعقاد دو طرفہ اقتصادی تعلقات کے فروغ میں اہم پیش رفت ہے۔
نائب وزیرِ اعظم نے کہا کہ مقبوضہ کشمیر تنازع کا حل کشمیری عوام کی خواہشات اور اقوامِ متحدہ کی قراردادوں کے مطابق ہونا چاہیے، انڈس واٹرز معاہدہ برقرار ہے، حالیہ عدالتی فیصلے نے پاکستان کے مؤقف کی تائید کی ہے، افغان سر زمین سے دہشت گرد عناصر کی پاکستان میں کارروائیاں بدستور ہماری بڑی تشویش ہیں، پاکستان اور یورپی یونین نے دو طرفہ تعلقات کو جامع اور باہمی مفاد پر مبنی شراکت داری میں تبدیل کرنے کے عزم کا اعادہ کیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ