کینسر کے مریضوں کیلئے امید کی نئی کرن، ادویات مفت دستیاب ہوں گی، وفاقی وزیر صحت
اشاعت کی تاریخ: 9th, January 2026 GMT
کینسر کے مریضوں کیلئے امید کی نئی کرن، ادویات مفت دستیاب ہوں گی، وفاقی وزیر صحت WhatsAppFacebookTwitter 0 9 January, 2026 سب نیوز
اسلام آباد (سب نیوز ) وفاقی وزارتِ قومی صحت اور معروف ملٹی نیشنل دوا ساز کمپنی روش پاکستان کے درمیان کینسر کے مریضوں کو مفت ادویات کی فراہمی کے لیے پانچ سالہ معاہدے پر دستخط کر دیے گئے۔ معاہدے کی تقریب وزارتِ قومی صحت اسلام آباد میں منعقد ہوئی۔
تقریب میں وفاقی وزیر صحت مصطفیٰ کمال، سیکرٹری صحت حامد یعقوب شیخ اور روش پاکستان کی منیجنگ ڈائریکٹر سمیت اعلیٰ حکام نے شرکت کی۔۔
اس موقع پر خطاب کرتے ہوئے وفاقی وزیر صحت مصطفیٰ کمال نے کہا کہ کینسر کے مریضوں کو مفت ادویات کی فراہمی کا یہ معاہدہ ایک تاریخی اقدام ہے، جس کے تحت ابتدائی مرحلے میں اسلام آباد، آزاد کشمیر اور گلگت بلتستان کے مریضوں کو سہولت فراہم کی جائے گی۔ منصوبے کا آغاز پمز اسپتال سے کیا جا رہا ہے۔
وفاقی وزیر نے بتایا کہ دوا ساز کمپنی روش پاکستان کے پاس تین اقسام کے کینسر — بریسٹ کینسر، پھیپھڑوں کا کینسر اور جگر کا کینسر — کی مؤثر ادویات دستیاب ہیں، جو اس معاہدے کے تحت مریضوں کو مفت فراہم کی جائیں گی۔
مصطفیٰ کمال کے مطابق ایک کینسر مریض کے علاج پر تقریباً 98 لاکھ روپے خرچ آتا ہے، تاہم اس منصوبے کے تحت ہر مریض کو تقریباً ایک کروڑ روپے مالیت کی ادویات بلا معاوضہ فراہم کی جائیں گی، جن میں سے 10 لاکھ روپے حکومتِ پاکستان جبکہ 90 لاکھ روپے روش پاکستان فراہم کرے گی۔ مجموعی طور پر کمپنی 70 فیصد جبکہ حکومت 30 فیصد اخراجات برداشت کرے گی۔
وفاقی وزیر صحت نے کہا کہ پانچ سالہ معاہدے کے تحت کینسر کے ہزاروں مریض مستفید ہوں گے اور عوام کو معیاری علاج کی سہولت فراہم کرنا حکومت کی اولین ترجیح ہے۔ انہوں نے اس موقع پر روش پاکستان کے تعاون کو سراہتے ہوئے شکریہ ادا کیا۔
انہوں نے مزید کہا کہ یہ منصوبہ پبلک پرائیویٹ پارٹنرشپ کا پہلا مرحلہ ہے، جیسے جیسے اعتماد بڑھے گا، آئندہ مزید فلاحی منصوبے بھی شروع کیے جائیں گے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپاکستان کی ڈیجیٹل معیشت میں اماراتی سرمایہ کاروں کی دلچسپی خوش آئند ہے، وزیراعظم پاکستان کی ڈیجیٹل معیشت میں اماراتی سرمایہ کاروں کی دلچسپی خوش آئند ہے، وزیراعظم وزیراعظم کی رمضان المبارک میں عوام کیلیے سودمند پیکیج تیار کرنے کی ہدایات کسی قانون کو نہیں مانتا، ہر ملک میں فوجی کارروائی کرنے کے لیے آزاد ہیں: ٹرمپ بیرسٹر سیف کی عمران کی ہدایت پر پی ٹی آئی اور اسٹیبلشمنٹ میں صلح کی کوششیں پنجاب اسمبلی؛ اسٹینڈنگ کمیٹی نے ضابطہ فوجداری ترمیم بل 2025ء منظوری کرلیا غیر قانونی امیگریشن اور بھکاری مافیا کے خلاف کریک ڈاؤن کا حکمCopyright © 2025, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: کینسر کے مریضوں وفاقی وزیر صحت روش پاکستان مریضوں کو کے تحت
پڑھیں:
وفاقی وزیر داخلہ محسن نقوی سے گورنر خیبرپختونخوا کی ملاقات
سٹی 42: وفاقی وزیر داخلہ محسن نقوی سے گورنر خیبرپختونخوا فیصل کریم کنڈی کی ملاقات ہوئی ۔ خیبرپختونخوا میں امن عامہ کی صورتحال اور دیگر اہم امور پر تفصیلی تبادلہ خیال کیاگیا ۔
ملاقات میں خیبرپختونخوا میں انسدادِ دہشتگردی کے لئے اٹھائے گئے اقدامات کا جائزہ لیا گیا۔گورنر خیبرپختونخوا نے صوبے کو درپیش سکیورٹی چیلنجز سے وفاقی وزیر داخلہ آگاہ کیا
وزیر داخلہ اور گورنر کے پی کے نے فتنہ الہندوستان کے دہشتگردوں کے خلاف کامیاب انٹیلیجنس بیسڈ آپریشنز پر سکیورٹی فورسز کو خراج تحسین پیش کیا ۔ دونوں رہنماؤں کا دہشتگردی کے خلاف جنگ کے شہداء کو خراج عقیدت پیش کیا ۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
محسن نقوی نے کہا خیبرپختونخوا میں قیام امن کیلئے سکیورٹی فورسز کی قربانیاں ناقابل فراموش ہیں۔وفاقی وزیر داخلہ محسن نقوی نے صوبہ خیبر پختونخوا میں امن و استحکام کے
لیے ہر ممکن تعاون کی یقین دہانی کروائی ۔
محسن نقوی نے کہا وفاقی حکومت خیبرپختونخوا میں قیام امن کیلئے خیبرپختونخوا حکومت کے ساتھ مکمل تعاون کر رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ