ویرات کوہلی کی انسٹاگرام پوسٹ کیوں وائرل ہو رہی ہے؟
اشاعت کی تاریخ: 9th, January 2026 GMT
بھارتی کرکٹ کے اسٹار بیٹر ورات کوہلی نے بھارت اور نیوزی لینڈ کے درمیان پہلے ون ڈے سے قبل وڈوڈرا میں نیٹ سیشن کی تصاویر انسٹاگرام پر شیئر کی ہیں جس کے بعد سوشل میڈیا پر ان کے مداحوں میں غیر معمولی جوش و خروش دیکھنے میں آیا۔
یہ ویرات کوہلی کی سوشل میڈیا پر محدود موجودگی کے بعد ایک نمایاں تبدیلی ہے کیونکہ گزشتہ برسوں میں انہوں نے انسٹاگرام پر زیادہ تر تجارتی اشتہارات، اہلیہ انوشکا شرما کے ساتھ تعطیلات کی تصاویر اور اہم کیریئر لمحات تک اپنی پوسٹس محدود کر رکھی تھیں۔
View this post on Instagram
A post shared by Virat Kohli (@virat.
ان میں ٹی 20 ورلڈ کپ کی فتح، چیمپیئنز ٹرافی جیت اور رائل چیلنجرز بنگلور کی آئی پی ایل 2025 کی کامیابی کے بعد کی تقریبات شامل ہیں۔ مداحوں نے کوہلی کی محدود سوشل میڈیا سرگرمیوں پر تشویش ظاہر کی تھی، اور یہی وجہ ہے کہ ان کی تازہ ترین تربیتی تصاویر خاصی توجہ کا مرکز بنی ہیں۔
یہ بھی پڑھیں: ویڈیو: نیوزی لینڈ سیریز سے قبل ایئر پورٹ پر ویرات کوہلی کا شاندار استقبال
کوہلی اس ہفتے وڈوڈرا پہنچے تو ایئر پورٹ پر بھی ان کا شاندار استقبال بھی ہوا۔ سال نو کی تعطیلات کے دوران کوہلی دبئی میں خاندان اور دوستوں کے ساتھ وقت گزار کر بھارت واپس آئے۔ دسمبر میں انہوں نے دو وجے ہزاری ٹرافی کے میچوں میں حصہ لیا جو 16 سال بعد ڈومیسٹک 50 اوور ٹورنامنٹ میں ان کی واپسی تھی۔
Fans are getting mad for just one glimpse of Virat Kohli ???????? pic.twitter.com/ynE0Bf04sl
— Virat Kohli Fan Club (@Trend_VKohli) January 7, 2026
کوہلی کی فارم شاندار رہی ہے جس میں انہوں نے دو میچوں میں بالترتیب 131 اور 77 رنز بنائے۔ اس دوران انہوں نے 16,000 لسٹ اے رنز کا سنگ میل عبور کیا اور یہ اعزاز حاصل کرنے والے سب سے تیز کھلاڑی بن گئے ساتھ ہی بیٹنگ کے لیجنڈ سچن ٹنڈولکر کا ریکارڈ بھی توڑا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ویرات کوہلی ویرات کوہلی انسٹاگرام ویرات کوہلی تصاویر وائرل ویرات کوہلی نیٹ سیشن ویرات کوہلی ویڈیو وائرل
ذریعہ
ذریعہ: WE News
کلیدی لفظ: ویرات کوہلی ویرات کوہلی انسٹاگرام ویرات کوہلی نیٹ سیشن ویرات کوہلی ویڈیو وائرل ویرات کوہلی کوہلی کی انہوں نے
پڑھیں:
حکومت کا بڑا ریلیف، الیکٹرک بائیکس پر سبسڈی اور بلاسود قرض کا اعلان
اسلام آباد(نیوز ڈیسک)وزیراعظم کے اپنا گھر پروگرام کے تحت اپنا ذاتی گھر حاصل کرنے کے خواہشمند شہریوں کے لیے بڑی پیش رفت سامنے آئی ہے۔ حکومت نے اعلان کیا ہے کہ پروگرام کے تحت کمرشل بینک اب تک 160 ارب روپے مالیت کے ہاؤسنگ قرضے منظور کر چکے ہیں جبکہ کامیاب درخواست گزاروں کو قرضوں کی فراہمی کا عمل بھی تیزی سے جاری ہے۔
یہ بات وزیر خزانہ کے مشیر عدنان پاشا نے کراچی میں منعقدہ فرسٹ انٹرنیشنل انشورنس کانفرنس سے خطاب کرتے ہوئے بتائی۔ انہوں نے کہا کہ وزیراعظم کا اپنا گھر پروگرام ملک میں تقریباً ایک کروڑ (10 ملین) گھروں کی کمی کو پورا کرنے کی جانب ایک اہم قدم ہے اور اس کے ذریعے کم آمدنی والے خاندانوں کو رعایتی شرائط پر اپنے گھر کا مالک بننے کا موقع فراہم کیا جا رہا ہے۔
عدنان پاشا نے بتایا کہ اس اسکیم کے تحت شہریوں کو صرف 5 فیصد رعایتی مارک اپ پر ہاؤسنگ قرض فراہم کیا جا رہا ہے جبکہ وزارت خزانہ اس منصوبے میں شامل بینکوں کے ممکنہ قرض نقصان کا 10 فیصد تک بوجھ خود برداشت کر رہی ہے۔ اس کے علاوہ حکومت پہلے 10 سال تک مارک اپ سبسڈی بھی فراہم کر رہی ہے تاکہ ہاؤسنگ فنانس زیادہ سے زیادہ سستا اور عوام کی پہنچ میں رہ سکے۔
انہوں نے کہا کہ حکومت کی کوشش ہے کہ زیادہ سے زیادہ مستحق خاندان اس سہولت سے فائدہ اٹھائیں، جس سے نہ صرف رہائشی مسائل میں کمی آئے گی بلکہ تعمیراتی شعبے، سیمنٹ، اسٹیل، ٹائلز، الیکٹریکل مصنوعات اور دیگر متعلقہ صنعتوں میں بھی معاشی سرگرمیوں کو فروغ ملے گا۔
اس موقع پر عدنان پاشا نے حکومت کے الیکٹرک موٹرسائیکل پروگرام پر بھی روشنی ڈالی۔ انہوں نے بتایا کہ حکومت آئندہ برسوں میں 20 لاکھ الیکٹرک موٹرسائیکلیں متعارف کرانے کا منصوبہ رکھتی ہے۔ ان کے مطابق پاکستان میں تقریباً 30 لاکھ رجسٹرڈ موٹرسائیکلیں ہر سال قریب 8 ارب ڈالر مالیت کا درآمدی پٹرول استعمال کرتی ہیں، جس سے نہ صرف قیمتی زرمبادلہ خرچ ہوتا ہے بلکہ ماحولیاتی آلودگی میں بھی اضافہ ہوتا ہے۔
انہوں نے کہا کہ حکومت شہریوں کو الیکٹرک بائیکس کی خریداری پر سبسڈی اور بلاسود فنانسنگ فراہم کر رہی ہے تاکہ ایندھن پر انحصار کم کیا جا سکے، تاہم ملک میں الیکٹرک بائیکس کی پیداوار اور سپلائی کے مسائل اب بھی موجود ہیں، جنہیں دور کرنے کے لیے اقدامات کیے جا رہے ہیں۔
عدنان پاشا نے زرعی شعبے کے حوالے سے بتایا کہ حکومت نے حال ہی میں زرخیزی اسکیم بھی متعارف کرائی ہے جس کے تحت 21 بینکوں پاکستان بینکس ایسوسی ایشن اور سپارکو کے تعاون سے کسانوں کو ڈیجیٹل زرعی قرضے فراہم کیے جا رہے ہیں۔ انہوں نے کہا کہ اس منصوبے میں سیٹلائٹ مانیٹرنگ اور ریئل ٹائم ڈیٹا کے ذریعے قرضوں کے استعمال کی نگرانی کی جائے گی تاکہ شفافیت کو یقینی بنایا جا سکے اور زرعی پیداوار میں اضافہ ہو۔
حکومتی حکام کے مطابق اپنا گھر پروگرام اور دیگر مالیاتی اسکیموں کا مقصد کم آمدنی والے طبقات کو سہولت فراہم کرنے معیشت کو متحرک کرنے، تعمیراتی سرگرمیوں کو فروغ دینے اور ملک میں پائیدار ترقی کی راہ ہموار کرنا ہے۔
مزید پڑھیں۔سرکاری ملازمین کی تنخواہوں کے بعد پنشن میں بھی اضافہ
بھارت سے جنگ اور افغانستان میں کارروائی خارج ازامکان نہیں، وزیردفاع