8 اضلاع میں گرین پراپرٹی سرٹیفکیٹ نافذ
اشاعت کی تاریخ: 9th, January 2026 GMT
طاہر جمیل: پنجاب میں نظامِ اراضی کی اصلاح کے منصوبے کے تحت 8 اضلاع میں گرین پراپرٹی سرٹیفکیٹ نافذ کر دیا گیا ہے۔
ابتدائی مرحلے میں لاہور، شیخوپورہ، قصور، نارووال، منڈی بہاؤالدین، گجرات اور وزیرآباد شامل ہیں، جبکہ اس اقدام کو مرحلہ وار صوبے کے دیگر اضلاع تک توسیع دی جائے گی۔
حکام کے مطابق گرین پراپرٹی سرٹیفکیٹ کے نفاذ کا بنیادی مقصد عوام کی جائیداد کی ملکیت کو محفوظ بنانا اور زمین کی خرید و فروخت میں ممکنہ فراڈ اور جعلسازی کا مکمل خاتمہ کرنا ہے۔ یہ سرٹیفکیٹ پنجاب حکومت کی جانب سے تصدیق شدہ ہوگا جس سے پراپرٹی ریکارڈ میں شفافیت اور اعتماد کو فروغ ملے گا۔
لاہور میں 20 سال بعد بسنت، شہر کو تین زونز میں تقسیم کر کے سکیورٹی انتظامات سخت
چیئرمین پنجاب لینڈ ریکارڈز اتھارٹی کا کہنا ہے کہ گرین پراپرٹی سرٹیفکیٹ ایک گیم چینجر اقدام ثابت ہوگا، جو نہ صرف عوام کو قانونی تحفظ فراہم کرے گا بلکہ زمین سے متعلق تنازعات میں بھی نمایاں کمی لائے گا۔
.
ذریعہ
ذریعہ: City 42
کلیدی لفظ: گرین پراپرٹی سرٹیفکیٹ
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی