کراچی: پولیس نے انصاف ہاؤس کے باہر لگائے گئے ٹینٹ ہٹا دیے
اشاعت کی تاریخ: 9th, January 2026 GMT
— فائل فوٹو
کراچی میں انصاف ہاؤس کے باہر لگائے گئے ٹینٹ پولیس نے ہٹا دیے۔
پولیس کا کہنا ہے کہ کسی سیاسی جماعت کو سڑک یا گلیاں بند کرنے کی اجازت نہیں ہوگی۔
پولیس نے مزید کہا کہ کراچی میں کسی کو ہلڑ بازی، شور شرابے، نعرےبازی کی اجازت بھی نہیں ہوگی۔ تمام سیاسی سرگرمیاں احاطے کے اندر ہی کی جائیں۔
صدر پی ٹی آئی کراچی راجا اظہر کا کہنا ہے کہ انصاف ہاؤس کے اطراف میں پولیس کی بھاری نفری تعینات ہے۔
اُنہوں نے کہا کہ انصاف ہاؤس کی گلی کو پولیس نے رکاوٹیں لگا کر بند کر دیا، حکومت خوف میں مبتلا ہے۔
راجا اظہر نے بتایا کہ ہمیں کہا گیا تھا شارع فیصل پر کچھ نہیں لگانا ہے، یہ تو گلی ہے، یہاں بھی ٹینٹ نہیں لگانے دے رہے۔
.
ذریعہ
ذریعہ: Jang News
کلیدی لفظ: انصاف ہاو س پولیس نے
پڑھیں:
کراچی، نوجوان لڑکی کو گھر میں گھس کر اجتماعی زیادتی کا نشانہ بنا ڈالا، والد کی مدعیت میں مقدمہ درج
کراچی:شہر قائد میں گلشن معمار پولیس نے نوجوان لڑکی کو گھر میں گھس کر اجتماعی زیادتی کا نشانہ بنانے کا مقدمہ والد کی مدعیت میں درج کرلیا۔
اس حوالے سے مدعی مقدمہ جاوید اقبال نے پولیس کو بیان دیا ہے کہ بہادر گوٹھ میں کارپٹ کی دکان پر کام کرتا ہوں جبکہ اہلیہ گھریلو ملازمہ ہے۔
23 جولائی کو میں اور اہلیہ صبح 9 بجے اپنے اپنے کام پر چلے گئے جبکہ گھر پر 18 سالہ بیٹی اکیلی تھی۔
مدعی کے مطابق صبح سوا نو بجے 2 لڑکے ہمارے گھر میں زبردستی داخل ہوئے جو کہ شلوار قمیض پہنے ہوئے تھے جبکہ سامنے آنے پر میری بیٹی انھیں شناخت کر سکتی ہے۔
مدعی کے مطابق دونوں نے میری بیٹی کو پکڑا اور کمرے میں لیجا کر اس کے ساتھ زیادتی کی اور موقع سے فرار ہوگئے۔
واقعے کے بعد میری بیٹی نے بذریعہ فون مجھے اطلاع دی جس کے بعد میں اور میری اہلیہ گھر پہنچ گئے۔
واقعے کی مدد گار 15 پولیس کو اطلاع دی جو موقع پر پہنچ گئی، مدعی کے مطابق میرا دعویٰ 2 نامعلوم صورت شناس لڑکوں پر میرے گھر میں گھس کر بیٹی کو زیادتی کا نشانہ بنانے کا ہے لہذا قانونی کارروائی عمل میں لائی جائے۔
گلشن معمار پولیس نے نوجوان لڑکی کو اجتماعی زیادتی کا نشانہ بنانے کا مقدمہ نمبر 356 سال 2026 بجرم دفعہ 376 چونتیس کے تحت درج کر کے مزید تفتیش کے لیے انویسٹی گیشن پولیس کے حوالے کر دیا ۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم