مودی کی کس غلطی کی وجہ سے بھارت امریکا معاہدہ کھٹائی میں پڑا، امریکی وزیر تجارت نے بتادیا
اشاعت کی تاریخ: 9th, January 2026 GMT
امریکا کے وزیر تجارت ہاورڈ لٹنک نے انکشاف کیا ہے کہ بھارت اور امریکا کے درمیان مجوزہ تجارتی معاہدہ اس وجہ سے تاخیر کا شکار ہوا کیونکہ بھارتی وزیر اعظم نریندر مودی نے معاہدہ حتمی شکل دینے کے لیے امریکی صدر ڈونلڈ ٹرمپ کو ٹیلی فون کال نہیں کی۔
یہ بھی پڑھیں: مودی کے اوساں خطا، ٹرمپ کا ایک اور وار، لداخ کے معاملے پر 2 ممالک کے درمیان پھڈا، جنگ کا خطرہ
جمعے کے روز ایک امریکی پوڈکاسٹ شو ’آل اِن‘ کو دیے گئے انٹرویو میں ہاورڈ لٹنک نے کہا کہ دونوں ممالک کے درمیان تجارتی معاہدہ تقریباً طے پا چکا تھا تاہم آخری مرحلے پر مودی کی جانب سے صدر ٹرمپ کو فون نہ کیے جانے کے باعث بات آگے نہ بڑھ سکی۔
لٹنک کے مطابق سب کچھ تیار تھا صرف یہ ضروری تھا کہ مودی صدر کو فون کریں مگر وہ ایسا کرنے میں ہچکچاہٹ کا شکار رہے۔ یوں مودی نے کال نہیں کی اور معاملہ وہیں رک گیا۔
واضح رہے کہ گزشتہ سال تجارتی مذاکرات ناکام ہونے کے بعد صدر ٹرمپ نے اگست میں بھارتی مصنوعات پر ٹیرف دگنا کر کے 50 فیصد کر دیا تھا جو عالمی سطح پر سب سے زیادہ شرح سمجھی جاتی ہے۔ ان میں 25 فیصد اضافی ٹیرف بھارت کی جانب سے روسی تیل کی خریداری کے ردعمل میں عائد کیا گیا تھا۔
یہ بیان ایسے وقت سامنے آیا ہے جب صدر ٹرمپ نے رواں ہفتے بھارت کو خبردار کیا تھا کہ اگر اس نے روس سے تیل کی درآمدات میں کمی نہ کی تو ٹیرف مزید بڑھائے جا سکتے ہیں۔ اس انتباہ کے بعد بھارتی روپے کی قدر تاریخی کم ترین سطح پر آ گئی جبکہ سرمایہ کار بھی غیر یقینی صورتحال کا شکار ہو گئے۔
مزید پڑھیے: ‘اب کی بار ٹرمپ سرکار مہم چلانے والے مودی خاموش کیوں؟’، بھارت میں ٹرمپ اور مودی کے خلاف غصہ شدت اختیار کرگیا
امریکی وزیر تجارت نے مزید کہا کہ بھارت اب بھی امریکا کی جانب سے برطانیہ اور ویتنام کو دی گئی پیشکشوں کے درمیان کسی ٹیرف ریٹ کا خواہاں ہے تاہم اس حوالے سے پیش کی گئی پیشکش کی مدت ختم ہو چکی ہے۔
دوسری جانب بھارتی وزارت تجارت نے لٹنک کے ان بیانات پر تبصرے کے لیے بھیجی گئی ای میل کا فوری طور پر کوئی جواب نہیں دیا۔
خبر رساں ادارے رائٹرز کے مطابق گزشتہ سال نئی دہلی اور واشنگٹن تجارتی معاہدے کے بہت قریب پہنچ چکے تھے تاہم رابطے میں خلل کے باعث ممکنہ معاہدہ ختم ہو گیا۔
مزید پڑھیں: مودی کو فون پر بتا دیا کہ پاکستان اور انڈیا کی جنگ نہیں ہونی چاہیے، صدر ڈونلڈ ٹرمپ
رائٹرز نے مذاکرات میں شامل ایک بھارتی سرکاری عہدیدار کے حوالے سے بتایا کہ وزیر اعظم مودی کو خدشہ تھا کہ صدر ٹرمپ سے براہ راست فون پر ہونے والی یک طرفہ گفتگو انہیں مشکل صورتحال میں ڈال سکتی ہے اسی لیے کال نہیں کی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت امریکا تجارتی معاہدہ ڈونلڈ ٹرمپ نریندر مودی.
ذریعہ
ذریعہ: WE News
کلیدی لفظ: بھارت امریکا تجارتی معاہدہ ڈونلڈ ٹرمپ کے درمیان
پڑھیں:
مودی حکومت کی غیرملکی فنڈنگ قانون میں ترمیم سے تنقیدی آوازوں کودبانے کی کوشش
عالمی ادارہ ایمنسٹی انٹرنیشنل بھارت میں غیر سرکاری تنظیموں اور تنقیدی آوازوں کو دبانےکا مذموم منصوبہ سامنے لے آیا۔
ایمنسٹی انٹرنیشنل سمیت8انسانی حقوق کی تنظیموں نے فارن کنٹری بیوشن ریگولیشن ایکٹ کے قواعد میں کی جانے والی ترمیم واپس لینے کا مطالبہ کیا ہے۔ ایمنسٹی انٹرنیشنل کی رپورٹ کےمطابق بھارت کے نئےغیرملکی فنڈنگ قوانین، سول سوسائٹی پر سخت نگرانی اورتنظیم سازی کی آزادی کے حق کو دبا رہے ہیں۔
انسانی حقوق،پالیسی تحقیق،عوامی شعور،قانونی اصلاحات اورحکومتی احتساب پرکام کرنے والی ہزاروں تنظیمیں زد میں آئیں گی ، بھارت کے قوانین عالمی اصولوں کیخلاف ہیں جن کے ذریعے این جی اوز پرغیر ضروری اور حد سے زیادہ پابندیاں عائد کی گئیں۔
بھارتی حکومت گزشتہ ایک دہائی میں انسانی حقوق کی 22 ہزار 498تنظیموں کی رجسٹریشن منسوخ کر کےانہیں کام سے روک چکی ، اقوام متحدہ کے خصوصی نمائندے بھی 2016میں این جی اوز پر پابندیوں کے کالے قوانین کو ختم کرنے کا مطالبہ کر چکے ہیں۔
اقوام متحدہ کے خصوصی نمائندوں کے مطابق بھارتی حکومت یہ قوانین تنقید کرنے والی این جی اوزکو دبانے کیلئے استعمال کر رہی ہے۔ مالیاتی شفافیت کے نام پر بنائے گئے یہ قوانین دراصل سول سوسائٹی کو کنٹرول کرنے کا ہتھکنڈہ بن چکے ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع