تحریک انصاف کوئی سٹریٹ موومنٹ شروع کرنے کی پوزیشن میں نہیں: رانا ثناء
اشاعت کی تاریخ: 10th, January 2026 GMT
اسلام آباد (نوائے وقت رپورٹ) مشیر وزیراعظم برائے سیاسی امور رانا ثناء اللہ نے نجی ٹی وی کو انٹرویو میں کہا پنجاب میں بھی وزیراعلیٰ سہیل آفریدی کو ویلکم کیا گیا تھا۔ ان سے نام لیے گئے تھے جو پنجاب اسمبلی آنا چاہتے تھے۔ انکے ساتھ وہ لوگ بھی پنجاب اسمبلی آئے جن کے نام فہرست میں نہیں تھے۔ ان لوگوں نے پنجاب اسمبلی آکر ڈھینگا مشتی کی اور تماشا لگایا۔ اگر ویلکم نہ کرتے تو اسمبلی چیمبر کیوں کھولا جاتا اور ان کو اجازت کیوں دی جاتی؟ تحریک انصاف کوئی سٹریٹ موومنٹ شروع کرنے کی پوزیشن میں نہیں۔ یہ 8 فروری کو پہیہ جام ہڑتال کرنا چاہتے ہیں جس کی قانون میں اجازت نہیں۔ وزیراعلیٰ خیبر پی کے غیر قانونی سرگرمی میں مصروف ہیں۔ یہ سفر غیر قانونی ہے‘ پی ٹی آئی تحریک کی کامیابی کا کوئی امکان نہیں۔ ہمیں کراچی میں پی ٹی آئی کی سرگرمیوں پر کوئی اعتراض نہیں۔ سندھ حکومت وہاں پہیہ جام ہڑتال کی کوئی اجازت نہیں دے گی۔ یہ اگر کوئی ایسی ویسی حرکتیں کرینگے تو پھر کل خود روئیں گے کہ ایف آئی آرز ہوگئیں۔
.
ذریعہ
ذریعہ: Nawaiwaqt
پڑھیں:
شیخ رشید کا وکالت شروع کرنے کا اعلان
عوامی مسلم لیگ کے سربراہ شیخ رشید نے وکالت شروع کرنے کا اعلان کر دیا۔میڈیا سے گفتگو کرتے ہوئے شیخ رشید کا کہنا تھا کہ 50 سال بعد زندگی گزارنے کے بعد راولپنڈی بار نے میری ممبر شپ بحال کر دی. 50 سال بعد بار کا تاحیات ممبر بن گیا ہوں۔انہوں نے کہا کہ میری کوشش ہو گی کہ سچائی، قانون اور ملک کی بہتری کے لئے کام کروں. غریب آدمی کے لئے قانونی، عملی اور عملی خدمت کروں گا۔
واضح رہے شیخ رشید نے سردار رزاق چیمبر کے ذریعے ڈسٹرکٹ بار روالپنؔڈی میں اپنی رکنیت بحالی کی درخواست دائر کر دی تھی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ