پنجاب میں شدید سردی کے باعث اسکولوں اور کالجوں کی چھٹیوں میں ایک ہفتے کی توسیع کا اعلان
اشاعت کی تاریخ: 10th, January 2026 GMT
لاہور(ڈیلی پاکستان آن لائن) پنجاب کے وزیر تعلیم رانا سکندر حیات نے شدید ہوتی سردی کے پیش نظر اسکولوں اور کالجوں کی تعطیلات میں ایک ہفتے کی توسیع کا اعلان کر دیا ہے۔
وزیر تعلیم کے مطابق اس حوالے سے اعلیٰ سطحی اجلاس کے بعد آج باضابطہ نوٹیفکیشن جاری کیا جائے گا۔ انہوں نے ایک نجی ٹی وی چینل سے گفتگو کرتے ہوئے کہا کہ بچوں کی صحت کو اولین ترجیح دیتے ہوئے یہ فیصلہ کیا گیا ہے کیونکہ صوبے بھر میں سردی کی لہر میں شدت آ چکی ہے۔
رانا سکندر حیات کا کہنا تھا ’’میں پیشگی اطلاع دے رہا ہوں کہ موسم سرما کی چھٹیوں میں توسیع کی جا رہی ہے۔‘‘ یہ اعلان والدین کی جانب سے بڑھتے ہوئے مطالبات کے بعد سامنے آیا، جن کا کہنا تھا کہ شدید سردی میں بچوں کو تعلیمی اداروں میں بھیجنا صحت کے لیے نقصان دہ ہو سکتا ہے۔
پاک بحریہ کی شمالی بحیرۂ عرب میں جامع بحری مشق، ایل وائے 80 این ایئر ڈیفنس میزائل کا ہدف کو نشانہ بنانے کا کامیاب تجربہ
صوبے بھر میں درجہ حرارت میں نمایاں کمی کے باعث اب طلبہ اسکولوں اور کالجوں میں مزید ایک ہفتے کی چھٹیوں سے لطف اندوز ہو سکیں گے، جبکہ حکام موسم کی صورتحال پر مسلسل نظر رکھے ہوئے ہیں اور مزید اقدامات پر بھی غور کیا جا رہا ہے۔
مزید :.
ذریعہ
ذریعہ: Daily Pakistan
پڑھیں:
اسلام آباد میں مارکیٹوں اور دکانوں کے اوقات کار میں توسیع کی منظوری
دارالحکومت اسلام آباد میں مارکیٹوں اور دکانوں کے اوقات کار میں توسیع کی منظوری دے دی گئی۔
نائب وزیراعظم و وزیر خارجہ اسحاق ڈارکی زیر صدارت کفایت شعاری اقدامات کی نگرانی و عملدرآمد کمیٹی کا اجلاس ہوا، جس میں مارکیٹوں اور دکانوں کے اوقات کار میں توسیع کی منظوری دی گئی۔
اعلامیہ کے مطابق دکانیں، مارکیٹیں، شاپنگ مالز اور جنرل ریٹیل رات 9 بجے تک کھلے رہ سکیں گے جبکہ ریسٹورنٹس رات 11 بجے تک کھلے رہیں گے، ٹیک اوے اور ڈلیوری سروسز مستثنیٰ ہوں گی۔
اعلامیہ کے مطابق شادی ہالز اور تقریباتی مقامات کے اوقات رات 10 بجے تک برقرار رکھنے کا فیصلہ کیا گیا ہے۔
اعلامیہ کے مطابق فارمیسی، اسپتال، پیٹرول پمپس، آئی ٹی اور ٹیلی کام سے متعلق ضروری خدمات اوقات کار کی پابندی سے مستثنیٰ ہوں گی۔
صوبائی حکومتوں کو وفاقی اداروں کے تعاون سے نئے اوقات کار پر مؤثر عملدرآمد یقینی بنانے کی ہدایت کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ