کراچی: پی ٹی آئی کو باغ جناح میں جلسے کی اجازت
اشاعت کی تاریخ: 10th, January 2026 GMT
پاکستان تحریک انصاف (پی ٹی آئی) کو کراچی کے باغ جناح میں جلسہ کرنے کی باضابطہ اجازت دے دی گئی ہے۔ ڈپٹی کمشنر ایسٹ نے این او سی کے تحت جلسے کی منظوری دی ہے۔
صوبائی وزیر شرجیل میمن نے کہا کہ اجازت این او سی کی شرائط کے ساتھ دی گئی ہے اور جلسے کے دوران امن و امان برقرار رکھنا منتظمین کی ذمہ داری ہوگی۔ انہوں نے واضح کیا کہ اشتعال انگیز تقریریں، فرقہ وارانہ مواد یا ملک و ریاستی اداروں کے خلاف بیان کی اجازت نہیں ہوگی۔ ساتھ ہی، ٹریفک کی روانی برقرار رکھنا اور پروگرام مقررہ وقت پر ختم کرنا بھی منتظمین پر لازم ہے۔ سیکیورٹی وجوہات کی صورت میں ضلعی انتظامیہ اجازت منسوخ کرنے کا اختیار رکھتی ہے۔
دوسری جانب مزار قائد سے متصل باغ جناح گراؤنڈ میں جلسے کی تیاریاں شروع ہو گئی ہیں اور اسٹیج سمیت تمام انتظامات مکمل کیے جا رہے ہیں۔
پی ٹی آئی سندھ کے صدر حلیم عادل شیخ نے کہا کہ جلسے کی تیاریاں تیزی سے جاری ہیں اور عوام بھرپور شرکت کریں گے۔ انہوں نے کہا کہ ظلم و جبر کے خلاف جاری جدوجہد اپنے آخری مراحل میں داخل ہو چکی ہے اور کراچی جلسے میں عوام کا وسیع سمندر موجودہ حالات کے خلاف واضح پیغام دے گا۔
ذریعہ
ذریعہ: Daily Mumtaz
کلیدی لفظ: جلسے کی
پڑھیں:
پیٹرول مہنگا، کیا دفتروں کے لیے ہفتہ دوبارہ 3 یا 4 روز پر مشتمل ہوسکتا ہے؟
پیٹرول کی قیمتوں میں ہر روز اضافہ ہوتا جا رہا ہے اور قیمت 327 روپے فی لیٹر سے تجاوز کر گئی ہے۔
اس اضافے کے بعد سرکاری و نجی شعبے کے ملازمین کی جانب سے حکومت سے مطالبہ کیا جا رہا ہے کہ ایندھن کی بڑھتی لاگت کو مدنظر رکھتے ہوئے ہفتے میں دفتری حاضری کم کی جائے اور 2 روز گھر سے کام یعنی ورک فرام ہوم کی اجازت دی جائے۔
تاہم، اس وقت وفاقی حکومت کی جانب سے ہفتے میں صرف 3 دفتری دن یا 2 دن لازمی ورک فرام ہوم کرنے کی کوئی سرکاری تجویز یا منظوری سامنے نہیں آئی۔
یہ بھی پڑھیں:
البتہ حکومت ماضی کی طرح توانائی کی بچت اور کفایت شعاری کے مختلف اقدامات پر غور کر رہی ہے، لیکن موجودہ سرکاری معلومات کے مطابق 3 روزہ آفس ورک کے کسی فیصلے کے زیر غور ہونے کی تصدیق نہیں ہوئی۔
وفاقی وزیر برائے پارلیمانی امور ڈاکٹر طارق فضل چوہدری نے وی نیوز کو بتایا کہ حکومت نے ماضی میں ایندھن بچانے کے لیے محدود مدت کے لیے دفتری اوقات اور ورکنگ ڈیز میں تبدیلیاں کی تھیں۔
’فی الحال حکومت نے دوبارہ ہفتے میں 3 یا 4 ورکنگ ڈیز نافذ کرنے کا کوئی باضابطہ اعلان نہیں کیا ہے، نہ ہی ایسی کوئی تجویز زیر غور ہے۔‘
مزید پڑھیں:
گریڈ 18 کے سرکاری افسر محمد جہانزیب بٹ سمجھتے ہیں کہ اگر ہفتے میں 3 دن دفتر اور 2 دن گھر سے کام کرنے کی اجازت دی جائے تو ان کے پیٹرول کی مد میں اخراجات میں نمایاں کمی آئے گی۔
’میرا زیادہ تر کام لیپ ٹاپ، آن لائن رابطے اور ٹیلی فون کے ذریعے مؤثر انداز میں انجام دیا جا سکتا ہے، جس سے کارکردگی بھی متاثر نہیں ہوگی۔‘
انہوں نے کہا کہ پیٹرول کی قیمتوں میں مسلسل اضافے کے باعث میرے ماہانہ سفری اخراجات بہت بڑھ گئے ہیں، جبکہ آمدنی میں کوئی اضافہ نہیں ہوا، جس سے گھریلو بجٹ سنبھالنا مشکل ہوتا جا رہا ہے۔
مزید پڑھیں:
’اگر ہفتے میں 2 دن گھر سے کام کرنے کی اجازت مل جائے تو نہ صرف میرے سفری اخراجات کم ہوں گے بلکہ میں اپنی ذمہ داریاں بھی مؤثر انداز میں، بغیر کسی رکاوٹ کے، انجام دیتا رہوں گا۔‘
ٹیلی کام سیکٹر سے منسلک شہزاد خان نے وی نیوز کو بتایا کہ اب دنیا میں بیشتر نوکریاں ایسی ہیں جو لیپ ٹاپ اور انٹرنیٹ کی مدد سے باآسانی کی جا سکتی ہیں۔
گزشتہ 3 ماہ سے ہماری کمپنی نے جمعہ کے روز ورک فرام ہوم کی اجازت دے رکھی ہے لیکن کسی کے کام کا حرج نہیں ہوا۔
’مہنگائی کے اس دور اور پیٹرول کی بڑھتی قیمتوں کے باعث اگر ملازمین کو ہفتے میں 2 دن گھر سے کام کرنے کی اجازت دے دی جائے تو اس سے لوگوں کو بہت سہولت ہوگی۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آمدنی انٹرنیٹ ایندھن پیٹرول کمپنی گھریلو بجٹ لیپ ٹاپ ملازمین مہنگائی نوکریاں ورک فرام ہوم ورکنگ ڈیز
بھارت سے جنگ اور افغانستان میں کارروائی خارج ازامکان نہیں، وزیردفاع