بار الیکشن: حامد خان گروپ کے عرفان حیات باجوہ لاہور کے صدر منتخب
اشاعت کی تاریخ: 11th, January 2026 GMT
لاہور + گوجرانوالہ + قصور + ننکانہ + فیروز والہ + حافظ آباد (خبر نگار / نمائندگان) لاہور بار ایسوسی ایشن کے انتخابات میں حامد خان(پروفیشنل)گروپ کے عرفان حیات باجوہ 3559 ووٹ لیکر صدر منتخب ہو گئے۔ عاصمہ جہانگیر گروپ کے ادیب اسلم بھنڈر 3154 ووٹوں کے ساتھ دوسرے نمبر پر رہے۔میاں طاہر منیر‘ ہمایوں ظہیر بھٹی نائب صدور‘ ماڈل ٹاؤن سیٹ پر آصف کنول‘ کینٹ نشست پر زاہد محمود گل3991 ووٹ لیکر کامیاب ہوئے۔ ملک فہد نثار سیکرٹری‘ جوائنٹ سیکرٹری ثمینہ بسرا‘ فنانس سیکرٹری زوہیب خان‘ لائبریری سیکرٹری کی نشست پر نعمان علی گورائیہ‘ آڈیٹر راحیلہ حفیظ کامیاب ہوئیں۔ نومنتخب صدر عرفان حیات باجوہ نے میڈیا سے گفتگو میں کہا کہ ہم نے ملک سے ناانصافی کو ختم کرنا ہے۔ 26 اور 27 ویں ترمیم کے خلاف تحریک کا آغاز ہو چکا ہے۔ آزاد عدلیہ اور آئینی ترمیم کے خاتمے کے لئے کام کریں گے۔ڈسٹرکٹ بار ننکانہ کے علی ناصر قادری صدر جبکہ اسی پینل کے کامران ممتاز چھینہ ایک ووٹ کی معمولی برتری سے کامیاب ہوئے، مدِمقابل امیدوار ملک علی عمران اعوان کو مسلم لیگ (ن) کی وزیر ڈاکٹر شذرہ منصب علی خان کی حمایت حاصل تھی۔ ڈسٹرکٹ بار حافظ آباد کے چوہدری مبشر عزیر گجر صدر جبکہ عمر بلال تارڑ جنرل سیکرٹری منتخب ہو گئے۔ تحصیل بار فیروز والہ کے صدر وارث علی بھٹی‘ جنرل سیکرٹری سبطین محمود کامیاب ہوئے۔ ڈسٹرکٹ بار گوجرانوالہ میں رانا فرحان علی خاں 1511 ووٹ لیکر صدر جبکہ حق نواز ہنجرا 1129 ووٹ لیکر جنرل سیکرٹری منتخب ہوگئے۔کامیاب امیدواروں کے حامیوں کا جشن، مٹھائی تقسیم، ڈھول کی تھاپ پر بھنگڑے بھی ڈالے گئے۔ ڈسٹرکٹ بار وزیر آباد کے انتخابات پروگریسیو لائرز گروپ (گوندل گروپ) کے عمران عصمت چوہدری صدر، پروگریسیو گروپ کے وقار احمد رندھاوا سیکرٹری منتخب ہو گئے۔ ڈسٹرکٹ بار قصور کے انتخابات میں سابق صدر بار چوہدری محمد احمد لطیف صدر، جنرل سیکرٹری شہباز علی خاں، سنیئر نائب صدر مہر محمد اختشام، نائب صدر نوید احمد خاں، لائبریری سیکرٹری محمد عرفان، جوائنٹ سیکرٹری چوہدری رضوان اقبال، فنانس سیکرٹری محمد احمد محبوب اور آڈیٹر کے عہدہ پر جنید احمد خاں کامیاب قرار پائے۔ بہاولپور بار کے شیخ خورشید احمد سہو صدر‘ جنرل سیکرٹری منیب الرحمن بھٹی‘ ڈسٹرکٹ بار پاکپتن کے رانا امجد الیاس صدر‘ جنرل سیکرٹری چوہدری یاسر عرفات‘ ڈسٹرکٹ بار گجرات کے سید فدا حسین شاہ صدر‘ مرزا کاشف بیگ جنرل سیکرٹری‘ بھکر ڈسٹرکٹ بار کے عامر اسحاق ہمدانی صدر‘ جنرل سیکرٹری محمد علی کھچی منتخب ہو گئے۔ ڈسٹرکٹ بار فیصل آباد کے میاں طارق محمود صدر‘ چوہدری کلیم اﷲ گل سیکرٹری منتخب ہوئے۔
.
ذریعہ
ذریعہ: Nawaiwaqt
کلیدی لفظ: سیکرٹری منتخب ہو جنرل سیکرٹری ڈسٹرکٹ بار ووٹ لیکر گروپ کے
پڑھیں:
حج سے واپسی کا آغاز، 370 حجاج کرام اسلام آباد پہنچ گئے
حج 2026 کی ادائیگی کے بعد پاکستانی حجاج کرام کی وطن واپسی کا سلسلہ شروع ہو گیا۔ سعودی ائیرلائن کی پرواز ایس وی 5724 کے ذریعے 370 حجاج کرام آج اسلام آباد پہنچ گئے۔
مزید پڑھیں: سعودی وزارت حج و عمرہ کی حجاج کرام کے لیے مثالی انتظامات کرنے پر پاکستانی حج مشن کو خراج تحسین
وفاقی وزیر برائے پارلیمانی امور طارق فضل چوہدری نے اسلام آباد ہوائی اڈے پر حجاج کرام کا استقبال کیا اور انہیں فریضۂ حج کی سعادت حاصل کرنے پر مبارکباد دی۔
اس موقع پر گفتگو کرتے ہوئے انہوں نے کہا کہ امسال قریباً ایک لاکھ 80 ہزار پاکستانیوں نے حج کی سعادت حاصل کی، جن میں ایک لاکھ 20 ہزار عازمین سرکاری حج اسکیم کے تحت سعودی عرب گئے۔
پاکستانی حجاج کرام کی وطن واپسی کا سلسلہ شروع۔ سعودی ائیرلائن کے ذریعے 370 حجاج کرام اسلام آباد پہنچ گئے۔ وفاقی وزیر طارق فضل چوہدری نے اسلام آباد ہوائی اڈے پر حجاج کا استقبال کیا اور انہیں فریضۂ حج کی سعادت حاصل کرنے پر مبارکباد دی۔@iamabidmalik @AmirSaeedAbbasi @KulAalam pic.twitter.com/zBqJGjKIEa
— Media Talk (@mediatalk922) June 1, 2026
وفاقی وزیر کا کہنا تھا کہ حجاج کرام نے حج 2026 کے انتظامات پر اطمینان کا اظہار کیا ہے۔ انہوں نے کہا کہ وزیراعظم کی ہدایت پر وزارتِ مذہبی امور نے عازمین حج کو ہر ممکن سہولت فراہم کی۔
مزید پڑھیں:سعودی عرب، حجاج کرام میں قرآن پاک کے نسخوں کی تقسیم
ڈاکٹر طارق فضل چوہدری نے وفاقی وزیر مذہبی امور اور ان کی ٹیم کو حج کے بہترین انتظامات پر مبارکباد بھی پیش کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد آئیرپورٹ حجاج کرام طارق فضل چوہدری وفاقی وزیر برائے پارلیمانی امور طارق فضل چوہدری
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ