برطانوی شاہی خاندان کی سابق رکن سارہ فرگوسن آسٹریلیا جانے کی خواہشمند لیکن سانپوں کا خوف آڑے
اشاعت کی تاریخ: 12th, January 2026 GMT
سابق ڈچس آف یارک اور شاہ چارلس کی سابق بھابھی سارہ فرگوسن اپنے مستقبل کے بارے میں ایک مشکل فیصلے سے دوچار ہیں۔
یہ بھی پڑھیں: برطانوی شاہی خاندان کی معمر ترین رکن شہزادی کیتھرین انتقال کرگئیں
غیر ملکی میڈیا کے مطابق برطانیہ میں جیفری ایپسٹین سے تعلقات کے حوالے سے بڑھتی ہوئی جانچ پڑتال کے دوران سارہ آسٹریلیا منتقل ہونے پر غور کر رہی ہیں تاہم سانپوں سے شدید خوف ان کے راستے میں بڑی رکاوٹ بن گیا ہے۔
سارہ فرگوسن، جنہیں عام طور پر فرگی کہا جاتا ہے، کافی عرصے سے آسٹریلیا میں رہائش اختیار کرنے کا سوچ رہی ہیں تاہم وہ وہاں کے جنگلی جانوروں، خصوصاً سانپوں سے حقیقی طور پر خوفزدہ ہیں۔
رپورٹ کے مطابق خصوصاً سابق شوہر پرنس اینڈریو شاہی ذمہ داریوں اور خطابات سے محروم ہونے کے بعد سے سارہ فرگوسن کو خاصی مشکلات کا سامنا ہے۔
مزید برآں سنہ 2011 کی ایک ای میل دوبارہ سامنے آئی ہے جس میں سارہ فرگوسن نے سزا یافتہ جنسی مجرم جیفری ایپسٹین کو اپنا بہترین دوست قرار دیا تھا جس کے بعد تنقید میں اضافہ ہو گیا ہے۔
مزید پڑھیے: برطانوی شاہی خاندان کے افراد کونسے کھانے کھاتے ہیں اور کن کھانوں کو ہاتھ نہیں لگاتے؟
سارہ فرگوسن کی بڑی بہن جین فرگوسن لوئیڈیکے، جو آسٹریلیا میں مقیم ہیں، نے حالیہ برطانیہ کے دورے کے دوران ان کی مدد کی پیشکش کی ہے۔
ایک ذریعے نے بتایا کہ جین معمول کے دورے پر نہیں آئی تھیں اور وہ اس بات پر شدید پریشان تھیں کہ سارہ کس ذہنی کیفیت سے گزر رہی ہیں اور انہوں نے محسوس کیا کہ ذاتی طور پر موجود ہونا ضروری ہے۔
سارہ کے قریبی حلقے میں کچھ لوگوں کو خدشہ تھا کہ وہ شدید ذہنی دباؤ کا شکار ہو رہی ہیں اسی لیے اس وقت کو نہایت نازک سمجھا جا رہا تھا۔
سارہ فرگوسن کو موجودہ حالات میں برطانیہ کے مقابلے میں آسٹریلیا میں شاید زیادہ مثبت ماحول مل سکے لیکن سانپوں سے ان کا شدید اور فطری خوف وہاں منتقل ہونے کے فیصلے میں سب سے بڑی رکاوٹ بن چکا ہے۔
مزید پڑھیں: اسکاٹ لینڈ میں شاہ چارلس کے نئے پورٹریٹ کی نقاب کشائی، ہمشیرہ شہزادی این جذباتی ہو گئیں
موجودہ حالات میں جب ان کے پاس نہ مالی وسائل ہیں اور نہ ہی کوئی شاہی رہائش تو آسٹریلیا منتقلی ناگزیر ہو سکتی ہے۔ ستم ظریفی یہ ہے کہ وہ بہت دور جانا چاہتی ہیں مگر آسٹریلیا کی جنگلی حیات کا خیال ہی انہیں خوفزدہ کر دیتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلیا برطانوی شاہی خاندان برطانیہ سارہ فرگوسن سارہ کو سانپوں کا خوف.
ذریعہ
ذریعہ: WE News
کلیدی لفظ: ا سٹریلیا برطانوی شاہی خاندان برطانیہ سارہ فرگوسن سارہ کو سانپوں کا خوف برطانوی شاہی خاندان سارہ فرگوسن رہی ہیں
پڑھیں:
دوسرا ون ڈے: آسٹریلیا کی پاکستان کے خلاف بیٹنگ جاری
پاکستان نے آسٹریلیا کے خلاف 3 ایک روزہ میچوں پر مشتمل سیریز کے دوسرے میچ میں بھی ٹاس جیت کر پہلے فیلڈنگ کا فیصلہ کرلیا، جس کے بعد مہمان ٹیم کی بیٹنگ جاری ہے۔
لاہور کے قذافی اسٹیڈیم میں پاکستان اور آسٹریلیا کے درمیان جاری 3 ایک روزہ میچوں کی سیریز کے دوسرے میچ میں قومی ٹیم نے ایک بار پھر ٹاس اپنے نام کرلیا۔
پاکستان نے ٹاس جیت کر پہلے فیلڈنگ کا فیصلہ کیا۔ دوسرے ون ڈے کے لیے ٹیم میں کوئی تبدیلی نہیں کی گئی۔ pic.twitter.com/YEk2H1aXuB
— Zeeshu Bhatti (@zeeshu_bhatti) June 2, 2026
پاکستانی کپتان شاہین شاہ آفریدی نے ٹاس جیتنے کے بعد پہلے فیلڈنگ کا فیصلہ کرتے ہوئے آسٹریلوی ٹیم کو بیٹنگ کی دعوت دی۔
ٹاس کے موقع پر گفتگو کرتے ہوئے شاہین آفریدی نے کہاکہ پہلے ون ڈے میں کامیابی حاصل کرنے والی قومی ٹیم میں کوئی تبدیلی نہیں کی گئی اور اسی کمبی نیشن کو برقرار رکھا گیا ہے۔
واضح رہے کہ سیریز کے ابتدائی ایک روزہ میچ میں پاکستان نے آسٹریلیا کو 5 وکٹوں سے شکست دے کر 3 میچوں کی سیریز میں 0-1 کی برتری حاصل کر رکھی ہے۔
دوسرے میچ میں قومی ٹیم کی کوشش ہوگی کہ کامیابی حاصل کرکے سیریز اپنے نام کرے، جبکہ آسٹریلیا سیریز میں واپسی کے لیے میدان میں اترا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آسٹریلیا ایک روزہ سیریز پاکستان ون ڈے میچ وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ