وزیراعظم کا نیوٹیک کی کارکردگی پر اظہار اطمینان، اپرینٹس شپ قانون پر عملدرآمد یقینی بنانے کی ہدایت تازہ ترینقومی خبریں12 جنوری ، 2026 FacebookTwitterWhatsapp
اشاعت کی تاریخ: 12th, January 2026 GMT
وزیرِاعظم کی زیرصدارت پیشہ ورانہ تربیت کے نئے متعارف کردہ ایکوسسٹم پر جائزہ اجلاس اسلام آباد میں منعقد ہوا۔ اس موقع پر وزیراعظم محمد شہباز شریف نے نیوٹیک کی حالیہ کارکردگی پر اظہار اطمینان کیا۔
وزیراعظم نے تکنیکی و فنی تربیتی پروگرامز کے نئے اہداف کا تعین کرنے اور اپرینٹس شپ قانون پر عملدرآمد یقینی بنانے کی ہدایت کی۔ انھوں نے کہا کہ پاکستانی افرادی قوت کو عالمی سطح پر مسابقت کیلئے بین الاقوامی سرٹیفکیشنز کی فراہمی خوش آئند ہے۔
انھوں نے کہا کہ خلیجی ممالک میں پاکستانی افرادی قوت کی کھپت کیلئے وزارت خارجہ اور وزرات اوورسیز پاکستانی اقدامات میں تیزی لائیں، پاکستانی نوجوان افرادی قوت صلاحیتوں سے بھرپور ہے۔
وزیراعظم شہباز شریف کا مزید کہنا تھا کہ نوجوانوں کی صلاحیتوں کو بروئے کار لانے کیلئے نیووٹیک کے ذریعے مفصل پروگرام کا آغاز کیا، نیوٹیک کے تحت تکنیکی و فنی تربیتی پروگرامز کے مثبت نتائج سامنے آ رہے ہیں۔
انھوں نے ہدایت کی کہ طلبا اور اساتذہ کیلئے بائیومیٹرک نظام کے تحت حاضری کا نظام لاگو کیا جائے۔
وزیراعظم نے کہا کہ صوبائی اداروں کے ساتھ تعاون یقینی بناتے ہوئے نیوٹیک کے پروگرامز کو وسعت دی جائے، زیادہ سے زیادہ افرادی قوت کو تربیت فراہم کی جائے۔
انکا مزید کہنا تھا کہ نوجوانوں کو بین الاقوامی سرٹیفکیشن کےساتھ تربیت کی فراہمی اولین ترجیح ہے۔
وزیرِاعظم نے کہا کہ نیوٹیک کےتحت جن اداروں کی کارکردگی اطمینان بخش نہیں، ان کی رکنیت معطل کرکے کارروائی کی جائے۔
انھوں نے کہا کہ نیوٹیک کے نظام کی مکمل ڈیجیٹائزیشن و آن لائن مانیٹرنگ کے نظام کو مزید مؤثر بنایا جائے۔
.
ذریعہ
ذریعہ: Nawaiwaqt
کلیدی لفظ: افرادی قوت نے کہا کہ انھوں نے
پڑھیں:
امریکا ایران غیر یقینی صورتحال: عالمی منڈی میں تیل کی قیمتیں بلند سطح پر برقرار
امریکا اور ایران کے درمیان جنگ بندی اور مذاکرات سے متعلق غیر یقینی صورتحال کے باعث عالمی منڈی میں تیل کی قیمتیں بلند سطح پر برقرار رہیں۔
منگل کے روز برینٹ خام تیل 95.04 ڈالر فی بیرل جبکہ امریکی ویسٹ ٹیکساس انٹرمیڈیٹ (WTI) 91.99 ڈالر فی بیرل پر ٹریڈ ہوا۔ دونوں بینچ مارکس گزشتہ سیشن میں 5 فیصد سے زائد اضافے کے بعد مستحکم رہے۔
سرمایہ کاروں کی توجہ خاص طور پر آبنائے ہرمز کی ممکنہ بحالی اور مشرق وسطیٰ کی کشیدگی پر مرکوز ہے۔ امریکی صدر نے کہا ہے کہ ایران کے ساتھ مذاکرات جاری ہیں اور جلد کسی معاہدے کی امید ہے تاہم ایرانی میڈیا کے مطابق بات چیت میں تعطل بھی سامنے آیا ہے۔
ماہرین کا کہنا ہے کہ تیل کی قیمتوں میں موجود اتار چڑھاؤ کا دارومدار امریکا-ایران مذاکرات اور خطے کی صورتحال پر ہے۔ دوسری جانب لبنان میں حزب اللہ اور اسرائیل کے درمیان جزوی جنگ بندی کو کشیدگی کم کرنے کی محدود کوشش قرار دیا جا رہا ہے۔
یاد رہے کہ خلیجی علاقے میں کشیدگی کے باعث تیل اور ایل این جی کی عالمی ترسیل متاثر ہوئی جس سے قیمتوں میں نمایاں اضافہ دیکھنے میں آیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ