فیلڈ مارشل، انڈونیشیئن وزیر دفاع ملاقات، دفاعی تعاون پر تبادلہ خیال
اشاعت کی تاریخ: 12th, January 2026 GMT
اسلام آباد(نیوزڈیسک) انڈونیشیا کے وزیرِ دفاع نے جی ایچ کیو کا دورہ کیا اور فیلڈ مارشل عاصم منیر سے ملاقات کی جس دوران علاقائی و عالمی سیکیورٹی صورتحال، دفاعی تعاون اور ادارہ جاتی روابط پر تبادلۂ خیال کیا گیا۔
آئی ایس پی آر کے مطابق انڈونیشیا کے وزیرِ دفاع سیافری سجامسودین نے جنرل ہیڈکوارٹرز جی ایچ کیو کا دورہ کیا، جہاں انہوں نے چیف آف ڈیفنس فورسز اور آرمی چیف فیلڈ مارشل عاصم منیر سے ملاقات کی۔ملاقات میں علاقائی اور عالمی سیکیورٹی کی بدلتی ہوئی صورتحال پر تبادلۂ خیال کیا گیا، جبکہ باہمی دلچسپی کے امور اور دفاعی تعاون کو فروغ دینے کے امکانات پر بھی بات چیت ہوئی۔ فریقین نے ادارہ جاتی روابط کے استحکام، تربیتی تعاون اور دفاعی صنعت میں اشتراک کی اہمیت پر زور دیا۔
آئی ایس پی آر کے مطابق انڈونیشین وزیرِ دفاع نے پاک افواج کی پیشہ ورانہ صلاحیتوں کو سراہا اور دہشتگردی کے خلاف جنگ میں مسلح افواج کی قربانیوں کا اعتراف کیا۔
انہوں نے پاکستان کے ساتھ دفاعی تعاون کے مزید فروغ کی خواہش کا اظہار کیا، جبکہ فیلڈ مارشل عاصم منیر نے اسٹریٹجک مفادات پر مبنی مضبوط اور دیرپا دفاعی تعلقات کے فروغ کے عزم کا اعادہ کیا۔
.
ذریعہ
ذریعہ: Daily Mumtaz
پڑھیں:
پاکستان کی لبنان پر اسرائیلی حملوں کی مذمت
پاکستان نے لبنان پر اسرائیلی حملوں کی مذمت کی ہے۔ مستقل مندوب عاصم افتخار نے اقوام متحدہ کی سلامتی کونسل سے خطاب میں کہا کہ لبنان پر اسرائیل کے حملے عالمی قوانین کی خلاف ورزی ہیں۔
عاصم افتخار نے کہا کہ اسرائیل حملے خطے میں امن کی کوششوں کو متاثر کررہے ہیں۔ پائیدار امن صرف بات چیت سے ہی ممکن ہے۔
ان کا کہنا تھا کہ پاکستان لبنان کی حکومت اور عوام سے یکجہتی کا اظہار کرتا ہے۔
اقوام متحدہ میں پاکستان کے مستقل مندوب نے مزید کہا کہ پاکستان تناؤ میں کمی کے لیے سفارتی کوششیں جاری رکھے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ