بیرسٹر گوہر کی حکومت پر تنقید، سندھ حکومت کے غیر جمہوری رویے پر تحفظات
اشاعت کی تاریخ: 12th, January 2026 GMT
کراچی: تحریک انصاف کے چیئرمین بیرسٹر گوہر نے حکومت کو سخت تنقید کا نشانہ بناتے ہوئے کہا کہ نئے سال کے آغاز کے باوجود پاکستان کے مسائل میں کوئی تبدیلی نہیں آئی۔
پارلیمنٹ کے باہر میڈیا سے گفتگو کرتے ہوئے بیرسٹر گوہر نے کہا کہ ملک کے مسائل جوں کے توں ہیں اور عوام کی مشکلات میں کوئی کمی نہیں آئی۔
انہوں نے سندھ حکومت کے رویے پر بھی شدید تحفظات کا اظہار کیا، خاص طور پر سندھ حکومت کے آخری دن کے رویے کو غیر جمہوری قرار دیتے ہوئے کہا کہ سہیل آفریدی کا دورہ سندھ بہت اچھا رہا مگر سندھ حکومت نے اس موقع پر جمہوری انداز میں رویہ اختیار نہیں کیا۔
انہوں نے مزید کہا کہ سندھ حکومت کو ٹوپی اور اجرک کی اہمیت کو سمجھنا چاہیے تھا، جو کہ سندھ کے ثقافتی ورثے کا حصہ ہیں، موجودہ حکومت اب اپنی پوزیشن سے پیچھے ہٹ کر ونڈربوائے (ہچکچاتی حکومت) کی متلاشی ہوگئی ہے۔ انہوں نے حکومت سے مطالبہ کیا کہ اپوزیشن لیڈر کا نوٹیفکیشن جلد جاری کیا جائے تاکہ حکومت ہوم الون (تنہا) ہونے کے خطرات سے بچ سکے۔
انہوں نے کہا کہ ملک کی سیاسی صورتحال میں جلد ہی کوئی مثبت تبدیلی نہ آئی تو حکومت کو اپنے فیصلوں پر نظرثانی کرنا پڑے گی۔
.
ذریعہ
ذریعہ: Al Qamar Online
کلیدی لفظ: پاکستان کھیل سندھ حکومت انہوں نے کہا کہ
پڑھیں:
پیپلز پارٹی کا فارم 47 پر حالیہ بیانیہ پی ٹی آئی بیانیے سے مطابقت رکھتا ہے، علی ظفر
پاکستان تحریک انصاف (پی ٹی آئی) کے بیرسٹر علی ظفر نے کہا ہے کہ پیپلز پارٹی کا فارم 47 پر حالیہ بیانیہ تحریک انصاف کے بیانیے سے مطابقت رکھتا ہے۔
جیو نیوز کے پروگرام کیپیٹل ٹاک میں بات کرتے ہوئے بیرسٹر علی ظفر نے کہا کہ پیپلز پارٹی نے تحریک انصاف کے فارم 47 والے بیانیے کو مانا ہے اس کے بعد پیپلز پارٹی کو چاہیے کہ وہ تمام عہدوں سے استعفے دے اور ہمارے ساتھ اپوزیشن میں بیٹھے۔
پروگرام میں شریک پیپلز پارٹی کے رہنما سید ناصر حسین شاہ نے کہا کہ ہم مسلم لیگ ن کے ساتھ پاکستان کی خاطر حکومت میں بیٹھے ہیں۔
ن لیگ کے بیرسٹر دانیال چوہدری نے کہا کہ پیپلز پارٹی ان کے ساتھ ہی رہے گی اور اسی تنخواہ پر دونوں ایک دوسرے کے ساتھ چلتے رہيں گے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی