سرفراز بگٹی کی ہیلتھ کارڈ کے ضمن میں اسپتالوں کے واجبات فوری ادا کرنیکی ہدایت
اشاعت کی تاریخ: 13th, January 2026 GMT
ہیلتھ کارڈ پر علاج نہ ہونیکی خبروں کا نوٹس لیتے ہوئے وزیراعلیٰ نے متعلقہ حکام کو ہدایت دی کہ فوری طور پر واجب الادا رقم اپستالوں کو ادا کی جائیں۔ اسلام ٹائمز۔ وزیراعلیٰ بلوچستان سرفراز بگٹی نے بلوچستان ہیلتھ کارڈ کی سہولت میں تعطل کا نوٹس لیتے ہوئے رپورٹ طلب کر لی ہے۔ تفصیلات کے مطابق گزشتہ روز ڈاکٹروں کی جانب سے بیان جاری ہوا جس میں دعویٰ کیا گیا کہ گزشتہ چار ماہ سے اسپتالوں کو ہیلتھ کارڈ کی واجب الادا رقم ادا نہیں کی گئی ہے، اسے طرح بعض ہسپتالوں میں ہیلتھ کارڈ پر علاج کی بندش کی خبریں بھی سامنے آئیں۔ جن کا نوٹس لیتے ہوئے وزیراعلیٰ سرفراز بگٹی نے محکمہ صحت اور ہیلتھ کارڈ پروگرام کے حکام سے فوری رپورٹ طلب کر لی ہے۔ سرفراز بگٹی نے صوبائی وزیر صحت بخت محمد کاکڑ کو معاملہ فوری حل کرنے کی ہدایت دیتے ہوئے کہا ہے کہ ہیلتھ کارڈ پر کسی مریض کا علاج رکنا نہیں چاہئے۔ انہوں نے ہیلتھ کارڈ کے ضمن میں تمام اسپتالوں کے واجبات فوری ادا کرنے کی ہدایت دیتے ہوئے کہا کہ ہیلتھ کارڈ کے ذریعے غریب مریضوں کے علاج معالجے کا سلسلہ بدستور جاری رہنا چاہئے۔
.
ذریعہ
ذریعہ: Islam Times
کلیدی لفظ: ہیلتھ کارڈ پر سرفراز بگٹی
پڑھیں:
طوفانی سیلاب سے عوام شدید مشکلات کا شکار ہیں، حکومت فوری اقدامات اٹھائے، کاظم میثم
ممبر گلگت بلتستان اسمبلی نے ایک بیان میں کہا کہ صوبائی اور وفاقی حکومت سے مطالبہ کرتے ہیں مشکل کی اس گھڑی میں عوام کے شانہ بشانہ کھڑے ہوں اور متاثرین سیلاب کو ریلیف دینے اور بحالی کے لیے جامع منصوبہ بندی کے ساتھ اقدامات اٹھائیں۔ اسلام ٹائمز۔ سابق اپوزیشن لیڈر و ممبر گلگت بلتستان اسمبلی کاظم میثم نے اپنے ایک بیان میں کہا ہے کہ پورے گلگت بلتستان میں طوفانی سیلاب اور دریائی کٹاو سے عوام شدید مشکلات کے شکار ہیں، وفاقی اور صوبائی حکومت کو فوری اقدامات اٹھاتے ہوئے ریلیف اور بحالی کے لیے کام تیز کرنے کی ضرورت ہے۔ سکردو میں دریائی کٹاو کے سبب سترانگلونگما کواردو اور حوطو رنگاہ کے عوام شدید مشکلات کے شکار ہیں۔ زرعی اراضی اور درخت دریا برد ہو رہے ہیں لیکن تاحال کوئی ہنگامی بنیادوں پر بحالی کے لیے کوئی کام نہیں ہوا ہے۔ ضلعی انتظامیہ اور جی بی ڈی ایم اے کو کواردو حوطو رنگاہ اور رزسنا رنگاہ کے دریائی کٹاو روکنے کے لیے فوری اقدامات اٹھانا چاہیے۔ گزشتہ مہینے آنے والے شگریخورد میں سیلاب متاثرین کی بحالی کے بھی تاحال اقدامات نہیں اٹھائے گئے ہیں۔ جس کے سبب عوام میں شدید تشویش پائی جاتی ہے۔ کاظم میثم نے مزید کہا کہ طوفانی سیلاب کے سبب تقریبا تمام اضلاع میں تباہ کاریاں ہوئی ہیں اور شاہراہوں کی بندش کے سبب بھی مشکلات کے شکار ہیں۔ صوبائی اور وفاقی حکومت سے مطالبہ کرتے ہیں مشکل کی اس گھڑی میں عوام کے شانہ بشانہ کھڑے ہوں اور متاثرین سیلاب کو ریلیف دینے اور بحالی کے لیے جامع منصوبہ بندی کے ساتھ اقدامات اٹھائیں۔
پاکستان نے ورلڈ کپ 2028 کیلیے براہ راست کوالیفائی کر لیا