بھارت اور امریکا کے درمیان تجارت اور اہم معدنیات پر بات چیت
اشاعت کی تاریخ: 13th, January 2026 GMT
بھارتی وزیر خارجہ سبرامنیم جے شنکر نے کہا ہے کہ انہوں نے امریکی وزیر خارجہ مارکو روبیو کے ساتھ تجارت، اہم معدنیات، توانائی، دفاع اور جوہری تعاون سے متعلق امور پر بات چیت کی ہے۔
یہ بھی پڑھیں: مودی کی کس غلطی کی وجہ سے بھارت امریکا معاہدہ کھٹائی میں پڑا، امریکی وزیر تجارت نے بتادیا
سماجی رابطے کی ویب سائٹ پر بیان میں بھارتی وزیر خارجہ نے کہا کہ امریکی وزیر خارجہ کے ساتھ ہونے والی گفتگو مفید رہی جس میں دوطرفہ تجارت، توانائی اور دفاعی تعاون سمیت مختلف شعبوں پر تبادلہ خیال کیا گیا۔
بھارت اور امریکا نے سنہ 2030 تک دوطرفہ تجارت کو 500 ارب ڈالر تک بڑھانے کا ہدف مقرر کیا ہے۔ اس مقصد کے تحت بھارت نے امریکا سے توانائی اور دفاعی سازوسامان کی خریداری بڑھانے کا بھی عندیہ دیا ہے تاکہ تجارتی خسارہ کم کیا جا سکے۔
مزید پڑھیے: ٹرمپ-مودی 35 منٹ کی کال جس نے بھارت امریکا تعلقات میں دراڑ ڈال دی
واضح رہے کہ گزشتہ برس دونوں ممالک کے درمیان تجارتی مذاکرات کسی معاہدے پر منتج نہیں ہو سکے تھے جس کے باعث بھارتی روپیہ تاریخی کم ترین سطح تک گر گیا تھا اور سرمایہ کاروں میں بے چینی پائی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا بھارت بھارت امریکا تجارتی مذاکرات بھارت امریکا مذاکرات بھارتی وزیر خارجہ ایس جے شنکر.
ذریعہ
ذریعہ: WE News
کلیدی لفظ: امریکا بھارت بھارت امریکا تجارتی مذاکرات بھارت امریکا مذاکرات بھارتی وزیر خارجہ ایس جے شنکر بھارت امریکا
پڑھیں:
سلمان خان بیان، بھارتی طلباء کے احتجاج پر دبنگ خان کی کھل کر حمایت
ممبئی: سلمان خان بیان ایک بار پھر سوشل میڈیا پر موضوعِ بحث بن گیا ہے۔ بالی ووڈ سپر اسٹار سلمان خان نے بھارت میں طلباء کے احتجاج پر ردعمل دیتے ہوئے کہا ہے کہ بہتر تعلیمی نظام کے لیے نوجوانوں کی آواز سنی جانی چاہیے اور اس معاملے کو سیاسی رنگ دینے سے گریز کیا جائے۔
سلمان خان نے اپنے سوشل میڈیا پلیٹ فارم ایکس پر جاری بیان میں کہا کہ ابتدا میں یہ ایک پرامن تحریک تھی، تاہم بعد میں اس کا پرتشدد رخ اختیار کرنا افسوسناک ہے۔ انہوں نے احتجاج کے دوران متاثر ہونے والے طلباء اور ان کے اہل خانہ سے ہمدردی کا اظہار بھی کیا۔
اداکار نے کہا کہ پیپر لیک جیسے معاملات انتہائی سنجیدہ نوعیت کے ہیں اور انہیں فوری توجہ کی ضرورت ہے۔ ان کے مطابق یہ خوش آئند بات ہے کہ طلباء بہتر تعلیمی نظام کے مطالبے کے لیے متحد ہوئے، جبکہ والدین نے بھی ان کی جدوجہد میں بھرپور ساتھ دیا۔
سلمان خان بیان میں مزید کہا گیا کہ طلباء نے اپنے عزم، محنت اور خلوص سے ثابت کیا ہے کہ وہ تعلیم حاصل کر کے ملک کے روشن مستقبل میں کردار ادا کرنا چاہتے ہیں۔ انہوں نے نوجوانوں کے جذبے، ہمت اور تعلیم سے وابستگی کو قابلِ تعریف قرار دیتے ہوئے کہا کہ یہی نسل مستقبل میں ملک کی ترقی میں اہم کردار ادا کرے گی۔
بالی ووڈ اسٹار نے زور دیا کہ طلباء کے مطالبات کو سیاسی تنازع نہ بنایا جائے کیونکہ یہ معاملہ براہِ راست تعلیمی نظام اور طلباء کے مستقبل سے جڑا ہوا ہے۔ انہوں نے امید ظاہر کی کہ حکومت بھی اس معاملے کا مثبت حل نکالے گی اور تعلیمی نظام کو مزید مضبوط بنانے کے لیے مؤثر اقدامات کرے گی۔
سلمان خان نے اپنے پیغام کے اختتام پر دعا کی کہ علم حاصل کرنے والے تمام طلباء اپنی منزل حاصل کریں اور ملک میں ایسا تعلیمی ماحول قائم ہو جہاں میرٹ، شفافیت اور انصاف کو اولین ترجیح دی جائے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا