جماعت اسلامی کا اسلام آباد کا بلدیاتی آرڈیننس چیلنج کرنے کا اعلان
اشاعت کی تاریخ: 14th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد(نمائندہ جسارت) جماعت اسلامی نے اسلام آباد کے بلدیاتی آرڈیننس کو عدالت میں چیلنج کرنے کا اعلان کر دیا۔ امیر جماعت اسلامی اسلام آباد انجینئر نصراللہ رندھاوا نے کہاہے کہ اسلام آباد میں بلدیاتی الیکشن ملتوی کیے گئے تو بھرپور احتجاج کریں گے، آرڈیننس بدنیتی پر مبنی ہے اسے یکسر مسترد کرتے ہیں ، جماعت اسلامی کے کئی بلدیاتی امیدوار بلامقابلہ بھی جیت گئے ہیں حکومت نے ہار دیکھتے ہوئے بدنیتی پر مبنی آرڈیننس جاری کیا ہے۔ ان خیالات کااظہار امیر جماعت اسلامی اسلام آباد انجینئر نصراللہ رندھاوا نے پبلک ایڈ کمیٹی کے چیئرمین عامر نواز کے ساتھ جماعت اسلامی اسلام آباد کے دفتر میں پریس کانفرنس کرتے ہوئے کیا۔ امیر جماعت اسلامی اسلام آباد انجینئر نصراللہ رندھاوا نے کہاکہ بلدیاتی الیکشن ملتوی کرنا اسلام آباد کے شہریوں کے ساتھ دشمنی ہے۔ کل آرڈیننس پبلک کیا گیا ہے جس کی وجہ سے بلدیاتی انتخابات کے حوالے سے بے یقینی کی فضا پیدا کردی گئی ہے۔ اسلام آباد کے شہریوں کے جمہوری سیاسی حقوق کو دبانے کی کوشش کی جارہی ہے، جون 2021سے اسلام آباد میں بلدیات انتخابات نہیں ہوئے۔ الیکشن کا شیڈول بھی جاری ہوا ہے۔ پہلے 50یونین کونسل تھے اس کو 100کیا گیا اور الیکشن ملتوی ہوئے اس کے بعد دوبارہ یونین کونسل کی تعداد میں اضافہ کیا گیا اورپھر الیکشن ملتوی کرائے گئے۔ اسلام آباد ہائی کورٹ کے حکم کے باوجود الیکشن کمیشن نے اسلام آباد میں بلدیاتی انتخابات نہیں کرائے ۔ 2024میں یونین کونسل کی تعداد 125کردی گئے مگر الیکشن نہیں کرائے گئے۔ انہوں نے کہا کہ نئے آرڈیننس کے بعد ایم سی آئی کو ختم کردیا گیا ہے ، بتایا جائے کہ وہ کون سے حالات ہیں کہ الیکشن کا شیڈول جاری ہوچکا ہے اور صدر بلدیاتی نظام کو ختم کرکے دوسرا نظام لارہے ہیں۔ آرڈیننس کو فوری طور پر نافذ بھی کردیا گیا ہے۔ یہ آرڈیننس بدنیتی پر مبنی ہے یہ ساری سازش بلدیاتی شیڈول کو سبوتاژ کرنے کے لیے ہے۔ اس بدنیتی کی وجہ یہ ہے کہ ان کو اپنی ہار نظر آرہی تھی جس کی وجہ سے وہ الیکشن سے بھاگ گئے ہیں جماعت اسلامی کے کئی بلدیاتی امید وار بلامقابلہ بھی جیت چکے ہیں۔ انہوں نے کہا کہ الیکشن کمیشن اسلام آباد کے عوام کے حقوق پر اس آرڈیننس کی بنیاد پر ڈاکا ڈالے گا اورالیکشن ملتوی کردے گا۔ الیکشن شیڈول جاری ہونے کے بعد حلقہ بندیوں میں تبدیلی نہیں ہوسکتی ہے۔ اسلام آباد میں ایم سی آئی کو ختم کر دیا گیا ہے اور ٹاؤن کارپوریشن بنادی گئیں ہیں۔ اس کے بعد پورے اسلام آباد کا اونر کون ہوگا۔ حکومت میئر کو جو حکم دے گی وہ کام ہوگا۔ ایڈمنسٹریٹر کو ٹیکس لگانے کا اختیار دے دیا ہے یہ اختیار عوامی نمائندوں کے پاس ہونا چاہیے۔ 15 فروری کو الیکشن شیڈول ہیں اس دوران آرڈیننس جاری کرنا عوام کے حقوق دبانے کے مترادف ہے ہم اس آرڈیننس کو مسترد کرتے ہیں یہ موجودہ الیکشن کو ملتوی کرنا چاہتے ہیں۔ اسلام آباد کے عوام کا استحقاق کو مجروح کیا جارہاہے۔ نصراللہ رندھاوا نے کہا کہ ٹاؤن کی طاقت بہت کم ہوتی ہے میٹروپولیٹن کی طاقت زیادہ ہوتی ہے۔ اسلام آباد پاکستان کا چہرہ ہے اس کے ساتھ زیادتی نہ کریں۔ورنہ اسلام آباد کے شہری آپ کا سخت احتساب کریں گے۔ اس آرڈیننس کے خلاف ہائی کورٹ میں اپیل دائر کریں گے۔ الیکشن کمیشن شیڈول کے مطابق الیکشن کرائے اور الیکشن کو ملتوی نہ کیا جائے۔الیکشن ملتوی کیے گئے تو اسلام آباد میں بھر پور احتجاج کریں گے اور دھرنا بھی دیں گے۔
ذریعہ
ذریعہ: Jasarat News
کلیدی لفظ: جماعت اسلامی اسلام ا باد نصراللہ رندھاوا نے اسلام ا باد میں اسلام ا باد کے الیکشن ملتوی بلدیاتی ا ا رڈیننس کریں گے گیا ہے کے بعد
پڑھیں:
پیٹرول پمپس اونرز ایسوسی ایشن کاکل کی ہڑتال مؤخر کرنے کا اعلان
اسلام آباد(ڈیلی پاکستان آن لائن)پیٹرول پمپس اونرز ایسوسی ایشن اور ڈیلرز ایسوسی ایشن نے کل کی ہڑتال مؤخر کرنے کا اعلان کردیا۔پاکستان پیٹرولیم ڈیلرز ایسوسی ایشن کی جانب سے جاری بیان میں کہا گیا کہ ہڑتال کی کال مؤخر کردی، حکومت نے پیٹرول ڈیلرز کا مارجن بڑھانے کی یقین دہانی کرائی ہے، حکومتی یقین دہانی پر احتجاج کی کال مؤخر کرتے ہیں۔سیکرٹری اطلاعات پیٹرول پمپس اونرز ایسوسی ایشن ندیم خان نے کہا کہ ہمیں یقین دہانی کرائی گئی ہے کہ ہمارے مطالبات پورے کیے جائیں گے، امید ہے کہ دو ہفتوں میں پمپس اونرز کے کمیشن کامعاملہ حل ہوجائے گا، یومیہ نرخ کا نظام بھی دو ہفتے ٹرائل بیسز پر چلانے کا کہا گیا ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی