پاکستان ویمنز ٹیم کا دورۂ جنوبی افریقا: ون ڈے اور ٹی 20 اسکواڈز کا اعلان
اشاعت کی تاریخ: 14th, January 2026 GMT
data-id="863a0a8" data-element_type="widget" data-widget_type="theme-post-content.default">
پاکستان کرکٹ بورڈ نے جنوبی افریقا کے دورے کے لیے پاکستان ویمنز کرکٹ ٹیم کے ون ڈے اور ٹی 20 انٹرنیشنل اسکواڈز کا اعلان کر دیا ہے۔
ذرائع کے مطابق یہ دورہ 10 فروری سے شروع ہوگا اور اسے آئندہ آئی سی سی ویمنز ٹی ٹوئنٹی ورلڈ کپ 2026 کی تیاریوں کا ایک اہم مرحلہ قرار دیا جا رہا ہے۔
پی سی بی کے مطابق فاطمہ ثنا دونوں فارمیٹس میں ٹیم کی قیادت جاری رکھیں گی، جب کہ اسکواڈ میں نوجوان اور تجربہ کار کھلاڑیوں کا متوازن امتزاج رکھا گیا ہے۔ پہلی بار سائرہ جبین اور ہمنہ بلال کو قومی اسکواڈ میں شامل کیا گیا ہے، جو مستقبل میں ٹیم کے لیے اہم ثابت ہو سکتی ہیں۔ اس کے علاوہ عائشہ ظفر، گل فیروزہ، تسمیہ رباب اور نجیہہ علوی کی ون ڈے اسکواڈ میں واپسی ہوئی ہے۔
دورے سے قبل یکم سے 6 فروری تک کراچی میں پری سیریز ٹریننگ کیمپ منعقد کیا جائے گا، جو حنیف محمد ہائی پرفارمنس سینٹر میں لگایا جائے گا۔ کیمپ کے دوران کھلاڑیوں کی فٹنس، تکنیکی مہارت اور میچ تیاریوں پر خصوصی توجہ دی جائے گی۔
ٹی 20 سیریز کے تمام میچز ڈے اینڈ نائٹ ہوں گے اور یہ مقابلے پوچف سٹروم، بینونی اور کمبرلے میں کھیلے جائیں گے جب کہ ون ڈے سیریز سے قبل کمبرلے میں 50 اوورز کا ایک وارم اپ میچ بھی شیڈول کیا گیا ہے۔ ون ڈے میچز بلوم فونٹین، سینچورین اور ڈربن میں ہوں گے، جن میں سے ایک میچ ڈے نائٹ رکھا گیا ہے۔
یہ دورہ اس لحاظ سے بھی اہم ہے کہ پاکستان ویمنز ٹیم پانچ سال بعد جنوبی افریقا میں کسی دو طرفہ سیریز میں حصہ لے رہی ہے۔ اس سے قبل 2021 کے بعد پہلی بار دونوں ٹیمیں اس سطح پر مدمقابل آئیں گی جب کہ پاکستان ویمنز ٹیم نے 2023 میں جنوبی افریقا میں منعقدہ آئی سی سی ویمنز ٹی ٹوئنٹی ورلڈ کپ میں بھی شرکت کی تھی۔
.
ذریعہ
ذریعہ: Jasarat News
کلیدی لفظ: پاکستان ویمنز جنوبی افریقا ویمنز ٹی گیا ہے
پڑھیں:
ایلون مسک نے ’اوڈیسی‘ کا اے آئی ورژن اسی سال پیش کرنے کا اعلان کردیا
ارب پتی ٹیکنالوجی کاروباری شخصیت ایلون مسک نے اعلان کیا ہے کہ ان کا مصنوعی ذہانت پر مبنی پلیٹ فارم گروک امیجن (Grok Imagine) رواں سال کے اختتام سے پہلے قدیم یونانی رزمیہ شاہکار اوڈیسی پر مبنی ایک مکمل فلم تیار کرے گا۔ مسک کا کہنا ہے کہ یہ فلم شاعر ہومر کی اصل تخلیق کے مطابق ہوگی اور تاریخی اعتبار سے بھی زیادہ درست انداز میں پیش کی جائے گی۔
ایلون مسک نے سماجی رابطے کی ویب سائٹ ایکس پر اپنی پوسٹ میں دعویٰ کیا کہ اے آئی کے ذریعے بنائی جانے والی یہ فلم ہومر کے اصل فن اور کہانی کی حقیقی روح کی عکاسی کرے گی۔ انہوں نے اس اعلان کے ساتھ تقریباً تین منٹ طویل ایک اے آئی ویڈیو بھی شیئر کی، جس میں اوڈیسیئس اور کلیپسو کے درمیان ایک منظر دکھایا گیا ہے۔
Before this year ends, Grok Imagine will make a full-length movie of The Odyssey that is historically accurate and true to the art of Homer https://t.co/bVHzUmY9WN
— Elon Musk (@elonmusk) July 22, 2026اس سے قبل بھی ایلون مسک نے ایک صارف کی اس تجویز کی حمایت کی تھی کہ ہدایت کار میل گبسن تقریباً 100 ملین ڈالر کی لاگت سے اوڈیسی پر ایسی فلم بنائیں جس میں تاریخی طور پر درست جہاز، ہتھیار، زرہیں، کردار اور ہومر کی اصل نظم کے مکالمے شامل ہوں۔ اس تجویز پر مسک نے مختصر جواب دیتے ہوئے کہا تھا، ’میں تیار ہوں۔‘
دوسری جانب ایلون مسک حالیہ دنوں میں برطانوی نژاد امریکی فلم ساز کرسٹوفر نولن کی فلم اوڈیسی پر بھی سخت تنقید کرتے رہے ہیں۔ ان کا الزام ہے کہ نولن نے ایوارڈز حاصل کرنے کی غرض سے اصل داستان میں تبدیلیاں کیں۔ انہوں نے فلم کی کاسٹنگ پر بھی اعتراض اٹھایا، خاص طور پر اداکارہ لوپیٹا نیونگو کو ہیلن آف ٹرائے کے کردار میں لینے کے فیصلے کو تنقید کا نشانہ بنایا، جبکہ ایک موقع پر نولن کو ’نسل پرستانہ رویہ رکھنے والا‘ فلم ساز بھی قرار دیا۔
تاہم ایلون مسک کی تنقید کے باوجود کرسٹوفر نولن کی اوڈیسی نے باکس آفس پر شاندار آغاز کیا ہے۔ باکس آفس رپورٹس کے مطابق فلم نے ریلیز کے پہلے ہفتے میں دنیا بھر سے 264.06 ملین ڈالر سے زائد کا بزنس کیا، جس کے بعد اسے رواں برس کی نمایاں کامیاب فلموں میں شمار کیا جا رہا ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی