خوشحالی کا سرچشمہ تعلیم، ہنر اور پیداوری صلاحیت ہے، مصدق ملک
اشاعت کی تاریخ: 14th, January 2026 GMT
اسلام آباد:(نیوزڈیسک)وزیر موسمیاتی تبدیلی و ماحولیاتی ہم آہنگی ڈاکٹر مصدق ملک نے کہا ہے کہ خوشحالی کا سرچشمہ طاقت اور رسائی نہیں بلکہ تعلیم، ہنر اور پیداوری صلاحیت ہے۔ انہوں نے یہ بات اسلام آباد کے مقامی ہوٹل میں ’’پاکستان کی معاشی سمت کی ازسرنو تشکیل‘‘ کے موضوع پر پاکستان پالیسی ڈائیلاگ کے افتتاحی سیشن سے خطاب کرتے ہوئے کہی۔ پالیسی ڈائیلاگ کا انعقاد پالیسی ریسرچ اینڈ ایڈوائزری کونسل کے زیرِ اہتمام کیا گیا، جس میں اعلیٰ سطحی حکومتی نمائندے اور ماہرین نے شرکت کی۔
اپنے خطاب میں وفاقی وزیر نے ملک میں معاشی بحالی میں پالیسی ہم آہنگی پر زور دیا اور کہا کہ پاکستان میں خوشحالی کا راستہ اب صرف طاقت اور اثر و رسوخ تک رسائی نہیں بلکہ پیداواری صلاحیت میں اضافہ ہے۔ خوشحالی کا واحد راستہ تعلیم، ہنر اور پروڈیکٹویٹی ہے۔ انہوں نے کہا کہ برآمدات پر مبنی ترقی ہی پائیدار ترقی ہے، اور نجکاری کسی نظریاتی منصوبے کی بجائے مارکیٹ کی خرابیوں کو درست کرنے کا ایک طریقہ ہے۔
ڈاکٹر مصدق ملک نے کہا کہ ریاست کو کاروبار چلانے کی بجائے سہولت کار کا کردار ادا کرنا چاہیے، اور ترقی تب آئے گی جب ہر شہری کو کام کے یکساں مواقع فراہم کیے جائیں۔ انہوں نے کہا کہ حکومتی کوششوں سے معاشی اعشاریوں میں بہتری آئی ہے، ملکی معیشت میں نجی شعبے کا کردار اہم ہے اور ٹیلنٹ و قابلیت کی بنیاد پر لوگوں کو آگے بڑھنے کے مواقع ملنے چاہئیں۔
.
ذریعہ
ذریعہ: Daily Mumtaz
کلیدی لفظ: خوشحالی کا نے کہا کہا کہ
پڑھیں:
برآمدات بڑھانے کیلئے مؤثر اقدامات ترجیح ہیں: وزیرِ اعظم شہباز شریف
وزیرِ اعظم شہباز شریف—فائل فوٹووزیرِ اعظم شہباز شریف نے کہا ہے کہ صنعتی مصنوعات کی پیداوار میں اضافے سے برآمدات بڑھانے کے لیے مؤثر پالیسی اقدامات ترجیح ہیں۔
وزیرِاعظم کی زیرِ صدارت سرمایہ کاری میں اضافے، شعبہ جاتی اصلاحات اور پالیسی اقدامات پر جائزہ اجلاس ہوا جس میں متعلقہ وزارتوں کی جانب سے مختلف زیرِغور پالیسی تجاویز پر بریفنگ دی گئی۔
اجلاس میں وفاقی وزراء اسحاق ڈار، محمد اورنگزیب، احد چیمہ، عطاء تارڑ شریک ہوئے۔
نوجوانوں کو جدید علم اور مہارتوں سے آراستہ کرنا وقت کی ضرورت ہے، اے آئی کے فوائد اور چیلنجز دونوں ہیں: شہباز شریف
اجلاس سے خطاب کرتے ہوئے وزیرِاعظم شہباز شریف نے کہا کہ ملکی معیشت کی پائیدار ترقی کے لیے صنعت کا فروغ اور بیرونی سرمایہ کاری میں اضافہ ناگزیر ہے۔
انہوں نے کہا کہ توانائی کی ضروریات متبادل توانائی ذرائع سے پوری کرنے کے لیے بھر پور کام ہو رہا ہے۔
وزیرِ اعظم کا مزید کہنا ہے کہ توانائی بچانے اور سستی ٹرانسپورٹ کے لیے الیکٹرک وہیکلز پالیسی ضروری ہے۔
وزیرِاعظم شہباز شریف نے یہ بھی کہا کہ تمام اصلاحات اور اقدامات میں انتظامی شفافیت اور بہترین کارکردگی اولین ترجیح ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ