آئرلینڈ میں ٹرک حادثہ، 15 ہزار زندہ کیکڑے سڑک اور کھیتوں میں پھیل گئے
اشاعت کی تاریخ: 15th, January 2026 GMT
آئرلینڈ میں ایک انوکھا حادثہ اس وقت پیش آیا، جب زندہ کیکڑوں سے بھرا ایک ٹرک سڑک کنارے کھائی میں جا گرا، جس کے نتیجے میں تقریباً 15 ہزار زندہ کیکڑے سڑک اور قریبی کھیتوں میں پھیل گئے۔
یہ بھی پڑھیں: کیکڑے ’ایکو سسٹم انجینیئرز‘ کیوں کہلاتے ہیں؟
غیر ملکی میڈیا کے مطابق میک لافلن ٹرانسپورٹ کا یہ ٹرک آئرلینڈ کے علاقے انشووین سے پکڑے گئے کیکڑے پرتگال کے ریسٹورنٹس اور اسٹورز تک لے جارہا تھا۔ حادثہ کاؤنٹی ڈونیگل کے علاقے کیریک میکویگلی، ریڈکاسل کے قریب آر 238 روڈ پر پیش آیا۔
حادثے میں ڈرائیور محفوظ رہا، تاہم ایلومینیم کنٹینرز ٹوٹنے سے تقریباً 15 ہزار کیکڑے باہر نکل آئے، جن کی مجموعی مالیت تقریباً 70 ہزار ڈالر بتائی جارہی ہے۔
حادثے کے بعد برن فوٹ سے تعلق رکھنے والی میک لافلن لائٹ اینڈ ہیوی ریکوری سروسز کی ٹیم کو طلب کیا گیا تاکہ ٹرک کو سیدھا کیا جاسکے اور بکھرے ہوئے کیکڑوں کو اکٹھا کیا جاسکے۔
یہ بھی پڑھیں: ٹریکٹر ٹرالر سے لاکھوں سکے چوری کرنے والے ملزمان کے ساتھ اب کیا ہوگا؟
کمپنی کے مالک اوڈھران میک لافلن نے بتایا کہ منظر انتہائی غیر معمولی تھا، کیکڑے کنٹینرز سے نکل کر کھیتوں کی طرف جانے کی کوشش کررہے تھے۔
ان کے مطابق تقریباً 10 افراد پر مشتمل ٹیم نے کئی گھنٹوں کی محنت کے بعد کیکڑوں کو ہاتھوں سے پکڑ کر بڑے تھیلوں میں ڈالا اور دوبارہ ٹرک میں لادا۔
ٹرک اور ٹریلر کو سیدھا کرنے کے لیے کرین بھی استعمال کی گئی، جبکہ ریکوری آپریشن مجموعی طور پر 18 گھنٹے تک جاری رہا۔ میک لافلن کے مطابق اس دوران تقریباً 95 فیصد کیکڑوں کو کامیابی سے بازیاب کر لیا گیا۔
یہ بھی پڑھیں: حیاتیاتی تنوع کا فروغ، سعودی عرب میں 35 نایاب جانوروں کی واپسی
واقعے نے مقامی افراد اور ریسکیو عملے کو حیران کر دیا اور یہ حادثہ طویل عرصے تک یاد رکھا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آئرلینڈ پرتگال ٹرک حادثہ ریسٹورنٹ سڑک کھیت کیکڑے.
ذریعہ
ذریعہ: WE News
کلیدی لفظ: ا ئرلینڈ پرتگال ریسٹورنٹ سڑک کھیت
پڑھیں:
گلگت بلتستان انتخابات کیلئے سیکیورٹی ہائی الرٹ، 13 ہزار سے زائد اہلکار تعینات کرنے کا فیصلہ
اویس کیانی: گلگت بلتستان میں ہونے والے انتخابات کے پرامن انعقاد کو یقینی بنانے کیلئے وفاقی حکومت نے جامع سیکیورٹی پلان کی منظوری دے دی ہے، جس کے تحت مختلف سیکیورٹی اداروں کے ہزاروں اہلکار تعینات کیے جائیں گے۔
ذرائع کے مطابق انتخابی عمل کے دوران امن و امان برقرار رکھنے کیلئے پاک فوج، سول آرمڈ فورسز، پنجاب پولیس، اسلام آباد پولیس، پنجاب رینجرز، فرنٹیئر کور (ایف سی) اور جی بی اسکاؤٹس کے اہلکار فرائض سرانجام دیں گے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
حکومتی منظوری کے بعد پاک فوج اور سول آرمڈ فورسز کی تعیناتی آئین کے آرٹیکل 220 اور انسداد دہشت گردی ایکٹ 1997 کے تحت عمل میں لائی جائے گی۔
سیکیورٹی پلان کے تحت پاک فوج کے 985 جوان، پنجاب پولیس کے 6 ہزار اہلکار، اسلام آباد پولیس کے 1500 اہلکار، پنجاب رینجرز کے 2 ہزار جوان، ایف سی کے ایک ہزار اہلکار جبکہ جی بی اسکاؤٹس کے 1500 اہلکار انتخابی ڈیوٹی انجام دیں گے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
ذرائع کا کہنا ہے کہ حساس پولنگ اسٹیشنز اور اہم مقامات پر خصوصی سیکیورٹی انتظامات کیے جائیں گے تاکہ ووٹرز محفوظ ماحول میں اپنا حق رائے دہی استعمال کر سکیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ