اسپیکر قومی اسمبلی سردار ایاز صادق سے گورنر خیبر پختونخوا، اسپیکر سندھ اسمبلی اور وزیراعظم کے معاون خصوصی کی ملاقات
اشاعت کی تاریخ: 15th, January 2026 GMT
اسپیکر قومی اسمبلی سردار ایاز صادق سے جمعرات کے روز پارلیمنٹ ہاؤس اسلام آباد میں گورنر خیبر پختونخواہ فیصل کریم کنڈی نے ملاقات کی۔
یہ بھی پڑھیں: اسپیکر ایاز صادق اور جے شنکر کی ملاقات، اصل میں کیا ہوا؟
ملاقات کے دوران ملک کی مجموعی سیاسی صورتحال، قومی معاملات، پارلیمانی امور اور وفاق و صوبوں کے درمیان ہم آہنگی سے متعلق امور پر تفصیلی تبادلہ خیال کیا گیا۔
اسپیکر قومی اسمبلی نے کہا کہ جمہوری نظام کے استحکام کے لیے تمام آئینی اور قانون ساز اداروں کے درمیان مشاورت اور باہمی تعاون ناگزیر ہے۔
انہوں نے زور دیا کہ پارلیمنٹ عوام کی امنگوں کی ترجمان ہے اور قومی مفاد میں قانون سازی اور پالیسی سازی باہمی اتفاقِ رائے سے آگے بڑھائی جانی چاہیے۔
اسپیکر نے مزید کہا کہ وفاق اور صوبوں کے درمیان مضبوط رابطہ اور تعاون ملکی استحکام، ترقی اور عوامی فلاح کے لیے نہایت اہم ہے۔
گورنر خیبر پختونخوا فیصل کریم کنڈی نے پارلیمنٹ کے کردار کو سراہتے ہوئے کہا کہ صوبہ خیبر پختونخوا وفاق کے ساتھ مل کر جمہوری اقدار کے فروغ اور عوامی مسائل کے حل کے لیے اپنا بھرپور کردار ادا کرتا رہے گا۔
مزید پڑھیے: بھارتی وزیر خارجہ جے شنکر خود آکر مجھ سے ملے، ایاز صادق نے ملاقات کی تفصیل بتا دی
اس سے قبل اسپیکر قومی اسمبلی سردار ایاز صادق سے اسپیکر سندھ اسمبلی اویس قادر شاہ اور وزیراعظم کے معاون خصوصی طارق فاطمی نے بھی پارلیمنٹ ہاؤس میں ملاقات کی۔
ملاقات کے دوران ملک کے قانون ساز اداروں کے مابین باہمی تعاون کو فروغ دینے، پارلیمانی روابط، مؤثر قانون سازی، اور وفاق و صوبوں کے درمیان ہم آہنگی کو مزید مضبوط بنانے پر تفصیلی تبادلہ خیال کیا گیا۔
اسپیکر قومی اسمبلی نے کہا کہ قومی اور صوبائی اسمبلیوں کے درمیان مؤثر رابطے قانون سازی کے عمل کو بہتر بنانے میں اہم کردار ادا کرتے ہیں اور پارلیمانی تعاون سے عوامی مسائل کے حل میں مدد ملتی ہے۔
اسپیکر سندھ اسمبلی اویس قادر شاہ نے کہا کہ صوبائی اور وفاقی قانون ساز اداروں کے درمیان تجربات کے تبادلے سے قانون سازی کے معیار میں بہتری آئے گی۔
وزیراعظم کے معاونِ خصوصی طارق فاطمی نے بھی وفاق اور صوبوں کے درمیان ہم آہنگی کو قومی مفاد میں پالیسی سازی کے لیے ناگزیر قرار دیا۔
مزید پڑھیں: ڈھاکہ میں غیر معمولی سفارتی لمحہ: پاکستان کے اسپیکر قومی اسمبلی ایاز صادق اور بھارتی وزیر خارجہ کی ملاقات
ملاقات کے دوران ملکی سیاسی صورتحال، قومی مفاد کے اہم امور اور باہمی دلچسپی کے دیگر موضوعات پر بھی بات چیت کی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیکر سندھ اسمبلی اویس قادر شاہ اسپیکر قومی اسمبلی سردار ایاز صادق گورنر خیبرپختونخوا فیصل کریم کنڈی وزیراعظم کے معاون خصوصی طارق فاطمی.
ذریعہ
ذریعہ: WE News
کلیدی لفظ: اسپیکر سندھ اسمبلی اویس قادر شاہ اسپیکر قومی اسمبلی سردار ایاز صادق گورنر خیبرپختونخوا فیصل کریم کنڈی وزیراعظم کے معاون خصوصی طارق فاطمی اسپیکر قومی اسمبلی سردار ایاز صادق اسپیکر سندھ اسمبلی وزیراعظم کے معاون صوبوں کے درمیان گورنر خیبر کہا کہ کے لیے
پڑھیں:
خیبر پختونخوا، گلگت بلتستان، پنجاب اور کشمیر میں تیز بارشوں کی پیشگوئی، لینڈ سلائیڈنگ کا خدشہ
محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ اسلام ٹائمز۔ آئندہ چوبیس گھنٹوں کے دوران موسلادھار بارشوں کے سبب خیبر پختونخوا، گلگت بلتستان، مری، گلیات اور کشمیر کے پہاڑی علاقوں میں لینڈ سلائیڈنگ کا خدشہ ہے۔ محکمہ موسمیات نے اس حوالے سے انتباہ جاری کردیا جس میں کہا ہے کہ آئندہ چوبیس گھنٹوں کے دوران کشمیر، مری، گلیات، شمال مشرقی پنجاب، اسلام آباد، خیبر پختونخوا، گلگت بلتستان، ڈیرہ غازی خان کے پہاڑی ندی نالوں اور شمال مشرقی بلوچستان کے مقامی/ بر ساتی ندی نالوں میں طغیانی کا خدشہ ہے۔ محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ موسلادھار بارش، تیز آندھی اور آسمانی بجلی گرنے کے باعث کمزور تعمیرات (سولر پینلز، بجلی کے کھمبے، بل بورڈز وغیرہ) کو نقصان پہنچنے کا خدشہ ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا