بشنوئی گینگ بھارتی حکومت کےکہنے پرکارروائیاں کرتا ہے،کینیڈین پولیس نے رپورٹ جاری کردی
اشاعت کی تاریخ: 16th, January 2026 GMT
data-id="863a0a8" data-element_type="widget" data-widget_type="theme-post-content.default">
کینیڈا کی پولیس کا کہنا ہے کہ بھتہ خوری اور قتل و غارت گری میں ملوث بدنامِ زمانہ بشنوئی گینگ بھارتی حکومت کے کہنے پر کارروائیاں انجام دیتا ہے۔
رائل کینیڈین ماؤنٹڈ پولیس نے کینیڈا میں بشنوئی گینگ کی بڑھتی ہوئی سرگرمیوں سے متعلق ایک تفصیلی رپورٹ جاری کی ہے۔ رپورٹ میں بتایا گیا ہے کہ بشنوئی گینگ ایک نہایت پرتشدد مجرمانہ نیٹ ورک ہے جو بھتہ خوری، منشیات کی اسمگلنگ، منی لانڈرنگ اور کرائے کے قتل جیسے سنگین جرائم میں ملوث ہے۔
کینیڈین پولیس کی رپورٹ کے مطابق اس گینگ کے بھارتی حکومت کے ساتھ روابط بھی ہیں اور بعض کارروائیاں بھارتی ریاستی مفادات کے تحت کی جاتی ہیں۔
واضح رہے کہ برٹش کولمبیا کے پریمیئر ڈیوڈ ایبے نے بھی گزشتہ سال جنوری میں کینیڈین حکومت سے مطالبہ کیا تھا کہ بشنوئی گینگ کو دہشت گرد تنظیم قرار دیا جائے۔
ذریعہ
ذریعہ: Jasarat News
کلیدی لفظ: بشنوئی گینگ
پڑھیں:
شہباز شریف کا کامیاب انسدادِ دہشت گردی کارروائیوں پر سکیورٹی فورسز کو خراجِ تحسین
بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کرتے ہوے وزیراعظم کا کہنا تھا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔ اسلام ٹائمز۔ وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سکیورٹی فورسز کو خراجِ تحسین پیش کیا، انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سکیورٹی فورسز کی پیشہ ورانہ صلاحیتوں اور بہادری کو سراہا۔ شہباز شریف نے بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کیا۔ وزیراعظم نے کہا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے، دہشت گردی کے خلاف جنگ میں سکیورٹی فورسز کی کامیابیاں پوری قوم کے عزم اور اتحاد کی عکاس ہیں۔
شہباز شریف نے کہا کہ بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا، پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔ وزیراعظم نے کہا کہ دہشت گردی کے ناسور کے مکمل خاتمے کے لیے حکومت سکیورٹی فورسز اور قانون نافذ کرنے والے اداروں کے شانہ بشانہ کھڑی ہے، پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ