الیکشن کمیشن نے کنٹونمنٹ بورڈز میں وارڈز کی حد بندی کا شیڈول جاری کردیا
اشاعت کی تاریخ: 16th, January 2026 GMT
الیکشن کمیشن نے چاروں صوبوں میں واقع کنٹونمنٹ بورڈز میں وارڈز کی نئی حد بندی کے لیے باقاعدہ شیڈول جاری کر دیا ہے۔
اس ضمن میں جاری نوٹیفکیشن کے مطابق پنجاب، سندھ، خیبرپختونخوا اور بلوچستان کے متعدد کنٹونمنٹ بورڈز میں حد بندی کا عمل مرحلہ وار مکمل کیا جائے گا۔
نوٹیفکیشن کے مطابق پنجاب میں راولپنڈی، چکلالہ، ٹیکسلا، واہ، اٹک، کامرہ، سنجوال، جہلم، منگلا، کھاریاں، مری ہلز، سرگودھا، شورکوٹ، گوجرانوالہ، سیالکوٹ، لاہور، والٹن، اوکاڑہ، ملتان اور بہاولپور کنٹونمنٹ بورڈز شامل ہیں۔
یہ بھی پڑھیں: الیکشن کمیشن کا اسلام آباد میں بلدیاتی انتخابات کرانے کا اعلان
کمیشن کے مطابق سندھ میں پنوعاقل، حیدرآباد، کراچی، کلفٹن، منوڑہ، ملیر، فیصل اور کورنگی کریک کنٹونمنٹس میں وارڈز کی حد بندی کی جائے گی۔
خیبرپختونخوا میں پشاور، نوشہرہ، چیرات، رسالپور، مردان، کوہاٹ، بنوں، ڈیرہ اسماعیل خان، ایبٹ آباد، حویلیاں اور مری گلیز جبکہ بلوچستان میں کوئٹہ، لورالائی اور ژوب کنٹونمنٹ بورڈز کو شیڈول میں شامل کیا گیا ہے۔
الیکشن کمیشن کے جاری کردہ شیڈول کے مطابق 19 جنوری سے 2 فروری 2026 تک تمام انتظامی تیاریوں، نقشہ جات اور متعلقہ ڈیٹا کے حصول کے ساتھ ساتھ ڈیلیمیٹیشن کمیٹیوں اور اتھارٹیز کی تربیت مکمل کی جائے گی۔
مزید پڑھیں: پنجاب میں بلدیاتی انتخابات نئی حلقہ بندیوں کے بعد ہوں گے، ترجمان الیکشن کمیشن
ابتدائی وارڈ فہرستیں 3 فروری سے 4 مارچ 2026 کے دوران تیار کی جائیں گی، جبکہ 5 مارچ 2026 کو ابتدائی فہرستیں اعتراضات کی دعوت کے لیے شائع کی جائیں گی۔
عوام اور متعلقہ فریقین 6 مارچ سے 25 مارچ 2026 تک وارڈز کی حد بندی پر اعتراضات دائر کر سکیں گے۔
ڈی لیمیٹیشن اتھارٹیز 8 اپریل 2026 تک تمام اعتراضات نمٹانے کی پابند ہوں گی، جبکہ ان فیصلوں کی اطلاع یکم اپریل 2026 تک ڈی لیمیٹیشن کمیٹیوں کو دی جائے گی۔
مزید پڑھیں: بلدیاتی انتخابات: الیکشن کمیشن کو ڈائریکشن دی جاسکتی ہے، اسلام آباد ہائیکورٹ
وارڈز کی حتمی حد بندی کی فہرست 20 اپریل 2026 کو نوٹیفائی کی جائے گی۔
الیکشن کمیشن کے مطابق یہ تمام اقدامات کنٹونمنٹ لوکل گورنمنٹ انتخابات کے شفاف اور منصفانہ انعقاد کو یقینی بنانے کے لیے کیے جا رہے ہیں۔
نوٹیفکیشن کی اشاعت گزٹ آف پاکستان میں بھی کر دی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکشن کمیشن انتخابات بلوچستان پنجاب حد بندی خیبرپختونخوا سندھ شیڈول کنٹونمنٹ بورڈز کنٹونمنٹ لوکل گورنمنٹ.
ذریعہ
ذریعہ: WE News
کلیدی لفظ: الیکشن کمیشن انتخابات بلوچستان خیبرپختونخوا شیڈول کنٹونمنٹ بورڈز کنٹونمنٹ بورڈز الیکشن کمیشن وارڈز کی کے مطابق جائے گی کے لیے
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار