پنجاب حکومت کی کارکردگی گراؤنڈ پر نظر آ رہی ہے، عظمیٰ بخاری
اشاعت کی تاریخ: 16th, January 2026 GMT
وزیر اطلاعات پنجاب عظمیٰ بخاری نےکہا ہےکہ پنجاب حکومت کی کارکردگی محض دعوؤں تک محدود نہیں بلکہ اس کے مثبت نتائج گراؤنڈ پر واضح طور پر نظر آ رہےہیں،مریم نواز کی کارکردگی کا اصل معیار ان کے منصوبوں میں شفافیت اور عوامی فائدہ ہے۔
وزیراطلاعات پنجاب عظمیٰ بخاری نےاپنے بیان میں کہاکہ پنجاب بھرمیں عوام کوعلاج معالجےکی بہتر اور معیاری سہولیات فراہم کی جا رہی ہیں،اسی ماہ نوازشریف کینسراسپتال کی اوپی ڈی کا افتتاح کیا جائے گا، جبکہ سرگودھا میں جدید کارڈیالوجی اسپتال کا افتتاح بھی جلد متوقع ہے۔
وزیر اطلاعات نے اپوزیشن کو تنقید کا نشانہ بناتے ہوئے کہا کہ آدھا تیتر اور آدھا بٹیر کی سیاست کرنے والے دراصل سیاسی بونے ہیں، جن کا اوڑھنا بچھونا احتجاج، انتشار اور فساد ہے، ایسے عناصر سے عوام کسی قسم کے ریلیف کی توقع نہ رکھیں،سیاست خدمت کا نام ہے، نہ کہ ہر مہینے سڑکوں پر سرکس لگانے کا۔
عظمیٰ بخاری نےکہا کہ سرکاری اسپتالوں میں مفت ادویات کی فراہمی، فیلڈ ہسپتالوں کا قیام اور کلینک آن ویلز جیسے منصوبے شعبہ صحت میں انقلابی اقدامات ہیں،وزیراعلیٰ تمام منصوبوں اور پروگرامز کی خود براہ راست نگرانی کر رہی ہیں۔
انہوں نےمزیدکہا پنجاب میں بہتر کارکردگی دکھانے والے افسران کوشاباش اورتعریفی اسناد بھی دی جا رہی ہیں،وزیراعلیٰ مریم نوازعوام کو دیےجانےوالے ریلیف میں کسی قسم کی کوتاہی برداشت نہیں کرتیں اور نہ ہی عوام کے تحفظ پر کوئی سمجھوتہ کیا جاتا ہے۔
.
ذریعہ
ذریعہ: Daily Mumtaz
پڑھیں:
فیفا نے ورلڈ کپ 2026 کی ٹیم آف دی ٹورنامنٹ کا اعلان کر دیا
فیفا نے ورلڈ کپ 2026 کے اختتام پر شاندار کارکردگی دکھانے والے کھلاڑیوں پر مشتمل ٹیم آف دی ٹورنامنٹ کا اعلان کر دیا ہے، جس میں عالمی فٹبال کے کئی نامور ستاروں کو پورے ایونٹ میں بہترین کھیل کی بنیاد پر شامل کیا گیا ہے۔
غیر ملکی خبر رساں ادارے رائٹرز کے مطابق منتخب ٹیم میں ارجنٹائن کے کپتان لیونل میسی، فرانس کے کپتان کیلیان ایمباپے اور ناروے کے اسٹار اسٹرائیکر ایرلنگ ہالینڈ کو فرنٹ لائن کا حصہ بنایا گیا ہے۔
مڈفیلڈ میں ورلڈ کپ کے گولڈن بال کے فاتح اور اسپین کے کپتان روڈری ، انگلینڈ کے جوڈ بیلنگھم اور فرانس کے مائیکل اولیسے کو جگہ دی گئی ہے، جنہوں نے پورے ٹورنامنٹ میں نمایاں کارکردگی کا مظاہرہ کیا۔
دفاعی لائن میں کیپ وردے کے گول کیپر ووزینیا کو منتخب کیا گیا ہے، جبکہ اسپین کے عالمی چیمپئن مارک کوکوریلا اور پیڈرو پورو ، فرانس کے ڈایو اوپامیکانو اور ارجنٹائن کے لیساندرو مارٹینیز بھی دفاع کا حصہ ہیں۔
فیفا کے مطابق ٹیم آف دی ٹورنامنٹ کا انتخاب کھلاڑیوں کی مجموعی کارکردگی، ٹیم پر اثراندازی اور پورے ایونٹ کے دوران مستقل بہترین کھیل کو مدنظر رکھتے ہوئے کیا گیا ہے۔
دوسری جانب فیفا نے ورلڈ کپ کے اختتام پر نئی عالمی رینکنگ بھی جاری کر دی ہے۔ نئی عالمی چیمپئن اسپین ایک درجہ ترقی کے بعد دنیا کی نمبر ایک ٹیم بن گئی، جبکہ رنر اپ ارجنٹائن ایک درجہ تنزلی کے بعد دوسرے نمبر پر چلی گئی۔
رینکنگ میں فرانس تیسرے اور انگلینڈ چوتھے نمبر پر برقرار ہیں، جبکہ برازیل اور مراکش ایک، ایک درجہ ترقی کے ساتھ بالترتیب پانچویں اور چھٹے نمبر پر پہنچ گئے ہیں۔
ادھر کرسٹیانو رونالڈو کی پرتگال دو درجے تنزلی کے بعد ساتویں نمبر پر آ گئی، جبکہ میزبان میکسیکو نے ورلڈ کپ میں عمدہ کارکردگی کی بدولت چار درجے ترقی کرکے ٹاپ ٹین میں جگہ بنا لی۔
ورلڈ کپ کے کوارٹر فائنل تک رسائی حاصل کرنے والی ناروے کی ٹیم نے بھی نمایاں پیش رفت کرتے ہوئے 12 درجے ترقی کی اور عالمی رینکنگ میں 19ویں پوزیشن حاصل کر لی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی