وزیراعظم شہباز شریف نے صحت کارڈ پروگرام کا باضابطہ افتتاح کردیا
اشاعت کی تاریخ: 16th, January 2026 GMT
وزیراعظم شہباز شریف نے صحت کارڈ پروگرام کا باضابطہ افتتاح کر دیا ہے۔
وزیراعظم صحت کارڈ پر اسلام آباد، آزاد کشمیر، گلگت بلتستان کے شہریوں کو شناختی کارڈ پر صحت کی مفت سہولتیں ملیں گی۔ نئے پروگرام کی مدت 30 جون 2027 تک رکھی گئی ہے، کارڈ پر آج سے ملک کے 640 نجی و سرکاری اسپتالوں میں صحت کی سہولتیں مفت ملیں گی۔
یہ بھی پڑھیں: آزاد کشمیر: بلدیاتی فنڈ، یوتھ قرضہ اسکیم کی منظوری، صحت کارڈ کے اجرا کا بھی فیصلہ
صحت کارڈ کی افتتاحی تقریب سے خطاب کرتے ہوئے وزیراعظم شہباز شریف نے کہا کہ یہ سب کے لیے اہم دن ہے کہ صحت کی سہولتیں، جو کہ ہر فرد کا حق ہے، اس کو اس کی دہلیز پر پہنچائی جائیں۔ اس حوالے سے ایک قدم آج لیا جا رہا ہے، یہ قدم اس اسکیم کی یاددہانی بھی ہے جس کا اجرا میرے قائد نواز شریف نے 2016 میں کیا تھا۔
براہِ راست:- وزیراعظم صحت کارڈ کی افتتاحی تقریب کی کارروائی اور وزیراعظم کا خطاب https://t.
— Government of Pakistan (@GovtofPakistan) January 16, 2026
شہباز شریف نے کہا کہ صوبوں میں بڑی تیزی کے ساتھ یہ سہولت عوام تک پہنچی، صحت سے زیادہ زندگی میں اور کوئی چیز قیمتی نہیں ہے، صحت ہوگی تو آپ تعلیم حاصل کر سکیں گے، باوقار روزگار حاصل کر سکیں گے، صحت ہوگی تو آپ مخالفین کو شکست فاش دے سکیں گے۔
یہ بھی پڑھیں: پنجاب میں صحت کارڈ کے ذریعے مفت علاج کی سہولت ختم کرنے کا فیصلہ
انہوں نے کہا کہ آج اسلام آباد، آزاد کشمیر اور گلگت بلتستان کے عوام کے لیے صحت کارڈ کا اجرا کیا جا رہا ہے، اس کے لیے وزیر صحت کا مشکور ہیں۔ یہ بات ذہن میں رہنی چاہیے کہ پاکستان میں اشرافیہ نہ صرف پاکستان بلکہ دنیا کے ہر ملک میں اپنا اور اپنے بچوں کا مہنگا ترین علاج کر سکتے ہیں، لیکن عام آدمی کی مشکل ہے، کوئی ان کے سر پر دست شفقت دینے والا نہیں ہوتا۔
ان کا کہنا تھا کہ صحت اور علاج کا حق ہر پاکستانی کا ہے، بلا تفریق علاج سب کا حق ہے، اس پر ہم جتنی بھی توجہ دیں گے کم ہوگی۔ امید ہے کہ وزیر صحت، سیکریٹری صحت تھرڈ پارٹی کے ذریعے علاج یقینی بنائیں گے، یہ پروگرام پوری تیزی کے ساتھ رواں دواں ہوگا۔
وزیراعظم نے کہا کہ سندھ میں بھی یہ پروگرام شروع کریں گے، اس سلسلے میں وزیراعلیٰ سندھ سے بات کروں گا، پنجاب میں یہ پروگرام زور و شور سے جاری ہے، بلوچستان میں بھی یہ پروگرام شروع کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آزاد کشمیر اسلام اباد صحت کارڈ گلگت بلتستان وزیراعظم شہبازشریف
ذریعہ
ذریعہ: WE News
کلیدی لفظ: اسلام اباد صحت کارڈ گلگت بلتستان وزیراعظم شہبازشریف شہباز شریف نے یہ پروگرام نے کہا کہ صحت کارڈ کارڈ پر کے لیے صحت کا
پڑھیں:
ایلون مسک نے ’اوڈیسی‘ کا اے آئی ورژن اسی سال پیش کرنے کا اعلان کردیا
ارب پتی ٹیکنالوجی کاروباری شخصیت ایلون مسک نے اعلان کیا ہے کہ ان کا مصنوعی ذہانت پر مبنی پلیٹ فارم گروک امیجن (Grok Imagine) رواں سال کے اختتام سے پہلے قدیم یونانی رزمیہ شاہکار اوڈیسی پر مبنی ایک مکمل فلم تیار کرے گا۔ مسک کا کہنا ہے کہ یہ فلم شاعر ہومر کی اصل تخلیق کے مطابق ہوگی اور تاریخی اعتبار سے بھی زیادہ درست انداز میں پیش کی جائے گی۔
ایلون مسک نے سماجی رابطے کی ویب سائٹ ایکس پر اپنی پوسٹ میں دعویٰ کیا کہ اے آئی کے ذریعے بنائی جانے والی یہ فلم ہومر کے اصل فن اور کہانی کی حقیقی روح کی عکاسی کرے گی۔ انہوں نے اس اعلان کے ساتھ تقریباً تین منٹ طویل ایک اے آئی ویڈیو بھی شیئر کی، جس میں اوڈیسیئس اور کلیپسو کے درمیان ایک منظر دکھایا گیا ہے۔
Before this year ends, Grok Imagine will make a full-length movie of The Odyssey that is historically accurate and true to the art of Homer https://t.co/bVHzUmY9WN
— Elon Musk (@elonmusk) July 22, 2026اس سے قبل بھی ایلون مسک نے ایک صارف کی اس تجویز کی حمایت کی تھی کہ ہدایت کار میل گبسن تقریباً 100 ملین ڈالر کی لاگت سے اوڈیسی پر ایسی فلم بنائیں جس میں تاریخی طور پر درست جہاز، ہتھیار، زرہیں، کردار اور ہومر کی اصل نظم کے مکالمے شامل ہوں۔ اس تجویز پر مسک نے مختصر جواب دیتے ہوئے کہا تھا، ’میں تیار ہوں۔‘
دوسری جانب ایلون مسک حالیہ دنوں میں برطانوی نژاد امریکی فلم ساز کرسٹوفر نولن کی فلم اوڈیسی پر بھی سخت تنقید کرتے رہے ہیں۔ ان کا الزام ہے کہ نولن نے ایوارڈز حاصل کرنے کی غرض سے اصل داستان میں تبدیلیاں کیں۔ انہوں نے فلم کی کاسٹنگ پر بھی اعتراض اٹھایا، خاص طور پر اداکارہ لوپیٹا نیونگو کو ہیلن آف ٹرائے کے کردار میں لینے کے فیصلے کو تنقید کا نشانہ بنایا، جبکہ ایک موقع پر نولن کو ’نسل پرستانہ رویہ رکھنے والا‘ فلم ساز بھی قرار دیا۔
تاہم ایلون مسک کی تنقید کے باوجود کرسٹوفر نولن کی اوڈیسی نے باکس آفس پر شاندار آغاز کیا ہے۔ باکس آفس رپورٹس کے مطابق فلم نے ریلیز کے پہلے ہفتے میں دنیا بھر سے 264.06 ملین ڈالر سے زائد کا بزنس کیا، جس کے بعد اسے رواں برس کی نمایاں کامیاب فلموں میں شمار کیا جا رہا ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی