پی ای سی، سی ای ای سی کے درمیان اہم اسٹریٹیجک شراکتداری معاہدہ
اشاعت کی تاریخ: 16th, January 2026 GMT
اسلام آباد:(نیوزڈیسک) پاکستان انجینئرنگ کونسل (پی ای سی) اور چائنا انرجی انٹرنیشنل گروپ کمپنی لمیٹڈ – پاکستان برانچ (سی ای ای سی) کے درمیان اسلام آباد میں انرجی چائنا کے دفتر میں ایک اہم مفاہمتی یادداشت (ایم او یو) پر دستخط کیے گئے، جس سے بین الاقوامی انجینئرنگ تعاون اور عالمی ورک فورس انضمام میں ایک فیصلہ کن پیش رفت ہوئی۔
اس ایم او یو کے تحت پی ای سی میں رجسٹرڈ پاکستانی انجینئرز کو انرجی چائنا کے میگا انفراسٹرکچر، پاور، قابلِ تجدید توانائی، ہائیڈرو پاور، ٹرانسمیشن، ٹرانسپورٹ اور سرمایہ کاری کے منصوبوں میں جنوب مشرقی ایشیا، مشرقِ وسطیٰ، افریقہ اور یورپ میں باقاعدہ طور پر شامل کیا جائے گا، جس سے پاکستانی انجینئرنگ ورک فورس کے لیے براہِ راست عالمی روزگار اور مہارتوں کی منتقلی کے مواقع پیدا ہوں گے۔
انرجی چائنا کے منیجنگ ڈائریکٹر مسٹر وانگ ہوئی ہوا نے سی ای ای سی کے بے مثال عالمی نیٹ ورک کو اجاگر کرتے ہوئے بتایا کہ ادارے کے 140 ہزار پیشہ ور افراد 147 ممالک میں خدمات انجام دے رہے ہیں۔
انہوں نے کہا کہ انرجی چائنا پاکستانی انجینئرز کو اپنے منصوبوں میں شامل کرنے اور مقامی کنٹریکٹرز کے ساتھ مؤثر شراکت داری قائم کرنے کے لیے پُرعزم ہے۔
انہوں نے اس بات پر بھی زور دیا کہ پاکستان میں چین کی سرمایہ کاری کے دوران کارپوریٹ سوشل رسپانسبلٹی کو ایک بنیادی عنصر کے طور پر اپنایا جائے گا۔
چیئرمین پی ای سی، انجینئر وسیم نذیر نے اس ایم او یو کو پاکستان کے انجینئرنگ شعبے کے لیے اہم سنگِ میل قرار دیتے ہوئے پی ای سی میں چائنا ڈیسک کے قیام کا اعلان کیا، تاکہ چینی سرکاری اداروں کے ساتھ مسلسل رابطہ، مربوط تقرری کے عمل اور صلاحیت پر مبنی تعاون کو یقینی بنایا جا سکے۔
انہوں نے کہا کہ 2026 کو اس سال کے طور پر یاد رکھا جائے گا جب پاکستانی انجینئرز نے مقامی منڈیوں سے نکل کر عالمی انجینئرنگ قیادت کی جانب قدم بڑھایا۔
یہ ایم او یو پاکستان کو دنیا کے سب سے بڑے انفراسٹرکچر ڈویلپر کے لیے ایک اسٹریٹجک انجینئرنگ ٹیلنٹ حب کے طور پر پیش کرتا ہے اور پاکستانی پیشہ ور انجینئرز کے لیے اعلیٰ قدر، ٹیکنالوجی پر مبنی اور عالمی سطح پر مربوط انجینئرنگ کیریئرز کے ایک نئے دور کا آغاز کرتا ہے۔
.
ذریعہ
ذریعہ: Daily Mumtaz
کلیدی لفظ: انرجی چائنا ایم او یو پی ای سی کے لیے
پڑھیں:
اٹلی میں4 پاکستانیوں کے قتل کے الزام میں 2 پاکستانی گرفتار
روم(ڈیلی پاکستان آن لائن)اٹلی میں 4 پاکستانیوں کے قتل کے الزام میں 2 پاکستانیوں کو گرفتار کرلیا گیا۔اطالوی میڈیا کے مطابق یہ واقعہ جنوبی اٹلی کے علاقے کیلابریا میں پیش آیا۔
رپورٹ کے مطابق مرنے والے چاروں افراد کا تعلق پاکستان سے تھا اور وہ ایک زرعی فارم میں کام کرتے تھے۔ چاروں افراد کی لاشیں ایک جلی ہوئی وین کے اندر سے برآمد کی گئیں۔فرانسیسی خبر ایجنسی کے مطابق واقعےکے بعد پولیس نے تحقیقات کیں اور سی سی ٹی وی فوٹیج کی مدد سے 2 ملزمان کو گرفتار کرلیا، دونوں ملزمان بھی پاکستان سے تعلق رکھتے ہیں۔دوسری جناب ترجمان دفترخارجہ نے جنوبی اٹلی میں 4 پاکستانیوں کے مبینہ قتل پر ردعمل میں کہا ہےکہ اطلاع ہےکہ اٹلی میں جاں بحق افرادکا تعلق پاکستانی نژاد خاندانوں سے ہے، جاں بحق ہونے والوں کی درست شہریت کی ابھی تک تصدیق نہیں ہوئی۔ترجمان کے مطابق مقامی پولیس معاملے کی تحقیقات کر رہی ہے، ان میں فرانزک شواہد کا جائزہ بھی شامل ہے، اٹلی میں پاکستانی سفارتخانہ اس معاملے کی پیروی کر رہا ہے، اٹلی میں پاکستانی سفارتخانہ مزید پیشرفت کے لیے مقامی حکام کے ساتھ رابطے میں ہے۔
بجٹ 2026-27 ، پاکستان انسٹیٹیوٹ آف ڈیویلپمنٹ اکنامکس نے کم از کم ماہانہ اجرت 45 ہزار روپے مقرر کرنے کی سفارش کردی
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ