پاکستان اور ازبکستان اقتصادی شراکت داری میں تیزی، 2 ارب ڈالر کے تجارتی ہدف کی جانب پیشرفت
اشاعت کی تاریخ: 16th, January 2026 GMT
پاکستان اور ازبکستان اپنے اقتصادی تعلقات مضبوط کر رہے ہیں اور باہمی تجارتی حجم کو دو ارب ڈالر تک بڑھانے کے لیے اقدامات کر رہے ہیں۔ اس سلسلے میں صنعتی تعاون، سرمایہ کاری، اور مشترکہ منصوبوں کی رفتار تیز کی جا رہی ہے، جبکہ متعدد مفاہمتی یادداشتوں پر عمل درآمد بھی تیزی سے جاری ہے۔
یہ بھی پڑھیں:ازبکستان سے معاہدوں پر فوری عملدرآمد کی ہدایت، پاکستان کا صنعتی و سیاحتی تعاون بڑھانے کا اعلان
پاکستان اور ازبکستان کے اعلیٰ حکام کے درمیان اسلام آباد میں ملاقات ہوئی، جس میں صنعتی اور تجارتی تعاون کے حوالے سے پیش رفت کا جائزہ لیا گیا۔ اس ملاقات میں پاکستان کے وزیراعظم کے خصوصی معاون برائے صنعت و پیداوار، ہارون اختر خان، اور ازبکستان کے نائب وزیر برائے سرمایہ کاری، صنعت اور تجارت، شاہ رخ غلاموف نے شرکت کی۔
ملاقات میں باہمی مشترکہ منصوبہ کمیٹیوں کو فعال کرنے اور صنعتی و تجارتی شعبوں میں مفاہمتی یادداشتوں کے عملی نفاذ پر زور دیا گیا۔
دونوں ممالک نے خطے میں رابطوں، صنعتی تعاون، اور سیاحت کی ترقی کو تجارتی حجم بڑھانے، سرمایہ کاری کی حوصلہ افزائی، اور پائیدار اقتصادی ترقی اور خطے میں استحکام کے لیے اہم قرار دیا۔
ملاقات میں فیصلہ کیا گیا کہ پاکستان ازبکستان مشترکہ منصوبہ کمیٹیاں صنعتی تعاون، ٹیکنالوجی منتقلی، اور ویلیو ایڈڈ مینوفیکچرنگ کے لیے کام کریں گی، جبکہ سرمایہ کاری کے تعاون کے طریقہ کار ازبک سرمایہ کاری کو پاکستان کی صنعتی اور پیداواری صنعتوں میں متوجہ کریں گے، جس سے روزگار کے مواقع پیدا ہوں گے۔
یہ بھی پڑھیں:ازبکستان-افغانستان-پاکستان ریلوے منصوبہ پاکستان کے لیے کتنا فائدہ مند ثابت ہو سکتا ہے؟
دونوں ممالک نے باہمی تجارتی مواقع کو بڑھانے، پاکستان کے خطے میں تجارتی نیٹ ورک کو متنوع بنانے، اور وسطی ایشیا اور جنوبی ایشیا کے درمیان پاکستان کو ایک اہم تجارتی اور ترسیلی مرکز کے طور پر مضبوط کرنے پر بھی اتفاق کیا۔
سیاحت اور صنعتی تعاون کے منصوبے عوام کے درمیان روابط کو فروغ دیں گے اور خطے میں اقتصادی ترقی اور استحکام میں مددگار ثابت ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک ازبکستان پاک ازبکستان تجارت.
ذریعہ
ذریعہ: WE News
کلیدی لفظ: پاک ازبکستان پاک ازبکستان تجارت اور ازبکستان سرمایہ کاری صنعتی تعاون کے لیے
پڑھیں:
پاکستان اور اٹلی کے درمیان سفارتی پاسپورٹ پر ویزے کی شرط ختم
روم: پاکستان اور اٹلی کے درمیان سفارتی پاسپورٹ پر ویزے کی شرط ختم کر دی گئی۔پاکستان کے سفیر علی جاوید اور اٹلی کی وزارتِ خارجہ کے سیکرٹری جنرل، عزت مآب سفیر ریکارڈو گوارِیلیا نے حال ہی میں ایک ایسے معاہدے پر دستخط کئے ہیں. جس کے تحت سفارتی پاسپورٹ رکھنے والے افراد کیلئے ویزا کی شرط ختم کر دی گئی ہے. معاہدے پر دستخط کی پُروقار تقریب اٹلی کی وزارتِ خارجہ میں روم میں منعقد ہوئی۔تقریب سے قبل دونوں اعلیٰ حکام کے درمیان ون آن ون ملاقات ہوئی. دونوں فریقوں نے پاکستان اور اٹلی کے درمیان تزویراتی تعاون کی مضبوطی، وسعت اور مسلسل ترقی پر اطمینان کا اظہار کیا۔اس موقع پر دونوں ممالک کے درمیان روایتی طور پر دوستانہ اور تعمیری دوطرفہ تعلقات کا جامع جائزہ لیا گیا، جبکہ اقوامِ متحدہ اور یورپی یونین سمیت مختلف بین الاقوامی فورمز پر جاری تعاون پر بھی تبادلۂ خیال کیا گیا۔دونوں جانب سے اس معاہدے کو باہمی اعتماد اور دوستی کی عکاسی قرار دیا گیا اور اسے موجودہ دوطرفہ تعاون کے نظام میں ایک اہم اضافہ قرار دیا گیا. معاہدے سے سفارتی وفود کے تبادلوں میں آسانی پیدا ہوگی اور دونوں ممالک کے درمیان روابط مزید مستحکم ہوں گے۔پاکستان اور اٹلی کے درمیان اس وقت متعدد نئے معاہدوں پر غور جاری ہے. اس کے علاوہ دونوں ممالک کی جامعات اور تحقیقی اداروں کے درمیان 21 مفاہمتی یادداشتیں (MoUs) موجود ہیں، جبکہ سیاحت، ثقافت، سائنس و ٹیکنالوجی، کھیل، اعلیٰ دفاعی مطالعات اور منشیات کی سمگلنگ کے خلاف تعاون سمیت مختلف شعبوں میں دونوں حکومتوں کے درمیان 15 معاہدے طے پا چکے ہیں۔دفاعی تعاون کا معاہدہ 2009 میں طے پایا، جبکہ 2013 میں دونوں ممالک کے وزرائے خارجہ کے درمیان سٹریٹجک انگیجمنٹ پلان قائم کیا گیا، اسی طرح مشترکہ اقتصادی کمیشن 2005 میں تشکیل دیا گیا، سرمایہ کاری کے تحفظ کا معاہدہ 1997 میں طے پایا، دوہری شہریت کا معاہدہ 1983 میں جبکہ حوالگیِ ملزمان (Extradition) کا معاہدہ 1972 میں دستخط کیا گیا تھا۔اس سے قبل 7 مئی 2025 کو اسلام آباد میں پاکستان اور اٹلی کے درمیان ’’لیبر موبیلٹی اینڈ مائیگریشن‘‘ کے موضوع پر ایک مفاہمتی یادداشت پر دستخط ہوئے تھے، جو کسی یورپی ملک کے ساتھ پاکستان کا پہلا باقاعدہ لیبر معاہدہ ہے، اس معاہدے کے تحت پاکستانی افرادی قوت کو اٹلی میں پاکستانی شہریوں کیلئے مختص 10,500 ملازمتوں کے کوٹے سے فائدہ اٹھانے کا موقع حاصل ہوگا۔پاکستانی سفیر نے سیکرٹری خارجہ کی جانب سے سیکرٹری جنرل کو ساتویں دورِ دوطرفہ سیاسی مشاورت میں شرکت کیلئے پاکستان کے دورے کی دعوت بھی دی، انہوں نے 2026 کی آخری سہ ماہی میں اس اجلاس کے انعقاد کیلئے پاکستان کی آمادگی سے آگاہ کیا اور اسلام آباد میں اٹلی کے نئے سفارت خانے کے افتتاح کی خواہش کا اظہار کیا، جو اٹلی کا بیرونِ ملک سب سے بڑا سفارتی مشن ہوگا. اس موقع پر دونوں ممالک کے درمیان تعلقات کی اہمیت کو بھی اجاگر کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ