وزیرِ مملکت داخلہ طلال چوہدری کی کارکردگی قابل تعریف ہے، ایاز صادق
اشاعت کی تاریخ: 16th, January 2026 GMT
اسلام آباد:(نیوزڈیسک) اسپیکر قومی اسمبلی سردار ایاز صادق نے وزیرِ مملکت برائے داخلہ طلال چوہدری اور وزارتِ داخلہ کی مجموعی کارکردگی کو سراہتے ہوئے کہا ہے کہ طلال چوہدری ہر اجلاس میں مکمل تیاری کے ساتھ آتے ہیں اور ایوان میں اٹھائے گئے ہر سوال کا مدلل اور جامع جواب دیتے ہیں۔ ان کا کہنا تھا کہ ایسے وزراء ایوان کی کارکردگی میں واضح اضافہ کرتے ہیں۔
قومی اسمبلی کے اجلاس کے دوران اپوزیشن ارکان نے بھی وزارتِ داخلہ کی جانب سے سوالات کے فصیح و بلیغ انداز میں دیے گئے جوابات کو سراہا۔
اپوزیشن ارکان کا کہنا تھا کہ اختلاف اپنی جگہ مگر طلال چوہدری کی تیاری اور دلائل قابلِ تعریف ہیں اور وہ ایوان میں ہر سوال کا تسلی بخش جواب دیتے ہیں۔
حکومتی ارکان نے بھی وزیرِ مملکت برائے داخلہ کی کارکردگی کو سراہتے ہوئے کہا کہ طلال چوہدری مضبوط دلائل کے ساتھ ایوان میں آتے ہیں اور بحث کے دوران مؤثر انداز میں مؤقف پیش کرتے ہیں۔
اس موقع پر طلال چوہدری نے اظہارِ خیال کرتے ہوئے کہا کہ وزیراعظم محمد شہباز شریف اور وزیرِ داخلہ محسن نقوی کی قیادت میں موجودہ دور وزارتِ داخلہ کے لیے بہترین ثابت ہو رہا ہے اور عوامی مسائل کے حل کے لیے بھرپور اقدامات کیے جا رہے ہیں۔
.
ذریعہ
ذریعہ: Daily Mumtaz
کلیدی لفظ: طلال چوہدری
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا