امریکا میں پولیس نے بکری روبی کو گرفتار کر کے مالک کے حوالے کر دیا
اشاعت کی تاریخ: 16th, January 2026 GMT
data-id="863a0a8" data-element_type="widget" data-widget_type="theme-post-content.default">
واشنگٹن :امریکا کے شہر آبرن (Auburn) میں ایک غیر معمولی واقعہ پیش آیا جب پولیس نے ایک بکری کو گرفتار کیا، یہ بکری مبینہ طور پر Wezley Homes نامی اولڈ ہوم میں زبردستی داخل ہونے کی کوشش کر رہی تھی، جس پر انتظامیہ نے پولیس سے رابطہ کیا۔
پولیس کی جانب سے جاری کردہ بیان میں کہا گیا ہےکہ اہلکار فوری طور پر موقع پر پہنچے اور بکری کو عمارت کے اندر داخل ہونے سے روک دیا۔ پولیس نے بکری کو محفوظ طریقے سے گرفتار کیا اور بعد ازاں جب اس کے مالک کا دوست آیا تو اسے واپس کر دیا گیا۔
اس بکری کا نام روبی تھا اور سوشل میڈیا پر اس کی تصویر بھی پوسٹ کی گئی جس میں روبی پولیس اہلکاروں کے ساتھ خوش مزاجی سے تصویر کے لیے پوز کرتی دکھائی دی، پولیس نے اس واقعے کو دلچسپ اور غیر سنجیدہ قرار دیتے ہوئے بتایا کہ بکری کی معصومیت کی وجہ سے اس کے خلاف کسی قسم کے الزامات نہیں لگائے گئے۔
پولیس کے مطابق یہ واقعہ شہریوں میں کافی توجہ کا مرکز بنا کیونکہ عام طور پر جرائم اور گرفتاریوں سے متعلق خبریں سننے کو ملتی ہیں لیکن اس بار ایک بکری کی غیر معمولی سرگرمی نے لوگوں کو ہنسنے پر مجبور کر دیا۔ اولڈ ہوم کے عملے نے بھی پولیس کی بروقت کارروائی کو سراہا اور کہا کہ اس واقعے سے نہ صرف ادارے میں داخل ہونے کے لیے حفاظتی اقدامات کی اہمیت سامنے آئی بلکہ مقامی کمیونٹی کے ساتھ دوستانہ تعلقات بھی بہتر ہوئے۔
پولیس اہلکاروں نے کہا کہ روبی اب اپنے مالک کے گھر واپس چلی گئی ہے اور اس کا کوئی نقصان نہیں ہوا، ایسے دلچسپ واقعات کے باوجود کمیونٹی کی حفاظت اولین ترجیح ہے اور شہری کسی بھی مشکوک سرگرمی کی اطلاع فوری طور پر پولیس کو دیں۔
سوشل میڈیا صارفین نے اس واقعے پر تبصرہ کرتے ہوئے کہا کہ یہ بکری نے واقعی پولیس کے ساتھ دوستانہ تعلقات قائم کر لیے اور یہ واقعہ ایک خوشگوار خبر کے طور پر یاد رکھا جائے گا۔
ذریعہ
ذریعہ: Jasarat News
کلیدی لفظ: پولیس نے
پڑھیں:
کراچی: واش روم میں بچے کی پیدائش، تحقیقاتی رپورٹ ڈائریکٹر جناح اسپتال کے حوالے
فائل فوٹو۔جناح اسپتال کراچی کے واش روم میں بچے کی پیدائش کے معاملے پر تین رکنی تحقیقاتی کمیٹی نے اپنی رپورٹ ایگزیکٹو ڈائریکٹرکو جمع کروا دی۔
جناح اسپتال کے ذرائع کے مطابق رپورٹ میں کہا گیا متاثرہ خاتون رات ساڑھے 9 بجے گائنی وارڈ میں آئی، گائنی وارڈ میں کسی نے بھی خاتون کو طبی امداد نہیں دی۔
جناح اسپتال کے ذرائع کے مطابق خاتون کا الٹرا ساؤنڈ نہیں کروایا گیا اور چہل قدمی کا مشورہ دیا گیا۔
جناح اسپتال کے ذرائع کے مطابق کنسلٹنٹ اور آر ایم او ڈیوٹی پر موجود نہیں تھے، مریضوں کے ساتھ آنے والے مرد گائنی وارڈ کے احاطےمیں موجود تھے۔
جناح اسپتال کے ذرائع کے مطابق میڈیکل آفسر کو محکمہ صحت بھیجنے اور ڈیوٹی پر موجود پوسٹ گریجویٹ ڈاکٹرز کی 3 ماہ مزید ٹریننگ کی تجویز ہے۔
جناح اسپتال کے ذرائع کے مطابق رپورٹ میں سیکیورٹی گارڈز کی ڈیوٹی پر بھی تحفظات کا اظہار کیا گیا۔ کمیٹی کی جانب سے بنائی گئی رپورٹ سیکریٹری اور وزیر صحت کو دے دی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ