کوٹ مومن: فوتگی پر جانیوالی فیملی کو حادثہ، گاڑی نہر میں جا گری، 14 افراد جاں بحق
اشاعت کی تاریخ: 18th, January 2026 GMT
سرگودھا+فیصل آباد+ گوادر +اسلام آباد+سانگلہ+نوشہرہ ورکاں+فیروز والہ (نمائندہ خصوصی+نوائے وقت رپورٹ+اپنے سٹاف رپورٹر سے+نمائندہ نوائے وقت+نامہ نگار) دھند کے باعث المناک ٹریفک حادثہ میں خواتین اور بچوں سمیت فوتگی پر جانے والے خاندان کے 14 افراد جاں بحق ہو گئے جبکہ 10 مسافرگوادر ٹریفک حادثے میں دم توڑ گئے۔ تفصیلات کے مطابق کوٹ مومن کے گاؤں گھلاپور بنگلہ کے قریب دھند کے باعث مزدا ٹرک بے قابو ہوکر پل سے نیچے گھلا پور نہر میں جاگرا۔ جس میں راولپنڈی کے خاندان کے 23 افراد، فیصل آباد فوتگی پر جانیوالے سوارتھے۔ آدھی رات کو المناک حادثہ کے نتیجہ میں خواتین اور بچوں سمیت خاندان کے14 افراد مصری خان، حلیمہ بی بی، یاسین، سونیا بی بی، پٹھانی بی بی، اڑھائی سالہ ہانیہ، امن فاطمہ، رانی بی بی، دو سالہ حارث، وسیم عباس، دو سالہ اوزین فاطمہ، دو سالہ ثقلین رضا، چھ سالہ حور مظہر، سولہ سالہ آمنہ ممتاز جاں بحق جبکہ متعدد افراد شمیم لیاقت، پروین وسیم عباس، نازیہ ظہیر عباس، حسنین عباس، ظہیر عباس، ممتاز، کاشف، ندیم عباس شدید زخمی ہو گئے جن کو ٹی ایچ کیو ہسپتال منتقل کر کے نعشیں ورثا کے سپرد کر دی گئیں۔ وزیراعلیٰ مریم نواز نے سوگوار خاندانوں سے دلی ہمدردی، تعزیت کا اظہار کیا اور کمشنر سے رپورٹ طلب کر لی۔ دریں اثناء گوادر میں ہڈگوٹھ کے مقام پر الٹ گئی جس کے نتیجے میں 10 افراد جاں بحق اور 14 زخمی ہو گئے۔ دریں اثناء کوٹ مومن ٹریفک حادثہ میں جاں بحق ہونے والے 14 افراد کی میتیں آبائی گاؤں تھانہ روڈالہ روڈ کے علاقہ چک نمبر 364 گ ب میں پہنچا دی گئیں۔صدرِ مملکت آصف علی زرداری، وزیراعظم محمد شہباز شریف نے سرگودھا اور ماڑہ کے قریب ٹریفک حادثات میں قیمتی جانوں کے ضیاع پر گہرے دکھ اور رنج کا اظہار کرتے ہوئے جاں بحق ہونے والوں کی مغفرت اور اہلخانہ کیلئے صبر کی دعا کی۔ننکانہ کی تحصیل سانگلہ ہل میں بھلیر روڈ پر باجوہ فلور ملز کے قریب آئل ٹینکر کے ساتھ تصادم میں موٹرسائیکل سوار 20 سالہ شہروز جاں بحق ہو گیا۔ نوشہرہ ورکاں گوڑھی گاؤں کا رہائشی 17 سالہ حسنین موٹرسائیکل گدھا ریڑھی سے ٹکرا جانے پر دم توڑ گیا، فیروز والہ تھانہ صدر کے علاقہ موٹروے انٹرچینج کے نزدیک دو منی ٹرکوں کے کار کے تصادم میں کار سوار فیاض جاں بحق ہو گیا۔
.
ذریعہ
ذریعہ: Nawaiwaqt
کلیدی لفظ: جاں بحق ہو
پڑھیں:
کراچی میں فائرنگ سے باپ اور نوجوان بیٹا جاں بحق
شہر قائد کے علاقے سرجانی ٹاؤن روزی گوٹْھ میں فائرنگ کے افسوسناک واقعے میں باپ اور بیٹا جاں بحق جبکہ دوسرا بیٹا زخمی ہوگیا۔
تفصیلات کے مطابق سرجانی روزی گوٹھ میں فائرنگ کا افسوسناک واقعہ پیش آیا جس میں والد اور دو بیٹے زخمی ہوئے۔
مقتولین کی لاشوں اور زخمی کو چھیپا کے رضا کاروں نے عباسی شہید اسپتال منتقل کیا۔
اس حوالے سے ترجمان ڈسٹرکٹ ویسٹ پولیس کا کہنا ہے کہ سرجانی روزی گوٹھ میں فائرنگ سے جاں بحق افراد کی شناخت 62 سالہ کامل حسین اور اس کے بیٹے کو 26 سالہ دوہان کے نام شناخت کیا گیا جبکہ زخمی ہونے والے دوسرے بیٹے 30 سالہ عادل کو طبی امداد فراہم کی جا رہی ہے۔
ترجمان کے مطابق ابتدائی معلومات میں پتہ چلا ہے کہ فائرنگ کا واقعہ رشتے داروں کے درمیان تنازع پر جھگڑے کے دوران پیش آیا جس کی اطلاع ملتے ہی سرجانی ٹاؤن پولیس نے موقع پر پہنچ کر شواہد حاصل کیے اور واقعے کی مزید چھان بین شروع کر دی ہے۔
ترجمان کے مطابق فائرنگ کرنے والے ملزم کی بھی شناخت کرلی گئی ہے جس کی گرفتاری کے لیے لیے پولیس چھاپہ مار رہی ہے جسے جلد گرفتار کرلیا جائیگا۔
ایس ایچ او سرجانی ٹاؤن سہیل خاصخیلی نے بتایا کہ فائرنگ کا واقعہ لڑکی کے رشتے پر ہونے والے تنازعے کی وجہ سے پیش آئی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے