ٹیرف میں نرمی، چینی الیکٹرک گاڑیاں عالمی مقابلے میں مزید مضبوط
اشاعت کی تاریخ: 18th, January 2026 GMT
رواں برس چینی الیکٹرک گاڑی (ای وی) ساز کمپنیوں کے لیے عالمی سطح پر ایک اہم موڑ ثابت ہو سکتا ہے، کیونکہ متعدد مغربی ممالک اپنی منڈیاں اعلیٰ کارکردگی کی حامل ’میڈ اِن چائنا‘ الیکٹرک گاڑیوں کے لیے کھول رہے ہیں۔
اگرچہ بیرونِ ملک فروخت میں کسی بڑے اضافے کی توقع نہیں کی جا رہی، تاہم صنعت سے وابستہ حکام اور تجزیہ کاروں کے مطابق بی وائی ڈی اور جیلی جیسی چینی کمپنیاں ان منڈیوں میں مضبوط آغاز کرسکتی ہیں جہاں وہ اب تک موجود نہیں رہیں۔
یہ بھی پڑھیں: چینی کمپنی پاکستان میں الیکٹرک گاڑیاں تیار کرے گی، شارک 6 پلگ اِن ہائبرڈ پک اپ آج مارکیٹ میں آئے گی
اس کا مقصد طویل المدتی بنیادوں پر قدم جمانے سے پہلے خود کو پیداوار اور ٹیکنالوجی کے عالمی رہنماؤں کے طور پر منوانا ہے۔
مشرقی صوبہ ژے جیانگ میں آٹو موبائل پرنٹڈ سرکٹ بورڈز بنانے والی فیکٹری کے مالک چیان کانگ کا کہنا ہے کہ یورپی یونین اور کینیڈا میں پالیسی میں تبدیلیوں نے چینی ای وی گاڑیوں کے لیے بڑی مغربی منڈیوں میں داخلے کی امید پیدا کر دی ہے۔
China’s subsidy change adds to EV makers’ stress as more buyers consider petrol cars
Typical subsidy on an EV drops by around US$1,150, changing buyer calculations and exacerbating the sector’s profitability woeshttps://t.
— Bien Perez (@BienPerez) January 15, 2026
ان کے مطابق اب وقت آ گیا ہے کہ برانڈ سازی اور معیار پر توجہ دے کر مقامی صارفین کو متاثر کیا جائے۔
کینیڈا کے وزیراعظم مارک کارنی نے بیجنگ کے سرکاری دورے کے اختتام پر اعلان کیا کہ کینیڈا چینی ساختہ خالص الیکٹرک گاڑیوں پر عائد اضافی 100 فیصد تعزیری ٹیرف ختم کر دے گا، تاہم سالانہ درآمدی حد 49 ہزار گاڑیاں مقرر کی جائے گی۔
مزید پڑھیں: بھارت کو بڑا جھٹکا، چین نے نایاب دھاتوں کی برآمد پر پابندی عائد کردی
اس کے ساتھ ہی چینی بیٹری سے چلنے والی گاڑیوں پر 6.1 فیصد ٹیرف برقرار رہے گا، جن میں زیادہ تر گاڑیاں 500 کلومیٹر سے زائد رینج اور جدید ان کار تفریحی نظام کی حامل ہیں۔
یہ فیصلہ اس اعلان کے ایک ہفتے سے بھی کم عرصے بعد سامنے آیا ہے جس میں یورپی یونین اور چین نے 7.8 فیصد سے 35.3 فیصد تک کے ٹیرف کو قیمت کے معاہدوں سے تبدیل کرنے پر اتفاق کیا تھا۔
مزید پڑھیں: چین کی کار ساز کمپنی کا پا کستان میں گاڑیاں متعارف کرانے کا اعلان
اس اقدام سے چینی ای وی ساز کمپنیوں کو بین الاقوامی توسیع کے دوران زیادہ منافع کمانے میں مدد ملے گی۔
چین کی دوسری بڑی ای وی ساز کمپنی جیلی نے کہا ہے کہ کینیڈا کا ٹیرف کم کرنے کا فیصلہ اس کے لیے اور دیگر مقامی کمپنیوں کے لیے نئے مواقع کھولتا ہے، کمپنی کے مطابق بظاہر یہ درست سمت میں ایک مثبت قدم ہے، تاہم تفصیلات پر تبصرہ کرنا ابھی قبل از وقت ہے۔
چائنا ایسوسی ایشن آف آٹوموبائل مینوفیکچررز کے مطابق، دنیا کا سب سے بڑا ای وی بنانے والا ملک چین، گزشتہ سال 26 لاکھ الیکٹرک گاڑیاں برآمد کرچکا ہے، جن میں خالص الیکٹرک اور پلگ اِن ہائبرڈ گاڑیاں شامل ہیں، جو سال بہ سال 104 فیصد اضافہ ظاہر کرتا ہے۔
تاہم جنوب مشرقی ایشیا اور روس جیسی منڈیوں میں غلبہ حاصل کرنے کے باوجود، چینی ای وی گاڑیاں اب تک امریکا اور یورپی یونین جیسی بڑی منڈیوں میں عالمی برانڈز کے لیے سنجیدہ خطرہ ثابت نہیں ہو سکیں۔
مزید پڑھیں: پاکستان الیکٹرک وہیکل سیکٹر میں اہم سنگ میل، مقامی طور پر اسمبل الیکٹرک کاریں لانچ
میڈیا رپورٹس کے مطابق پر یورپ میں فروخت کم رہنے کے خدشے کے باعث 2025 کی بلند بنیاد کے بعد اس سال چین کی ای وی برآمدات کی شرح نمو میں سست روی آ سکتی ہے۔ کینیڈا کی جانب سے 2024 میں 100 فیصد ڈیوٹی عائد کیے جانے کے بعد وہاں چین کی ای وی برآمدات تقریباً صفر تک پہنچ گئی تھیں۔
شنگھائی میں قائم ڈیٹا فراہم کرنے والی کمپنی سی این ای وی پوسٹ کے بانی فیت ژانگ کے مطابق 50 ہزار سے کم گاڑیوں کی حد مجموعی برآمدی حجم کے لیے کافی نہیں، لیکن اگر چینی کمپنیاں مقامی صارفین کو اپنی گاڑیوں کی قابلِ اعتماد ہونے پر قائل کر لیں تو یہ ایک اچھا آغاز ثابت ہو سکتا ہے۔
ان کے مطابق شمالی امریکا کی بڑی منڈی کا حصہ ہونے کے باعث کینیڈا چینی کمپنیوں کے لیے غیرمعمولی اہمیت رکھتا ہے۔
یورپی آٹوموبائل مینوفیکچررز ایسوسی ایشن کے مطابق دنیا کی سب سے بڑی خالص الیکٹرک اور ہائبرڈ گاڑیاں بنانے والی کمپنی بی وائی ڈی نے 2025 کے پہلے 11 ماہ میں یورپ میں ایک لاکھ 59 ہزار 869 گاڑیاں فروخت کیں، جو گزشتہ سال کے مقابلے میں 276 فیصد زیادہ ہیں۔
مزید پڑھیں: چینی کمپنیوں نے کیسے پاکستان میں ہونڈا، سوزوکی اور کرولا کی اجارہ داری ختم کی؟
تاہم یورپی منڈیوں میں فروخت ہونے والی چینی ساختہ ای وی گاڑیوں پر بی وائی ڈی کو 10 فیصد عمومی ٹیرف کے علاوہ 17 فیصد اینٹی سبسڈی ڈیوٹی کا بھی سامنا ہے، کینیڈا میں ٹیرف کے خاتمے سے بی وائی ڈی کے منافع میں اضافہ متوقع ہے، کیونکہ اس کی بیرونِ ملک ترسیلات اب اس کی مجموعی فروخت کا تقریباً 20 فیصد ہیں۔
چائنا پیسنجر کار ایسوسی ایشن کے مطابق دنیا کی سب سے بڑی ای وی منڈی چین ہے، جہاں گزشتہ سال دنیا بھر میں فروخت ہونے والی نئی الیکٹرک گاڑیوں کا تقریباً 70 فیصد حصہ چینی خریداروں نے خریدا، جس کی تعداد لگ بھگ ایک کروڑ 30 لاکھ بنتی ہے۔
مزید پڑھیں: پاکستان میں گاڑیوں کی فروخت میں اضافہ کیوں، کونسی زیادہ بک رہی ہیں؟
یو بی ایس سیکیورٹیز کے تحقیقی سربراہ شو بن کے مطابق چین سے برآمد ہونے والی زیادہ تر گاڑیاں ایک لاکھ یوان کے قریب قیمت رکھتی ہیں، تاہم اب 3 لاکھ یوان مالیت کی گاڑیاں بھی بیرونِ ملک فروخت ہو رہی ہیں، جو اس بات کا ثبوت ہے کہ چینی کار ساز کمپنیاں بہتر اور جدید مصنوعات کے ذریعے ویلیو چین میں اوپر جا رہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکٹرک ای وی بی وائی ڈی تعزیری ٹیرف جنوب مشرقی ایشیا چائنا ایسوسی ایشن آف آٹوموبائل مینوفیکچررز چائنا پیسنجر کار ایسوسی ایشن چین ڈیوٹی روس سبسڈی شمالی امریکا شنگھائی کینیڈا ہائبرڈ یوآن
ذریعہ
ذریعہ: WE News
کلیدی لفظ: الیکٹرک ای وی بی وائی ڈی تعزیری ٹیرف جنوب مشرقی ایشیا چائنا ایسوسی ایشن آف آٹوموبائل مینوفیکچررز چائنا پیسنجر کار ایسوسی ایشن چین ڈیوٹی سبسڈی شمالی امریکا شنگھائی کینیڈا ہائبرڈ یوا ن ایسوسی ایشن منڈیوں میں چینی کمپنی مزید پڑھیں بی وائی ڈی کے مطابق چین کی کے لیے
پڑھیں:
اسپاٹیفائی کا عاطف اسلم کو خراج تحسین، گلوکار کی عالمی مقبولیت کا معترف
عالمی میوزک اسٹریمنگ پلیٹ فارم اسپاٹیفائی نے پاکستان کے معروف گلوکار عاطف اسلم کی عالمی مقبولیت اور 2 دہائیوں پر محیط کامیاب فنی سفر کو خراج تحسین پیش کرتے ہوئے ان کے مداحوں کے لیے 31 جولائی کو ریلیز ہونے والا نیا البم ’صبح آئے نا‘ تک پیشگی رسائی کی خصوصی سہولت بھی متعارف کرا دی ہے۔
یہ بھی پڑھیں: 18 سال بعد عاطف اسلم کا نیا میوزک البم ’صبح آئے نا‘ ریلیز کرنے کا اعلان
اسپاٹیفائی کی جانب سے جاری کردہ اعدادوشمار کے مطابق عاطف اسلم کے گیت اب تک تقریباً 8 ارب مرتبہ سنے جا چکے ہیں جبکہ اس وقت ان کے 3 کروڑ سے زائد ماہانہ سامعین موجود ہیں۔ ان کی موسیقی دنیا کے 184 ممالک میں سنی جا رہی ہے جو ان کی غیرمعمولی عالمی مقبولیت کا ثبوت ہے۔
بیان میں کہا گیا ہے کہ گزشتہ 2 دہائیوں سے عاطف اسلم کی آواز محبت، جدائی، خوشی، یادوں، عقیدت اور گھر کی چاہت جیسے بے شمار جذبات سے جڑی ہوئی ہے۔ ان کے گیت شادیوں، طویل سفر، خاموش راتوں اور زندگی کے یادگار لمحات کا لازمی حصہ بن چکے ہیں۔
اسپاٹیفائی کے مطابق عاطف اسلم جنوبی ایشیا کے ان چند فنکاروں میں شامل ہیں جن کی مقبولیت وقت گزرنے کے ساتھ کم ہونے کے بجائے مزید بڑھی ہے۔ اگرچہ ان کی موسیقی کی جڑیں پاکستان میں ہیں تاہم ان کی آواز کی بازگشت پوری دنیا میں سنائی دیتی ہے۔
پاپ، فلمی موسیقی اور روحانی کلام سمیت مختلف انداز میں پیش کیے گئے ان کے گیت آج بھی مداحوں میں یکساں مقبول ہیں۔
بیان میں کہا گیا کہ عاطف اسلم کے مقبول البمز ’دوری‘ اور ’میری کہانی‘ ریلیز کے کئی برس بعد بھی مداحوں کی پسندیدہ موسیقی میں شامل ہیں۔
96 فیصد اسٹریمز پاکستان سے باہراسپاٹیفائی کے اعدادوشمار کے مطابق گزشتہ ایک سال کے دوران عاطف اسلم کی 96 فیصد اسٹریمز پاکستان سے باہر ہوئیں جن میں جنوبی ایشیا، مشرقِ وسطیٰ، شمالی امریکا، یورپ، ایشیا پیسیفک اور دیگر خطوں کے سامعین نمایاں رہے۔
مزید پڑھیے: کیفے میں نماز ادا کرتے عاطف اسلم کی ویڈیو سوشل میڈیا پر وائرل
اسپاٹیفائی کے مطابق دنیا بھر میں صارفین نے عاطف اسلم کے گیتوں کو 3 کروڑ 75 لاکھ سے زائد پلے لسٹس میں شامل کیا ہے، جہاں ان کے نغمے شادیوں، محبت، جدائی، رات گئے ڈرائیوز، پرانی یادوں اور جذباتی لمحات کی موسیقی کا حصہ بنتے ہیں۔
جین زی بھی عاطف اسلم کی دیوانیبیان کے مطابق عاطف اسلم کی موسیقی صرف پرانے مداحوں تک محدود نہیں بلکہ نوجوان نسل، خصوصاً جین زی میں بھی غیرمعمولی مقبول ہے۔ اسپاٹیفائی پر ان کی 85 فیصد اسٹریمز اسی نوجوان طبقے کی جانب سے آتی ہیں۔
اعدادوشمار کے مطابق گزشتہ ایک برس کے دوران 4 کروڑ 10 لاکھ سے زائد نئے سامعین نے یا تو پہلی مرتبہ عاطف اسلم کی موسیقی دریافت کی یا دوبارہ ان کے گیت سننا شروع کیے جو اس بات کی عکاسی کرتا ہے کہ ان کی موسیقی نئی نسل میں بھی مسلسل مقبول ہو رہی ہے۔
اسپاٹیفائی کا خراج تحسیناسپاٹیفائی پاکستان اور متحدہ عرب امارات کی آرٹسٹ اینڈ لیبل پارٹنرشپس منیجر رطابہ یعقوب نے کہا کہ عاطف اسلم جیسے فنکار بہت کم ہوتے ہیں جو کسی ملک کی اجتماعی یادداشت کا حصہ بن جاتے ہیں۔
مزید پڑھیں: نیا البم کب آئے گا؟ عاطف اسلم نے بڑا اعلان کردیا
انہوں نے کہا کہ عاطف اسلم کی موسیقی نے لوگوں کی زندگی کے ہر دور میں ان کا ساتھ دیا ہے جبکہ اسپاٹیفائی پر یہ واضح نظر آ رہا ہے کہ ان کے مداحوں کا یہ جذباتی رشتہ نہ صرف پاکستان بلکہ پوری دنیا میں مزید مضبوط ہو رہا ہے۔ ان کے بقول یہ عاطف اسلم کی لازوال موسیقی اور مداحوں سے گہرے تعلق کا واضح ثبوت ہے۔
عاطف اسلم کیا کہتے ہیں؟اپنی نئی البم کے حوالے سے عاطف اسلم نے کہا کہ یہ البم میری زندگی کے اندرونی انتشار سے نکل کر اپنی حقیقی ذات سے ملنے کے سفر کی عکاسی کرتا ہے۔ انہوں نے مزید کہا کہ میرے مداح انتظار کریں، میں اسے آپ سب کے سامنے پیش کرنے کے لیے نہایت پرجوش ہوں۔
31 جولائی کو نئی البم ریلیز ہوگی
عاطف اسلم کا نیا البم ’صبح آئے نا‘ 31 جولائی کو ریلیز ہوگا جبکہ مداح اسپاٹیفائی کے کاؤنٹ ڈاؤن پیج پر اسے ریلیز سے پہلے ہی پری سیو کر سکتے ہیں۔
البم میں گیت صبح آئے نا، سفر میں ہوں، عشق، لیٹس ہیو سَم فن، سن سجنا، ہوں عشق میں، چار یار اور سچے وعدے شامل ہیں۔
یہ بھی پڑھیے: بھارتی گلوکار اریجیت سنگھ کی عاطف اسلم اور شفقت امانت کی کھل کر تعریف
اسپاٹیفائی کے مطابق تیزی سے بدلتے موسیقی کے رجحانات کے باوجود عاطف اسلم ان چند فنکاروں میں شامل ہیں جن کا اپنے سامعین سے تعلق وقت کے ساتھ مزید مضبوط ہوا ہے اور جن کے گیت ہر نئی نسل اپنی یادوں کا حصہ بناتی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عاطف اسلم عاطف اسلم کا گانا صبح آئے نا عاطف اسلم کا نیا البم گلوکار عاطف اسلم
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی