گل پلازہ میں پیٹرول اور ڈیزل والے 3 ہیوی جنریٹرز موجود، خطرناک قرار
اشاعت کی تاریخ: 18th, January 2026 GMT
کراچی (نیوز ڈیسک) معلوم ہوا ہے کہ تیسرے درجے کی آگ کی لپیٹ میں آئے ہوئے گل پلازہ کی چھت پر 2 اے سی پلانٹ اور 3 ہیوی جنریٹر بھی موجود ہیں۔
بتایا جا رہا ہے کہ گل پلازہ پر موجود جنریٹرز میں ڈیزل اور پیٹرول بھی موجود ہے، جو انتہائی خطرناک ثابت ہو سکتا ہے، جب کہ پلازے کی چھت پر موجود پارکنگ میں 9 گاڑیاں اور ایک رکشہ موجود ہیں۔
تیسرے درجے کی آگ سے گل پلازہ کا گراؤنڈ فلور مکمل طور پر جل چکا ہے، اور عمارت کے تین عقبی حصے گر چکے ہیں، اور اب آگ عمارت کی چھت تک بھی پہنچ گئی ہے جہاں آتش گیر مادہ موجود ہے۔
چیف فائر آفیسر ہمایوں خان کے مطابق فائر فائٹنگ کا عملہ آگ بجھانے میں مصروف ہے، عمارت کا ایک حصہ منہدم ہونے کے بعد آگ کی شدت میں اضافہ ہو گیا، عمارت کے ملبے تلے دب کر ایک فائر فائٹر اہلکار بھی جاں بحق ہو گیا ہے۔
واضح رہے کہ کراچی کے ایم اے جناح روڈ پر واقع گل پلازہ میں لگی آگ 13 گھنٹے بعد بھی بجھائی نہ جا سکی ہے۔ 6 افراد جاں بحق ہو چکے ہیں، آگ سے متاثرہ 20 افراد اسپتال میں زیر علاج ہیں، جب کہ 11 کی حالت تشویش ناک ہے۔
عمارت میں اب بھی کئی افراد کے پھنسے ہونے کا خدشہ ہے، فائر بریگیڈ نے آگ کو تیسرے درجے کی قرار دیا ہے، 20 فائر ٹینڈرز، ایک باؤزر اور 2 اسنارکلز بے قابو شعلوں پر قابو پانے کی کوشش کر رہے ہیں۔ پلازے کا گراؤنڈ فلور مکمل طور پر جل گیا ہے، آگ نے فرسٹ فلور کو بھی جلا کر راکھ کر دیا ہے جب کہ اب آگے چھت کو بھی لپیٹ میں لے چکی ہے۔ گل پلازہ میں تقریباً 12 سو دکانیں ہیں۔
.
ذریعہ
ذریعہ: Daily Mumtaz
کلیدی لفظ: گل پلازہ
پڑھیں:
فلاحی ریاست کا درس دینے والے غریبوں کے وظیفے پر سیخ پا کیوں؟ سعدیہ جاوید
ترجمان سندھ حکومت سعدیہ جاوید(فائل فوٹو)۔ترجمان سندھ حکومت سعدیہ جاوید نے امیر جماعتِ اسلامی حافظ نعیم الرحمٰن کے بیان پر ردِعمل دے دیا۔
ایک بیان میں سعدیہ جاوید کا کہنا ہے کہ فلاحی ریاست کا درس دینے والے آج غریبوں کے وظیفے پر سیخ پا کیوں ہیں؟
ترجمان سندھ حکومت نے کہا کہ حافظ نعیم الرحمٰن کا بیان ان کی سطحی اور غریب دشمن سوچ کا عکاس ہے۔ بے نظیر انکم سپورٹ پروگرام کو فراڈ قرار دینا لاکھوں مستحق خاندانوں کی توہین کے مترادف ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے