پاکستانی کھلاڑیوں کو 20 کروڑ روپے سے زائد کے انعامات، پارلیمنٹ میں تفصیلات پیش
اشاعت کی تاریخ: 19th, January 2026 GMT
حکومت نے مالی سال 2024-25 میں بہترین کارکردگی دکھانے والے پاکستانی کھلاڑیوں کو مجموعی طور پر 20 کروڑ 64 لاکھ 50 ہزار روپے مالیت کے نقد انعامات دیے۔ یہ تفصیلات حال ہی میں پارلیمنٹ میں پیش کی گئیں، جن میں مختلف کھیلوں میں کامیاب ہونے والے کھلاڑیوں اور کوچز کے انعامات کی مکمل تفصیل شامل تھی۔
یہ بھی پڑھیں:فیفا صدر جیانی انفانٹینو سے ملاقات، ارشد ندیم عالمی اسپورٹس آئیکون بن گئے
پارلیمنٹ میں پیش کیے گئے دستاویزات کے مطابق، قومی ایتھلیٹ ارشد ندیم کو سب سے زیادہ رقم، یعنی 15 کروڑ 20 لاکھ روپے نقد انعام کے طور پر دی گئی۔ ان کے کوچ سلمان اقبال بٹ کو ایک کروڑ 6 لاکھ روپے نقد انعام ملا۔ عالمی سنوکر چیمپیئن محمد آصف کو عالمی ٹائٹل جیتنے پر 25 لاکھ روپے انعام دیا گیا۔
ایشین انڈر 21 سنوکر چیمپیئن شپ میں کانسی کا تمغہ جیتنے والے احسن رمضان کو 5 لاکھ روپے نقد انعام ملا، جبکہ سارک اسنوکر چیمپییئن شپ میں گولڈ میڈل جیتنے والے محمد آصف کو 5 لاکھ اور کانسی کا تمغہ جیتنے والے محمد نسیم اختر کو ایک لاکھ روپے دیے گئے۔
علاوہ ازیں ساؤتھ ایشین ریجنل ٹیبل ٹینس چیمپیئن شپ میں مختلف کھلاڑیوں کو مجموعی طور پر 14 لاکھ 50 ہزار روپے نقد انعامات دیے گئے۔
اسپیشل اولمپکس ورلڈ ونٹر گیمز میں مختلف میڈلز حاصل کرنے والے کھلاڑیوں کو 30 لاکھ 50 ہزار روپے نقد انعام فراہم کیا گیا۔ ایشین جونیئیر اسکواش چیمپیئن شپ میں کامیاب کھلاڑیوں کو 17 لاکھ 50 ہزار روپے اور ورلڈ انڈر 23 انفرادی اسکواش چیمپیئن شپ میں نمایاں کارکردگی دکھانے والے کھلاڑیوں کو 75 لاکھ روپے نقد انعامات دیے گئے۔
یہ بھی پڑھیں:ہیرو اوپن ملائیشیا انٹرنیشنل تائیکوانڈو چیمپیئن شپ میں پاکستان کے 4 میڈلز
ایشین اوپن عالمی ٹائیکوانڈو چیمپیئن شپ میں مختلف میڈلز حاصل کرنے والے کھلاڑیوں کو مجموعی طور پر 1 کروڑ 15 لاکھ روپے کے انعامات دیے گئے۔
حکومتی دستاویزات کے مطابق یہ انعامات نہ صرف کھلاڑیوں کی حوصلہ افزائی کے لیے دیے گئے بلکہ پاکستان کے کھیلوں کے شعبے کو مضبوط کرنے کی کوشش بھی ہیں۔ انعامات سے کھلاڑیوں کی محنت کی قدر بڑھے گی اور نئی نسل کو کھیلوں میں بہترین کارکردگی دکھانے کی ترغیب ملے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارشد ندیم پاکستان اسپورٹس قومی اسمبلی.
ذریعہ
ذریعہ: WE News
کلیدی لفظ: پاکستان اسپورٹس قومی اسمبلی لاکھ روپے نقد انعام لاکھ 50 ہزار روپے چیمپیئن شپ میں والے کھلاڑیوں کھلاڑیوں کو انعامات دیے میں مختلف دیے گئے
پڑھیں:
توشہ خانہ ریکارڈ، وزیراعظم اور اسحاق ڈار کے تحائف کی تفصیلات سامنے آگئیں
اسلام آباد(رضوان عباسی ): توشہ خانہ ریکارڈ میں وزیراعظم شہباز شریف اور نائب وزیراعظم و وزیر خارجہ سینیٹر اسحاق ڈار کو اپریل سے جون 2026 کے دوران مختلف غیر ملکی شخصیات اور وفود کی جانب سے ملنے والے سرکاری تحائف کی تفصیلات سامنے آ گئی ہیں۔
کابینہ ڈویژن کی دستاویزات کے مطابق اس عرصے میں موصول ہونے والے تمام سرکاری تحائف توشہ خانہ قواعد کے تحت کابینہ ڈویژن میں جمع کرا دیے گئے ہیں، جبکہ ان کی مالیت کے تعین (ویلیوایشن) کا عمل تاحال جاری ہے۔
دستاویزات کے مطابق وزیراعظم شہباز شریف کو مختلف ممالک کے سربراہان، اعلیٰ حکام اور سرکاری وفود کی جانب سے متعدد یادگاری تحائف پیش کیے گئے۔ ان میں شوگر باؤل، گاڑی کا فریم شدہ ماڈل، شیلڈز، قیمتی قلم، کف لنکس، ٹائی، کافی کپ اور واٹر گلاس سیٹ، چائے کے کپ اور ساسرز، آرائشی واز، ایرانی فیروزہ اِنلے دستکاری پر مشتمل پانچ پیس سیٹ، روایتی چینی اسکرول پینٹنگ، چائنا اسپیس اسٹیشن کا ماڈل اور دیگر سووینئرز شامل ہیں۔
اسی طرح نائب وزیراعظم و وزیر خارجہ سینیٹر اسحاق ڈار کو بھی مختلف ممالک کی جانب سے متعدد سرکاری تحائف دیے گئے، جن میں مصری طرز کا مجسمہ، مسجد نبوی ﷺ کا ماڈل، کف لنکس اور دیگر یادگاری اشیا شامل ہیں۔
دستاویزات میں یہ بھی بتایا گیا ہے کہ ڈپٹی چیف آف پروٹوکول محمد ارسلان میر کو ایک قیمتی ڈائمنڈ کلیکشن رسٹ واچ بطور سرکاری تحفہ موصول ہوئی، جس کی مالیت کا تعین بھی جاری ہے۔
کابینہ ڈویژن کے مطابق توشہ خانہ ریکارڈ میں شامل تمام تحائف متعلقہ قوانین اور قواعد کے مطابق وصول کیے گئے ہیں۔ حکام کا کہنا ہے کہ ویلیوایشن مکمل ہونے کے بعد توشہ خانہ رولز کے مطابق آئندہ کارروائی کی جائے گی۔
سرکاری ذرائع کے مطابق تحائف کی مالیت کا تعین مکمل ہونے کے بعد قواعد کے مطابق یہ فیصلہ کیا جائے گا کہ متعلقہ حکام ان تحائف کو اپنے پاس رکھ سکتے ہیں یا انہیں سرکاری تحویل میں برقرار رکھا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار