امیدواروں کے لیے خوشخبری! ٹرین ڈرائیورز کی بھرتی کی تاریخ میں توسیع کر دی
اشاعت کی تاریخ: 19th, January 2026 GMT
سعید احمد: ریلوے ہیڈکوارٹر نے اسسٹنٹ ٹرین ڈرائیورز کی آسامیوں کیلئے درخواست دینے کی آخری تاریخ میں توسیع کر دی ہے۔ اب خواہشمند امیدوار 25 جنوری 2026 تک اپنی درخواستیں جمع کروا سکیں گے۔
ذرائع کے مطابق نیشنل جاب پورٹل میں فنی خرابی کے باعث ویب سائٹ دو روز تک بند رہی، جس کی وجہ سے امیدوار آن لائن درخواستیں جمع نہیں کرا سکے تھے۔ اسی پیشِ نظر ریلوے ہیڈکوارٹر نے امیدواروں کی سہولت کیلئے تاریخ بڑھانے کا فیصلہ کیا۔
وفاقی حکومت کا بجلی کی قیمتوں میں اضافہ کرنے کا فیصلہ
ریلوے حکام کے مطابق اسسٹنٹ ٹرین ڈرائیورز کی بھرتی کیلئے تیاریاں جاری ہیں اور ملک بھر کی ساتوں ریلوے ڈویژنوں میں مجموعی طور پر 417 اسسٹنٹ ٹرین ڈرائیورز بھرتی کیے جائیں گے۔
تفصیلات کے مطابق کراچی ڈویژن میں, 182سکھر میں ,66ملتان میں 51 ,پشاور میں 33,راولپنڈی میں 30,کوئٹہ میں 29 اورلاہور میں 26 اسسٹنٹ ٹرین ڈرائیورز بھرتی کیے جائیں گے۔
آسامیوں کیلئے تعلیمی اہلیت میٹرک کے بعد 3 سالہ ڈی اے ای (ڈپلومہ آف ایسوسی ایٹ انجینئر) مقرر کی گئی ہے۔
محکموں کو الرٹ رہنے کی ہدایت جاری کر دی: پی ڈی ایم اے
کوٹہ سسٹم کے تحت 60 فیصد اوپن میرٹ،20 فیصد ریلوے ملازمین کے بچوں کیلئے،10 فیصد ایکسپریس سروس مین کیلئے،5 فیصد اقلیتوں کیلئےاور 5 فیصد یتیم بچوں کیلئے مختص کیا گیا ہے۔
ریلوے حکام نے امیدواروں کو ہدایت کی ہے کہ وہ مقررہ تاریخ سے قبل نیشنل جاب پورٹل کے ذریعے آن لائن درخواستیں مکمل کریں تاکہ بعد ازاں کسی قسم کی پریشانی کا سامنا نہ ہو۔
.
ذریعہ
ذریعہ: City 42
کلیدی لفظ: اسسٹنٹ ٹرین ڈرائیورز بھرتی کی
پڑھیں:
موبائل کمپنیوں کو 4 برسوں میں 3 ارب 41 کروڑ جرمانہ، سروس اور کوریج کی بہتری کیلئے مہلت
پاکستان ٹیلی کمیونیکیشن اتھارٹی(پی ٹی اے)نے موبائل کمپنیوں کو غیرمعیاری سروس اور کوریج پر خامیاں دور کرنے کے لیے 30دن کی مہلت دے دی اور بتایا کہ مذکورہ کمپنیوں کو گزشتہ چار برس میں 3 ارب 41 کروڑ روپے جرمانے عائد کیے گئے ہیں۔
پی ٹی اے کے مطابق ملک بھر میں موبائل سروس کے معیار اور کوریج میں بہتری کے لیے ریگولیٹری کارروائیاں تیز کردی گئی ہیں۔
پی ٹی اے نے سروس میں خامیوں پر موبائل آپریٹرز کو 30 روز میں ضروری اقدامات کرنے اور خرابیوں کی وجوہات کا تعین کرکے اصلاحی پلان جمع کرانے کی ہدایت کردی ہے۔
موبائل کمپنیوں کو خبردار کرتے ہوئے پی ٹی اے نے کہا ہے کہ خامیاں دور نہ کرنے والے آپریٹرز کے خلاف مزید سخت کارروائی کی جائے گی۔
پی ٹی اے کے مطابق گزشتہ چار برس کے دوران موبائل کمپنیوں کو 3 ارب 41کروڑ روپے جرمانے عائد کیے گئے ہیں اور کوالٹی آف سروس اور کوریج کی خلاف ورزیوں پر 20وارننگ لیٹرز اور 86 شوکاز نوٹسز بھی جاری کیے جاچکے ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا