یورپی ممالک ٹیرف منصوبے پر 100 فیصد عمل کروں گا، امریکی صدر
اشاعت کی تاریخ: 19th, January 2026 GMT
واشنگٹن: (ویب ڈیسک)امریکی صدر ڈونلڈ ٹرمپ نے کہا ہے کہ نوبل امن انعام پر مکمل کنٹرول ناروے کے پاس ہے۔ یورپی ممالک پر ٹیرف لگانے کے منصوبے پر 100 فیصد عمل کروں گا۔
غیر ملکی خبر رساں ایجنسی کے مطابق امریکی صدر ڈونلڈ ٹرمپ نے اپنے ایک بیان میں کہا کہ ناروے بے شک کچھ بھی کہے نوبل امن انعام دینے پر مکمل کنٹرول اسی کے پاس ہے۔
انہوں نے یورپی ممالک کو تنقید کا نشانہ بناتے ہوئے کہا کہ یورپ کو گرین لینڈ کے معاملے کے بجائے روس اور یوکرین کے تنازع پر توجہ مرکوز کرنی چاہیے۔ کیونکہ یہ مسئلہ خطے اور عالمی امن کے لیے زیادہ اہمیت رکھتا ہے۔
امریکی صدر نے یورپی ممالک پر ٹیرف لگانے کے منصوبے سے متعلق واضح مؤقف اختیار کرتے ہوئے کہا کہ وہ اس فیصلے پر 100 فیصد عمل کریں گے۔ اور کسی دباؤ کو خاطر میں نہیں لائیں گے۔
.
ذریعہ
ذریعہ: Daily Mumtaz
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی