جادو ٹونا یا اسکی تشہیر پر 6 ماہ تا 7 سال قید ہوگی‘ پینل کوڈ میں ترمیم کا بل سینیٹ سے منظور
اشاعت کی تاریخ: 20th, January 2026 GMT
data-id="863a0a8" data-element_type="widget" data-widget_type="theme-post-content.default">
260120-08-26
اسلام آباد (مانیٹرنگ ڈیسک) سینیٹ میں پاکستان پینل کوڈ میں ترمیم کا بل منظور کر لیا گیا، ترمیم میں تعزیرات پاکستان میں نئی دفعہ 297 الف شامل کی گئی ہے۔ بل جادو ٹونا کی روک تھام سے متعلق ہے، بل کے مطابق جو شخص جادو ٹونا یا اس کی تشہیر کرے اسے 6 ماہ سے 7 سال تک قید ہو گی، جرم کے مرتکب شخص کو 10لاکھ روپے تک جرمانہ ہو گا۔ روحانی علاج کے لیے وزارت مذہبی امور کے لائسنس یافتہ فرد پر اس ترمیم کا اطلاق نہیں ہوگا۔ سینیٹ نے ذہنی صحت ترمیمی بل، نرسنگ کونسل ترمیمی بل ، میڈیکل اینڈ ڈینٹل کونسل ترمیمی بل ، سول سرونٹس ترمیمی بل سمیت کئی بل منظور کیے۔ غیرت کے نام پر قتل کی روک تھام کا بل متعلقہ کمیٹی کے سپرد کر دیا گیا۔ سینیٹر سرمد علی کا پیش کردہ صوبائی موٹر گاڑی ترمیمی بل بھی منظور کر لیا گیا۔ سینیٹ میں سول سرونٹس ترمیمی بل بھی منظور کر لیا، بل میں کہا گیا ہے کہ صوبوں کے شیئر سے خواتین کو 10اور اقلیتوں کو 5 فیصد کوٹہ دیا جائے۔ سینیٹ نے وفاقی نصاب، نصابی کتب سے متعلق بل، اور صوبائی موٹر گاڑی ترمیمی بل بھی منظور کر لیا۔
ذریعہ
ذریعہ: Jasarat News
کلیدی لفظ: منظور کر لیا
پڑھیں:
خیبر پختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔ اسلام ٹائمز۔ خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔ نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔ اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔ اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔ ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی