قبائلی عوام کی حمایت کے بغیر کوئی پالیسی کامیاب نہیں ہوسکتی، سہیل آفریدی
اشاعت کی تاریخ: 20th, January 2026 GMT
قبائلی اضلاع کو تجربہ گاہ بنانے کی اجازت نہیں دی جائے گی، تیراہ آپریشن بدمعاشی سے شروع کیا گیا، وزیراعلیٰ
خیبر پختونخوا کی تمام سیاسی جماعتیں متفق ہیں کہ ملٹری آپریشن کسی مسئلے کا حل نہیں، تیراہ متاثرین سے خطاب
وزیر اعلیٰ خیبر پختونخوا محمد سہیل آفریدی نے کہا ہے کہ قبائلی عوام کی حمایت کے بغیر کوئی پالیسی کامیاب نہیں ہو سکتی، قبائلی اضلاع کو تجربہ گاہ بنانے کی اجازت نہیں دی جائے گی۔ میڈیا کے مطابق وزیر اعلیٰ خیبر پختونخوا محمد سہیل آفریدی نے ضلع خیبر کی تحصیل باڑہ میں تیراہ متاثرین کے لیے قائم رجسٹریشن سنٹر کا دورہ کیا، متاثرین کے مسائل خود سنے اور فوری ریلیف، سہولیات کی فراہمی اور شکایات کے ازالے کے لیے متعلقہ حکام کو واضح اور عملی ہدایات جاری کیں۔رجسٹریشن کے عمل کو شفاف، تیز اور آسان بنانے کی ہدایت کی، متاثرین کو فوری امداد، خوراک، رہائش اور طبی سہولیات یقینی بنانے کا حکم دیا۔وزیراعلیٰ نے کسی بھی متاثرہ خاندان کو نظر انداز نہ کرنے کی سخت ہدایات کی۔ جبری بے دخلی اور عوامی مشکلات پر گہری تشویش کا اظہار کیا۔ قبائلی اضلاع کو تجربہ گاہ بنانے کی کسی بھی کوشش کو مسترد کر دیا۔عوامی حمایت کے بغیر کسی پالیسی کو ناکام قرار دیا۔ قبائلی عوام کی قربانیوں کا اعتراف اور ان کے وقار کے تحفظ کے عزم کا اظہار کیا۔ بندوق کے بجائے تعلیم، قلم اور شعور کو واحد راستہ قرار دیا۔ آئینی حدود میں رہتے ہوئے عوام کے حقوق کے لیے جدوجہد جاری رکھنے کا اعلان کیا۔ وزیر اعلیٰ خیبر پختونخوا محمد سہیل خان آفریدی نے تیراہ متاثرین سے خطاب کرتے ہوئے کہا کہ وزیر اعلیٰ خیبر پختونخوا محمد سہیل آفریدی نے ضلع خیبر کی تحصیل باڑہ میں تیراہ متاثرین کے لیے قائم رجسٹریشن سنٹر کے دورے کے موقع پر متاثرین سے خطاب کرتے ہوئے ان کے مسائل سنے اور فوری ریلیف کی یقین دہانی کرائی۔تیراہ متاثرین کو ہر ممکن سہولیات کی فراہمی یقینی بنائی جائے گی۔ متاثرہ خاندانوں کو تنہا نہیں چھوڑیں گے، حکومت ان کے ساتھ کھڑی ہے۔ قبائلی عوام نے دہائیوں تک سرحدوں کی حفاظت کی، ان کی قربانیاں ناقابلِ فراموش ہیں۔ عوامی حمایت کے بغیر کوئی پالیسی کامیاب نہیں ہو سکتی۔ قبائلی اضلاع کو تجربہ گاہ بنانے کی اجازت نہیں دی جائے گی۔ بندوق نہیں، تعلیم اور شعور ہی ہمارے بچوں کا مستقبل ہے۔ آئینی دائرے میں رہتے ہوئے عوام کے حقوق کی جنگ جاری رکھیں گے۔
.
ذریعہ
ذریعہ: Juraat
کلیدی لفظ: قبائلی اضلاع کو تجربہ گاہ بنانے کی خیبر پختونخوا محمد سہیل تیراہ متاثرین حمایت کے بغیر سہیل ا فریدی قبائلی عوام وزیر اعلی جائے گی کے لیے
پڑھیں:
مسجد اقصیٰ کی حرمت پر کوئی سمجھوتہ نہیں، پاکستان سمیت 8 ممالک کے وزرائے خارجہ کا دوٹوک اعلان
پاکستان سمیت آٹھ مسلم ممالک کے وزرائے خارجہ نے مسجد اقصیٰ میں اسرائیلی آبادکاروں اور انتہا پسند عناصر کی حالیہ کارروائیوں کی سخت الفاظ میں مذمت کرتے ہوئے خبردار کیا ہے کہ ایسے اقدامات نہ صرف مذہبی تقدس کی پامالی ہیں بلکہ پورے خطے میں کشیدگی کو خطرناک حد تک بڑھا رہے ہیں۔
مشترکہ اعلامیے پر پاکستان، سعودی عرب، متحدہ عرب امارات، قطر، مصر، اردن، ترکیہ اور انڈونیشیا کے وزرائے خارجہ نے اتفاق کیا۔ اعلامیے میں کہا گیا کہ مسجد اقصیٰ میں اسرائیلی آبادکاروں کی اشتعال انگیز کارروائیاں اور اسرائیلی انتہا پسند وزرا و گروہوں کی سرگرمیاں ناقابلِ قبول ہیں اور ان سے خطے میں امن و استحکام کو شدید خطرات لاحق ہو رہے ہیں۔
وزرائے خارجہ نے اس بات پر زور دیا کہ مسجد اقصیٰ کی تاریخی، قانونی اور مذہبی حیثیت کا ہر صورت احترام کیا جانا چاہیے اور اس میں کسی بھی قسم کی یکطرفہ تبدیلی ناقابلِ قبول ہے۔
مشترکہ اعلامیے میں مسجد اقصیٰ کے انتظامی اور مذہبی امور پر اردن کے محکمہ اوقاف کے خصوصی اختیار کا اعادہ کرتے ہوئے عالمی برادری سے مطالبہ کیا گیا کہ اس حیثیت کو برقرار رکھنے کے لیے مؤثر اقدامات کیے جائیں۔
اعلامیے میں اسرائیل سے مطالبہ کیا گیا کہ مسلمانوں کو مسجدِ اقصیٰ میں عبادت سے روکنے کا سلسلہ فوری طور پر بند کیا جائے، مذہبی آزادی کا احترام کیا جائے اور ایسے تمام اقدامات سے گریز کیا جائے جو مزید کشیدگی اور تصادم کا سبب بن سکتے ہیں۔
پاکستان نے ورلڈ کپ 2028 کیلیے براہ راست کوالیفائی کر لیا