مشی گن میں برفانی طوفان، 100 گاڑیاں ٹکرا گئیں، درجنوں زخمی
اشاعت کی تاریخ: 20th, January 2026 GMT
امریکہ (ویب ڈیسک)ریاست مشی گن میں برفانی طوفان کے دوران 100 سے زائد گاڑیاں آپس میں ٹکرا گئیں یا انٹر اسٹیٹ ہائی وے سے پھسل کر باہر جا گریں،جس کے نتیجے میں متعدد افراد زخمی ہو گئے۔
خبرایجنسی کے مطابق یہ حادثہ گزشتہ روز پیش آیا، جس کے بعد ریاست مشی گن پولیس نے گرینڈ ریپڈز کے جنوب مغرب میں واقع انٹر سٹیٹ 196 کو دونوں سمتوں سے بند کر دیا۔ حکام نے 30 سے زائد ٹریلر ٹرکوں سمیت تمام گاڑیوں کو ہٹانے کے لئے اقدامات شروع کر دیئے۔ مشی گن پولیس کے مطابق حادثات میں متعدد افراد زخمی ہوئے ہیں، تاہم کسی ہلاکت کی اطلاع نہیں ملی۔
سوشل میڈیا اور مقامی ذرائع ابلاغ میں شائع ہونے والی تصاویر اور وڈیوز میں دیکھا جا سکتا ہے کہ برف سے ڈھکی شاہراہ پر ٹرک اور دیگر گاڑیاں آپس میں ٹکرائی ہوئی ہیں۔ امریکی نیشنل ویدر سروس نے متعدد ریاستوں میں شدید سردی یا برفانی طوفان کے خدشے کے پیش نظر وارننگ جاری کی ہے۔ یہ صورتحال شمالی مینیسوٹا سے شروع ہو کر وسکونسن، انڈیانا، اوہائیو، پنسلوانیا اور نیویارک تک پھیلی ہوئی ہے۔
حکام نے ڈرائیور حضرات کو خطرناک حالات میں رفتار کم رکھنے کی ہدایت کی ہے، کیونکہ اب بھی علاقے برفانی طوفان ہے اور درجہ حرارت ہوا کے دباؤ (ونڈ چِل) کے ساتھ منفی 22 ڈگری سینٹی گریڈ (منفی 8 ڈگری فارن ہائیٹ) تک گرنے کی توقع ہے۔
ماہرین موسمیات نے یہ بھی خبردار کیا ہے کہ منگل کی رات تک شمالی وسطی فلوریڈا اور جنوب مشرقی جارجیا کے بیشتر علاقوں میں شدید سردی اور درجہ حرارت نقطۂ انجماد تک گرنے کا امکان ہے۔
.
ذریعہ
ذریعہ: Daily Mumtaz
کلیدی لفظ: برفانی طوفان
پڑھیں:
معروف میکسیکن انفلوئنسر گھر میں مردہ پائی گئیں، قتل کا شبہ
میکسیکو کی معروف سوشل میڈیا انفلوئنسر پاؤلا مارکیز اپنے گھر میں مردہ حالت میں پائی گئی ہیں، جس کے بعد پولیس نے واقعے کی تحقیقات شروع کر دی ہیں۔
غیر ملکی میڈیا رپورٹس کے مطابق 30 سالہ پاؤلا مارکیز کی لاش 30 مئی کو ان کے گھر کے اندر سے اس وقت برآمد ہوئی جب ایک اہلِ خانہ نے انہیں بے ہوش حالت میں پایا۔ بعد ازاں طبی عملے نے موقع پر ہی ان کی موت کی تصدیق کر دی۔
ابتدائی تحقیقات میں پولیس مختلف پہلوؤں کا جائزہ لے رہی ہے جن میں خودکشی اور ممکنہ قتل دونوں امکانات شامل ہیں۔ حکام کا کہنا ہے کہ حتمی نتیجے تک پہنچنے کے لیے تمام شواہد کا باریک بینی سے تجزیہ کیا جا رہا ہے۔
غیر ملکی میڈیا کے مطابق پاؤلا مارکیز سوشل میڈیا پر خاصی مقبول تھیں اور مختلف پلیٹ فارمز پر ان کے فالوورز کی تعداد 20 لاکھ سے زائد تھی۔ وہ زیادہ تر لائف اسٹائل، سفر اور پرتعیش زندگی سے متعلق مواد شیئر کرتی تھیں۔
ان کی ایک حالیہ ٹک ٹاک ویڈیو بھی سامنے آئی ہے جس میں انہوں نے اپنی زندگی سے متعلق مایوس کن انداز میں گفتگو کی تھی۔ ویڈیو میں ان کا کہنا تھا کہ ’’میں نے جو کچھ چاہا وہ مانگا، لیکن شاید الٹا مانگا، کیونکہ جو تھوڑا بہت میرے پاس تھا وہ بھی ہاتھ سے نکل رہا ہے۔‘‘
افسوسناک خبر کے بعد ان کے والد ہیرکولیس مارکیز بالڈیرس نے فیس بک پر جذباتی پیغام میں اپنی بیٹی کو خراجِ عقیدت پیش کیا۔ انہوں نے لکھا کہ ان کی ’’پیارا بیٹی پاؤلا اب اس دنیا میں نہیں رہی‘‘ اور وہ دعا گو ہیں کہ اللہ انہیں بہترین مقام عطا کرے۔
والد کی پوسٹ پر صارفین کی جانب سے تعزیتی پیغامات کا سلسلہ بھی جاری رہا، جہاں مداحوں اور قریبی افراد نے اہلِ خانہ سے ہمدردی اور صبر کی دعا کی۔ بعد ازاں اہلِ خانہ نے تصدیق کی کہ پاؤلا مارکیز کی آخری رسومات یکم جون کو سان لوئیس پوٹوسی کے علاقے ہویچی ہوان میں ادا کی گئیں۔
پاؤلا مارکیز نے اپنی سوشل میڈیا پوسٹوں میں دنیا بھر کے سفر، لگژری ٹرپس اور ایونٹس کی جھلکیاں شیئر کرکے بڑی شہرت حاصل کی تھی۔ ان کے انسٹاگرام بائیو میں درج ایک جملہ ’’انسٹاگرام اصل زندگی نہیں ہے‘‘ بھی ان کی سوچ کی عکاسی کرتا تھا۔
وزارت آئی ٹی نے 1.67 ارب روپے سے زاید کے فنڈز طلب کرلیے