پنجاب، خطرناک عمارتوں کا جامع سروے، کارروائی کی سفارش
اشاعت کی تاریخ: 20th, January 2026 GMT
لاہور: ( نیوزڈیسک) پنجاب میں خطرناک عمارتوں پر سیکرٹری ایمرجنسی اینڈ ریسکیو سروسز کی جانب سے جامع سروے رپورٹ مرتب کر لی گئی۔
سروے رپورٹ کے مطابق پنجاب میں 14 عمارتیں انتہائی خطرناک قرار دی گئی ہیں، لاہور میں 13 عمارتیں خطرناک ہیں جن کے خلاف فوری کارروائی کی سفارش کی گئی ہے۔
رپورٹ میں فیصل آباد میں ایک عمارت کو انتہائی خطرناک قرار دے دیا گیا، خطرناک قرار دی گئی عمارتوں میں رہائش اور کمرشل استعمال پر تشویش کا اظہار کیا گیا ہے۔
بی کیٹیگری میں 63 عمارتیں شامل ہیں جن کی مسلسل نگرانی کا فیصلہ کیا گیا ہے، بی کیٹیگری عمارتوں کو مرمت یا خالی کرانے کی ہدایت کی جائے گی۔
رپورٹ کے مطابق خطرناک عمارتوں سے شہریوں کے جان و مال کو سنگین خطرات لاحق ہیں، سروے رپورٹ ضلعی انتظامیہ اور بلدیاتی اداروں کو ارسال کر دی گئی ہے۔
خطرناک عمارتوں پر قانونی کارروائی اور سیلنگ کا امکان ہے، رپورٹ میں فائر سیفٹی اور بلڈنگ بائی لاز کی خلاف ورزیوں کی نشاندہی کی گئی ہے، شہری علاقوں میں پرانی اور خستہ حال عمارتیں بڑا خطرہ قرار دی گئی ہیں۔
رپورٹ میں خطرناک عمارتوں کے مکینوں کی منتقلی کیلئے لائحہ عمل زیر غور ہے، ضلعی سطح پر فزیکل انسپکشن مزید تیز کرنے کی سفارش کی گئی ہے، پنجاب میں کراچی جیسے سانحات سے بچاؤ کیلئے پیشگی اقدامات شروع کر دیئے گئے۔
.
ذریعہ
ذریعہ: Daily Mumtaz
کلیدی لفظ: خطرناک عمارتوں گئی ہے
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی