ثانوی تعلیمی بورڈ کراچی میں سالانہ ہفتہ طلبہ کا آغاز
اشاعت کی تاریخ: 20th, January 2026 GMT
ثانوی تعلیمی بورڈ کراچی کے ریسرچ سیکشن کے زیر اہتمام سالانہ ہفتہ طلبہ کا آغاز ہو گیا۔
بورڈ کی سماعت گاہ میں پہلے مقابلہ انگریزی تقاریر کی تقریب سے خطاب کرتے ہوئے چیئرمین بورڈ غلام حسین سوہو نے کہا کہ میٹرک بورڈ نے طلباء و طالبات کے مابین مقابلہ جات کے رجحان کو فروغ دیا ہے۔
انہوں نے اسکولوں کے سربراہان سے کہا کہ وہ اپنے اسکولوں میں ایسے پروگرام کا انعقاد ضرورکیا کریں اور ہر اسکول طلباء و طالبات کو انگریزی تقاریر کی مشق لازمی کرائیں۔
اس موقع پر مہمانان خصوصی سابق چیئرمین میٹرک بورڈ فصیح الدین خان اور ڈاکٹر سید شرف علی شاہ نے تقریب میں خصوصی شرکت کی جبکہ سیکریٹری بورڈ ڈاکٹر نوید احمد، قائم مقام ناظم امتحانات محمد ضیاء الحق،بورڈ افسران، اساتذہ کرام اور طلباء و طالبات نے بڑی تعداد میں شرکت کی۔
منصفین کے فرائض ظلِ ہما، موسیٰ تابانی، سمیع بخش جبکہ نظامت کے فرائض سید سمیر احمدنے ادا کئے۔
ڈاکٹر سید شرف علی شاہ نے کہا کہ انگریزی بان دور جدید کی اہم ضرورت ہے، منصفین کے فیصلے کے مطابق طلباء میں پہلی پوزیشن ڈی ایچ اے سی ایس ایس کیمپس بیچ ویو کی اروا پرویز خان، دوسری پوزیشن ڈی ایچ اے سی ایس ایس کیمپس فیز 7 کی معصومہ زینب نے جبکہ تیسری پوزیشن سینٹ جارج اسکول نارتھ ناظم آباد کی فاطمہ عدنان سیال نے حاصل کی۔
شریک مقابلہ میں طلباء وطالبا ت کوچیئرمین بورڈ غلام حسین سوہو نے کتابوں کے تحفہ بھی دیے۔
.
ذریعہ
ذریعہ: Jang News
پڑھیں:
چیک ریپبلک میں فوجی ہیلی کاپٹر گر کر تباہ؛ ایک فوجی ہلاک اور 4 زخمی
چیک ریپبلک کے مشرقی حصے میں ایک فوجی ہیلی کاپٹر گر کر تباہ ہوگیا جس کے نتیجے میں ایک فوجی ہلاک جبکہ تین دیگر زخمی ہو گئے۔
عالمی خبر رساں ادارے کے مطابق چیک وزارتِ دفاع اور فوج کی جانب سے جاری بیان میں کہا گیا ہے کہ حادثہ بدھ کے روز نامیشت ناد اوسلاوو ایئر فورس بیس پر پیش آیا جو دارالحکومت پراگ سے تقریباً 180 کلومیٹر جنوب مشرق میں واقع ہے۔
حادثے کا شکار ہونے والا ہیلی کاپٹر UH-1Y Venom تھا، جس میں مجموعی طور پر 5 فوجی اہلکار سوار تھے۔ حادثے میں ایک اہلکار موقع پر ہی جان کی بازی ہار گیا جبکہ تین زخمیوں کو فوری طور پر قریبی اسپتال منتقل کیا گیا۔
مقامی میڈیا رپورٹس کے مطابق ہیلی کاپٹر معمول کی فوجی تربیتی سرگرمی کے سلسلے میں پرواز کر رہا تھا، تاہم حکام نے ابھی تک اس کی باضابطہ تصدیق نہیں کی۔ حادثے کی وجوہات جاننے کے لیے فوج نے خصوصی تحقیقاتی ٹیم تشکیل دیدی ہیں۔
چیک حکام کا کہنا ہے کہ اس بات کا جائزہ لے رہے ہیں، آیا حادثہ تکنیکی خرابی، موسمی حالات یا انسانی غلطی کے باعث پیش آیا۔ تحقیقات کے نتائج سے میڈیا کو آگاہ کیا جائے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی