کینسر کے مریضوں کی سہولت میں اضافہ، کرن ہسپتال کراچی میں دوسرےہیلسیون لینیئر ایکسلریٹر کا افتتاح
اشاعت کی تاریخ: 20th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی(رپورٹ: منیر عقیل انصاری) کراچی انسٹیٹیوٹ آف ریڈیوتھراپی اینڈ نیوکلیئر میڈیسن (KIRAN)، جو پاکستان ایٹمی توانائی کمیشن (PAEC) کے زیرِ انتظام ملک کا سب سے بڑا سرکاری شعبے کا کینسر ہسپتال ہے، نے جدید ترین دوسرےہیلسیون لینیئر ایکسلریٹر کا افتتاح کر دیا ہے، جس سے کینسر کے مریضوں کے لیے جدید ریڈیوتھراپی سہولت میں خاطر خواہ اضافہ ہو گیا ہے۔ اس اضافہ کے ساتھ کرن ہسپتال اس وقت چار لینیئر ایکسلریٹر آپریٹ کر رہا ہے جن میں دو ہیلسیون سسٹم ہیں۔
جدید Halcyon مشین آئی ایم آر ٹی( IMRT) اور وی ایم اے ٹی (VMAT) تکنیکوں کے ذریعے کینسر کا انتہائی درست علاج فراہم کرتی ہے جس سے علاج کی درستگی اور مریض کی دیکھ بھال بہتر ہوتی ہے۔
کرن ہسپتال اس وقت روزانہ تقریباً 250 کینسر مریضوں کو ریڈیوتھراپی فراہم کرتا ہے، جو ملک میں کسی بھی کینسر ہسپتال کے لیے مریضوں کی سب سے زیادہ یومیہ تعداد ہے۔دوسری ہیلسیون لینیئر ایکسلریٹر کےافتتاح کے بعد روزانہ علاج کی صلاحیت بڑھ کر تقریباً 400 مریض یومیہ تک پہنچ جائے گی، جس سے کینسر کے مریضوں کا ریڈیوتھراپی کے لیے انتظار کا وقت نمایاں طور پر کم ہو جائے گا۔
دوسری ہیلسیون مشین کی شمولیت ،کرن ہسپتال کےکراچی میں ریڈیو تھراپی کے سب سے بڑے مرکز ہونے کے کردار کو مزید مضبوط کرتی ہے اور کرن ہسپتال کے مزید خاندانوں کے لیے کینسر کے علاج کے لیے جدید علاج تک رسائی بڑھانے کے عزم کا اعادہ کرتی ہے۔ اسٹیک ہولڈرز کا کہنا ہے کہ یہ منصوبہ اس بات کی مثال ہے کہ ہسپتال، کمیونٹی ادارے اور ٹیکنالوجی پارٹنرز مل کر کیسے کام کریں جس سے جدید کینسر کیئر زیادہ سے زیادہ پاکستانیوں کے لیے، ان کی مالی حیثیت سے قطع نظر، قابلِ حصول ہو سکے۔
یہ اہم اضافہ کرن پیشنٹس ویلفیئر سوسائٹی (KPWS) اور اسٹریٹیجک پلانز ڈویژن (SPD) کی فراخدلانہ معاونت سے ممکن ہوا ہے جس سے تمام مستحق کینسر مریضوں کو اس مشین پر مفت علاج فراہم کیا جائے گا۔
ہیلسیون سسٹم کو جدید امیج گائیڈنس (Image guidance) کے ذریعے انتہائی درست ریڈیوتھراپی کو علاج کے ہر سیشن میں کےفراہم کرنے کے لیے تیار کیا گیا ہے۔ جس سے مریض کی پوزیشن ہر بار یکساں رکھنے اور تمام ٹیومر سائٹس پر درست ڈلیوری میں مدد ملتی ہے۔ یہ پلیٹ فارم ایک کمپیکٹ اور مریض دوست (Patient-centred) ورک فلو کے تحت ہر قسم کے ٹیومرز کے علاج کے لیے ڈیزائن کیا گیا ہے، جبکہ کلینیکل ٹیموں کے لیے سیشنز کو مؤثر اور کم وقت میں مکمل رکھنے میں بھی مدد دیتا ہے۔
مریضوں کے آرام کو بھی خاص اہمیت دی گئی ہے۔ اس میں ایک ایسا کاؤچ (Couch) نصب ہے جو اوپر نیچے ہو سکتا ہے تاکہ مریض کو آسانی سے درست پوزیشن میں رکھا جا سکے، جبکہ سیٹ اَپ کے دوران مشین نسبتاً کم شور کرتی ہے۔ کاؤچ پر نصب کیمرہ اور اِنٹرکام کے ذریعے مریض اور تھیراپسٹ کے درمیان ہر وقت رابطہ بحال رہتا ہے۔
حفاظتی فیچرز میں کولژن ڈیٹیکشن (Collision detection)، چھ نکاتی حفاظتی طریقۂ کار (Six-point safety approach) اور روزانہ کی کارکردگی کی جانچ شامل ہے، جو تقریباً پانچ منٹ میں مکمل ہو جاتی ہے۔ مزید یہ کہ مشین میں نئی اپ گریڈز مریضوں کی درست پوزیشننگ اور ورک فلو کو مزید ہموار بنانے میں معاون ہیں۔
ذریعہ
ذریعہ: Jasarat News
کلیدی لفظ: لینیئر ایکسلریٹر کرن ہسپتال کینسر کے کرتی ہے کے لیے
پڑھیں:
کراچی، شہر کے مختلف علاقوں میں پولیس مقابلے، 5 ڈاکو زخمی حالت میں گرفتار
کراچی:شہر قائد کے مختلف علاقوں میں پولیس نے مبینہ مقابلوں کے دوران چار ملزمان کو زخمی حالت میں گرفتار کر لیا جبکہ ایک فرار ہونے والے مبینہ ڈاکو کو شہریوں نے پکڑ کر تشدد کے بعد پولیس کے حوالے کر دیا۔
پولیس اور چھیپا حکام کے مطابق اورنگی ٹاؤن تھانے کی حدود میں سیکٹر 8، اللہ والا کالج کے قریب مبینہ پولیس مقابلے میں ایک مبینہ ڈاکو زخمی حالت میں گرفتار کیا گیا۔
زخمی ملزم کو عباسی شہید اسپتال منتقل کیا گیا جہاں اس کی شناخت سبیل کے نام سے ہوئی۔ ملزم کے قبضے سے اسلحہ اور دیگر سامان بھی برآمد کیا گیا۔
ادھر بوٹ بیسن تھانے کی حدود میں کلفٹن، عبداللہ شاہ غازی مزار پل کے قریب مبینہ مقابلے کے دوران ایک مبینہ ڈاکو پولیس کی فائرنگ سے زخمی ہو گیا، جس کی شناخت مانی کے نام سے ہوئی۔
اسے جناح اسپتال منتقل کر دیا گیا۔ اس دوران فرار ہونے کی کوشش کرنے والے دوسرے مبینہ ملزم کو شہریوں نے پکڑ کر تشدد کا نشانہ بنایا بعد ازاں اسے پولیس کے حوالے کر دیا گیا۔ زخمی ملزم کی شناخت سکندر کے نام سے کی گئی۔
دوسری جانب شرافی گوٹھ پولیس نے کورنگی سنگر چورنگی کے قریب راڈو بیکری کے علاقے میں مبینہ مقابلے کے بعد ایک مبینہ ڈاکو اویس کو زخمی حالت میں گرفتار کیا۔ ملزم کو جناح اسپتال منتقل کیا گیا جبکہ اس کے قبضے سے اسلحہ اور دیگر سامان بھی برآمد ہوا۔
اسی طرح قائدآباد تھانے کی حدود میں لانڈھی شیر پاؤ کالونی، مولیٰ مدد قبرستان کے قریب مبینہ پولیس مقابلے میں ایک اور مبینہ ڈاکو زخمی حالت میں گرفتار کیا گیا۔
چھیپا حکام کے مطابق زخمی ملزم کو جناح اسپتال منتقل کیا گیا جہاں اس کی شناخت وارث خان کے نام سے ہوئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار