کیا آپ بھی بچوں کو کھانا کھلاتے وقت موبائل دیتے ہیں؟ یہ عادت بچوں کی خاموش دشمن ہے
اشاعت کی تاریخ: 20th, January 2026 GMT
data-id="863a0a8" data-element_type="widget" data-widget_type="theme-post-content.default">
گھریلو ماحول میں بچوں کو بہلانے، خاموش رکھنے یا آسانی سے کھانا کھلانے کے لیے موبائل فون تھما دینا ایک عام عمل بنتا جا رہا ہے، ماہرینِ صحت اور ماہرینِ نفسیات نے اس رجحان کو بچوں کی ذہنی، جسمانی اور جذباتی نشوونما کے لیے خطرناک قرار دے دیا ہے۔
طبی ماہرین کا کہنا ہے کہ بچے کی زندگی کے ابتدائی برس نہایت اہم ہوتے ہیں، جن میں دماغ، زبان سیکھنے کی صلاحیت اور جذباتی توازن تیزی سے نشوونما پاتا ہے۔ اگر اس حساس دور میں بچے کو اسکرین کا عادی بنا دیا جائے تو اس کے منفی اثرات طویل عرصے تک برقرار رہ سکتے ہیں۔ بظاہر موبائل اسکرین بچے کو پرسکون رکھتی ہے، ضد کم ہو جاتی ہے اور والدین کو وقتی سہولت ملتی ہے، مگر یہی سہولت بچے کی قدرتی سیکھنے کی صلاحیت کو متاثر کرتی ہے۔
ماہرین اطفال کے مطابق کھانے کے دوران موبائل دینے سے بچے کی توجہ خوراک کے ذائقے، مقدار اور جسمانی اشاروں سے ہٹ جاتی ہے، جس کے باعث وہ بھوک اور پیٹ بھرنے کے احساس کو پہچان نہیں پاتا۔ اس کے نتیجے میں نہ صرف غیر صحت مند کھانے کی عادت پیدا ہوتی ہے بلکہ مستقبل میں موٹاپے اور ہاضمے کے مسائل کا خدشہ بھی بڑھ جاتا ہے۔
ماہرین نفسیات نے خبردار کیا ہے کہ اسکرین کے منفی اثرات فوری طور پر سامنے نہیں آتے بلکہ آہستہ آہستہ بچے کی بولنے کی رفتار، توجہ مرکوز کرنے کی صلاحیت، نیند کا معیار اور جذباتی توازن متاثر ہونا شروع ہو جاتا ہے۔ کئی بچوں میں کم عمری میں نظر کی کمزوری، بے چینی اور چڑچڑے پن جیسی علامات بھی سامنے آ رہی ہیں۔
طبی ماہرین کے مطابق والدین اکثر مجبوری کے تحت اسکرین کا سہارا لیتے ہیں، خصوصاً ایسے گھروں میں جہاں والدین دونوں ملازمت پیشہ ہوں یا مدد دستیاب نہ ہو۔ تاہم ماہرین نے والدین پر زور دیا ہے کہ بچوں کے ساتھ وقت گزاریں، انہیں بات چیت، کھیل اور دیگر سرگرمیوں میں مصروف رکھیں تاکہ اسکرین پر انحصار کم کیا جا سکے۔
طبی ماہرین کا کہنا ہے کہ بچوں کی بہتر ذہنی اور جسمانی نشوونما کے لیے اسکرین ٹائم محدود کرنا وقت کی اہم ضرورت بن چکا ہے۔
ذریعہ
ذریعہ: Jasarat News
کلیدی لفظ: بچے کی
پڑھیں:
ڈیرہ اسماعیل خان، بیس روزہ دین شناسی شارٹ کورس
اسلام ٹائمز: کثیر تعداد میں بچوں نے شرکت کی۔ اس دین شناسی شارٹ کورس میں بچوں کو قرآن وحدیث، وضو، صوم، صلوات اور بنیادی فقہی احکام سے روشناس کرایا گیا۔ چھوٹی تصاویر تصاویر کی فہرست سلائیڈ شو
ڈیرہ اسماعیل خان، بیس روزہ دین شناسی شارٹ کورس
ڈیرہ اسماعیل خان، بیس روزہ دین شناسی شارٹ کورس
ڈیرہ اسماعیل خان، بیس روزہ دین شناسی شارٹ کورس
ڈیرہ اسماعیل خان، بیس روزہ دین شناسی شارٹ کورس
ڈیرہ اسماعیل خان، بیس روزہ دین شناسی شارٹ کورس
ڈیرہ اسماعیل خان، بیس روزہ دین شناسی شارٹ کورس
ڈیرہ اسماعیل خان، بیس روزہ دین شناسی شارٹ کورس
ڈیرہ اسماعیل خان، بیس روزہ دین شناسی شارٹ کورس
ڈیرہ اسماعیل خان، بیس روزہ دین شناسی شارٹ کورس
ڈیرہ اسماعیل خان، بیس روزہ دین شناسی شارٹ کورس
اسلام ٹائمز۔ ڈیرہ اسماعیل خان جامعۃ النجف کوٹلی امام حسینؑ میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔ اس دین شناسی شارٹ کورس میں بچوں کو قرآن وحدیث، وضو، صوم، صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی، تقسیم تقریب انعامات کا اہتمام کیا گیا۔
بھارت سے جنگ اور افغانستان میں کارروائی خارج ازامکان نہیں، وزیردفاع