جلد پانڈا بانڈ جاری کر رہے ہیں، وزیر خزانہ: غزہ میں قتل عام نہیں رکا، قطر
اشاعت کی تاریخ: 21st, January 2026 GMT
اسلام آباد (نمائندہ خصوصی+ نوائے وقت رپورٹ) پاکستان نے اہم معاشی کامیابیاں حاصل کی ہیں، پاکستان ڈیفالٹ کے قریب پہنچ گیا تھا۔ حکومت اس بات کا جائزہ لے رہی ہے کہ ڈالر، یورو یا اسلامی سکوک بانڈ جاری کیا جائے۔ اس کے ساتھ ساتھ پاکستان جلد ہی اپنی تاریخ کا پہلا پانڈا بانڈ بھی متعارف کرانے کی تیاری کر رہا ہے۔سوئٹزرلینڈ کے شہر ڈاووس میں ورلڈ اکنامک فورم کے موقع پر پاکستانی وفد، جس کی قیادت وزیراعظم شہباز شریف کر رہے ہیں، عالمی سرمایہ کاروں کو یہ پیغام دے رہا ہے کہ پاکستان کی معیشت بہتر ہو چکی ہے اور سرمایہ کاری کے لیے تیار ہے، خاص طور پر معدنیات، زراعت اور ٹیکنالوجی کے شعبوں میں۔وزیرِ خزانہ نے کہا کہ پاکستان نے معاشی استحکام کے میدان میں اہم کامیابیاں حاصل کی ہیں۔ ان کے مطابق مہنگائی، شرحِ سود، مالی خسارہ اور کرنٹ اکاؤنٹ سمیت تمام بڑے معاشی اشاریے بہتر سمت میں جا رہے ہیں۔پاکستان 2022 ء کے بعد عالمی بانڈ مارکیٹ سے تقریباً باہر ہو گیا تھا، کیونکہ یہی پائیدار ترقی کا واحد حل ہے۔’’وفاقی وزیر برائے خزانہ و محصولات، سینیٹر محمد اورنگزیب نے ڈیووس میں ورلڈ اکنامک فورم کے سالانہ اجلاس کے موقع پر متحدہ عرب امارات کے وزیر مملکت برائے مالی امور، محمد الحسینی سے ملاقات کی۔اس ملاقات میں دونوں فریقین کو جاری اقتصادی تعاون کا جائزہ لینے اور پاکستان اور متحدہ عرب امارات کے درمیان قریبی اور ہمہ جہت تعلقات کو مزید مضبوط بنانے کے طریقوں پر تبادلہ خیال کا موقع ملا۔ اماراتی وزیر نے اس سے اتفاق کیا اور اقتصادی استحکام اور طویل المدتی ترقی کے لیے سرمایہ کاری پر مبنی تعاون کی اہمیت کو اجاگر کیا۔ اماراتی وزیر نے ان پیش رفتوں کا خیرمقدم کیا، اور اس اعتماد کا اظہار کیا کہ ان شعبوں میں تعاون مزید وسعت اختیار کرے گا۔ دریں اثناء اقتصادی امور احد خان چیمہ اور عالمی بینک کے علاقائی نائب صدرعثمان ڈیون کے درمیان ملاقات ہوئی ،پاکستان اور عالمی بینک کا باہمی دلچسپی کے مختلف شعبوں میں دوطرفہ اسٹریٹجک تعاون مزید مضبوط بنانے کے عزم کا اعادہ کیا گیا ،فریقین نے عالمی بنک کے کنٹری پارٹنرشپ فریم ورک برائے 2026–2035ء کے تحت اقتصادی ترقی، گڈ گورننس کے فروغ پر زور دیا، ملاقات میں توانائی، غذائی تحفظ، زراعت، بنیادی ڈھانچے کی ترقی اور ٹرانسپورٹ جیسے اہم شعبوں میں ممکنہ تعاون پر گفتگو کی گئی ۔ ادھر قطری وزیراعظم حمد بن عبدالرحمان الثانی نے ڈیوس میں عالمی اقتصادی فورم میں گفتگو میں کہا ہے کہ غزہ میں جنگ بندی کے باوجود قتل عام نہیں رکا، مشرق وسطیٰ بہت زیادہ کشیدگی سے گزر رہا ہے، میرے خیال میں ہمیں دانشمدانی سے کام لینا چاہئے۔
.
ذریعہ
ذریعہ: Nawaiwaqt
پڑھیں:
گورنر خیبرپختونخوا سے ترک سفیر کی ملاقات ، باہمی تعاون ،دوطرفہ امور پر تبادلہ خیال
اسلام آباد (اُردو پوائنٹ اخبارتازہ ترین - اے پی پی۔ 02 جون2026ء) گورنر خیبرپختونخوا فیصل کریم کنڈی سے ترک سفیر ڈاکٹر عرفان نذیر اوغلو نے ملاقات کی،جس میں پاک ترک تعلقات، باہمی تعاون اور دوطرفہ امور پر تبادلہ خیال کیا گیا۔منگل کو گورنر آفس اسلام آباد سے جاری بیان کے مطابق ملاقات میں پاکستان اور ترکیہ کے برادرانہ تعلقات مزید مضبوط بنانے کے عزم کا اظہار کیا گیا۔دونوں رہنماؤں کے درمیان تجارت، سرمایہ کاری، تعلیم اور ثقافت کے شعبوں میں تعاون بڑھانے پر گفتگو ہوئی اورخیبرپختونخوا اور ترکیہ کے درمیان اقتصادی روابط کے فروغ پر تبادلہ خیال کیا گیا۔اس موقع پرگورنر خیبرپختونخوانے کہا کہ پاک۔بھارت جنگ میں ترکیہ نے پاکستان کا بھرپور ساتھ دیا،نئی نسل کو پاک ترک دوستی میں متحرک کرنا انتہائی ضروری ہے۔(جاری ہے)
انہوں نے کہا کہ خیبرپختونخوا کے تاجروں اور طلبہ کے ترکیہ دوروں کا سلسلہ شروع کیا جائے،دونوں ممالک کے ثقافتی اور ادبی وفود کے دورے بھی انتہائی ضروری ہیں، ایسے اقدامات سے ترکیہ اور پاکستان دوستی مزید مضبوط ہو گی۔گورنر خیبرپختونخوا نے کہا کہ زراعت کے شعبہ میں بھی دونوں ممالک بالخصوص خیبرپختونخوا میں ترقی اور سرمایہ کاری کے وسیع امکانات ہیں۔ گورنر خیبرپختونخوا نے پشاور کو ترکیہ کے کسی بڑے شہر کے ساتھ سسٹر سٹی قرار دینے کی تجویز پیش کی۔ترک سفیر نے بتایا کہ پشاور کو ترکیہ کے ایک شہر کے ساتھ سسٹر سٹی قرار دیا جائے گا، پاکستان کے نوجوانوں کو آئی ٹی اور جدید ٹیکنالوجی کے شعبوں میں تربیت کے مواقع فراہم کرنے کے لئے تعاون کریں گے۔ ترک سفیر نے وزیراعظم یوتھ پروگرام کو نوجوانوں کی ترقی کے لئے ایک مثبت اور موثر اقدام قرار دیا۔ترک سفیر نے کہا کہ پاکستان اور ترکیہ کے درمیان تعلیم، ٹیکنالوجی اور نوجوانوں کی استعداد کار بڑھانے کے شعبوں میں تعاون مزید فروغ پائے گا۔ملاقات میں پاکستان پیپلز پارٹی کے خیبر پختونخوا اسمبلی میں پارلیمانی لیڈر احمد کنڈی بھی موجود تھے۔
وزارت آئی ٹی نے 1.67 ارب روپے سے زاید کے فنڈز طلب کرلیے