امریکا نے روس، یوکرین امن معاہدے کیلئے کوششیں تیز کر دیں
اشاعت کی تاریخ: 21st, January 2026 GMT
واشنگٹن:(ویب ڈیسک) امریکا نے روس اور یوکرین کے درمیان کشیدگی میں کمی اور امن معاہدے کیلئے کوششیں تیز کر دیں۔
روس یوکرین تنازع کے حل کیلئے امریکی نمائندۂ خصوصی اسٹیووٹکوف اور صدر ٹرمپ کے داماد جیرڈ کشنر کی روسی ایلچی کیرل دمتریف سے ملاقات ہوئی، فریقین کے درمیان روس یوکرین جنگ پر مذاکرات ہوئے۔
ملاقات کے بعد روسی صدر پیوٹن کے ایلچی نے بات چیت کو تعمیری قرار دیتے ہوئے کہا کہ دنیا یوکرین کے حوالے سے روس کے مؤقف کو سمجھ رہی ہے، مذاکرات میں ممکنہ معاہدے پر غور کیا گیا۔
خبر ایجنسی کے مطابق اس اہم ملاقات کے بعد روس نے 37 مبینہ مجرم امریکا کے حوالے کر دیے، روس کی جانب سے یہ اقدام دونوں ممالک کے درمیان تعاون کے تحت کیا گیا۔
.
ذریعہ
ذریعہ: Daily Mumtaz
پڑھیں:
کوہستان کرپشن کیس، نیب نے 6 ارب کے ریکور اثاثے خیبر پختونخوا کے حوالے کردیے
فائل فوٹوکوہستان مالیاتی کرپشن کیس میں قومی احتساب بیورو (نیب) نے 6 ارب روپے کے اثاثے ریکور کرکے خیبر پختونخوا حکومت کے حوالے کردیے جبکہ مزید ریکوری کا عمل جاری ہے۔
چیئرمین نیب لیفٹیننٹ جنرل (ر) نذیر احمد نے پشاور میں اثاثے چیف سیکرٹری خیبر پختونخوا شہاب علی شاہ کے حوالے کیے۔
نیب حکام کے مطابق پہلے مرحلے میں 6 ارب روپے سے زائد مالیت کے اثاثے صوبائی حکومت کے حوالے کیے گئے ہیں، جن میں نقد رقم، سونا، قیمتی جائیدادیں اور لگژری گاڑیاں شامل ہیں، اثاثوں کی واپسی منظم اور جامع تحقیقات کے نتیجے میں عمل میں آئی۔
نیب حکام کے مطابق کوہستان مالیاتی کرپشن میں سرکاری فنڈز سے 37 ارب روپے سے زائد کا غبن ہوا ہے، پیچیدہ مالیاتی غبن کو مؤثر تحقیقات کے ذریعے بے نقاب کیا گیا۔
چیئرمین نیب نے کہا کہ ڈائریکٹر جنرل (ڈی جی) نیب خیبر پختونخوا فرمان اللہ اور تحقیقاتی ٹیم کی کارکردگی قابل ستائش ہے۔
انہوں نے مزید کہا کہ کوہستان مالیاتی کرپشن میں مزید ریکوری کا عمل جاری ہے، قانونی کارروائی مکمل ہونے پر مزید اثاثے خیبر پختونخوا حکومت کو منتقل کیے جائیں گے، عوامی وسائل قومی امانت ہیں، ان کے تحفظ کے لیے ہر ممکن اقدام کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ